isch letzt wuche usecho und ha keis topic gfunde. Remake vom SFC game (region locked in japan) im HD-2D style.
optisch sehr schön umgsetzt, wobi s ganz klar no viel luft nach obe geh het zum details ibaue. mues ja nid es detail-getreues remake si. zerst han ichs gar nonid welä spiele, will ja xenoblade chronicles 3 inere wuche chunt. ha denn aber gfunde, dass es glich gat will d charakter ja je en eigeni story hend und ichs spiel darum nonid muess fertig spiele.
gspielt bis jez hani d gegewart - beat em up à la street fighter im tactical rpg modus, rundebasiert mit echtziit. oder wie meh dem au immer sege will
die kämpf wo ich ufem SFC nie kapiert han sind nach mehrere aläuf denn endlich gange. när hani d story vom höhlebewohner agfange. viel charme und witz. was nervt isch de speicherpunkt. inere höhli ine wo ich gege en überstarke boss kämpfe muess, ka nid vor oder zurück. zum glück hani no manuell gspeicheret gha. so sache sötted bimne remake eifach behobe werde. ufem SFC hani de cowboy und ninja mal agspielt, aber bi beidne stories verseit.
spielts susch no öper?
