Elden Ring

[The Sheep]

Ich han nachdem ichs fertig gspielt han, churz Newgame+ usprobiert, bin aber in Chürzi völlig op gseh und ha relativ bald kei Luscht me ka. Nach zwei Wuche Pause hets mi aber wieder packt. Game wieder inschtalliert und en neue Charakter agfange.
Mini Spielzit total: 349 Stunde :typej:

[thaeye]

bin au immer na dra. han noi agfange.

[Doraemon]

I freue mi oscho ufe 2. Run., machi de nachere churze Pause. Ha no nid 1x Magie brucht da ig im 1. Run e Str. / Dex. Build ha gmacht. Wird sicher intressant, Bosse wo vorher si liecht gsi werde schwierig und umgekehrt.

[thaeye]

mit magie killsch eigentlich jede boss wo nöd sehr agil isch mit em Azur comet und de FP Flask innerhalb de 1. phase. zerst s spellfield für +30Spelldamage ufstelle, flask inehaue und comet abtrucke.

[Parisienne]

20/10
So isch open world geil
Ned 38383993021037 sache uf de map, eifach chlii umeriite und entdecke

[Parisienne]

Margit mit lv 15 oder so parry killt meine fresse

[thaeye]

han bald herbstferie und fang den da en zweihändige schwert typ aaa.

[Parisienne]

Ich han jetzt de Morgott abegschwoert. Isch normal das mich jede normal enemy two-shotte chan?
Han 40 Vigor

[Parisienne]

han bald herbstferie und fang den da en zweihändige schwert typ aaa.

Genau das hani gmacht kah, dex build mitem bloodhound schwert. Han jetzt respecc uf int/dex fuer uchigatana + moonveil, es gaht ab,

[zeromeier]

Spiels jetzt au, 40h drin, isch fantastisch, aber oni Lösig chasch es nöd spiele oder? Zumindest ich will das nöd mache.

[siralos]

doch das chasch. eifach alles ufdecke und töte, dann chomsch irgendwenn mal zum endgägner.

es het sehr vieli optionali gebiete und bossene, also mehr no als i de soulsbourne.

[Master(G)]

ha au agfange zu mine wiehnachtsferie. bin jetzt stufe 80. ha grad vorig de radahn abeglah. DEMIGOD FELLED!!

[feeshlee]

Spiels jetzt au, 40h drin, isch fantastisch, aber oni Lösig chasch es nöd spiele oder? Zumindest ich will das nöd mache.

d'main quest isch ide map ihzeichnet. dafür bruchsch kei lösig.
malenia / moog finde isch nöd so offesichtlich.

[thaeye]

spiels au widr. es monster vomene spiel und eifach nur geil.

schad chame soes spiel nöd namal s 1 mal erlebe.

[Vyse]

Würs gärn guet finde (visuells gfallts mier ja) aber finds wiiterhin mega es doofs Spiel. Wänn die einzig Wärtproposition, dBefriedigung vomene besiegte Gägner isch, was söll ich demit ahfange? Wo isch da en emotionali Relevanz? Stunde vergüüde, zum en Gägner zbesiege und das i dä Ändlosschlaufe.

Es Metroid Prime, en Witcher 3, es Subnautica, Blasphemous, usw. alles Spiel, zu dänne e Verbindig uufbausch, du involviersch dich mit dä Wält oder em Mythos, im Elden Ring würkt alles so vag und diffus und irgendwie platt. "Dull" wär e gueti Beschriebig und so fühlt me sich au nach es paar Stund spiele, anstatt beriichert.

[thaeye]

also d openworld erkunde isch scho au na en areiz. aber ja wenn dir "heruuusforderige" nöd passet. den isches nix, isch halt die alt souls formle.
eifach da nöd vergesse, das from scho sehr vill "hilfene" abüütet damit die meiste zumindest 80% vom spiel gsehnd. für dich eigentlich passend.

ich mein wenn d mimic tear (chunsch en companion über wo genau glich usgrüstet isch wie du und du chasch summone) häsch rushish zu 80% dur de content (bitzeli gnerft worde isch sie zwar)

[Vyse]

Ja, das stimmt. dWält uuskundschafte isch rächt cool, die isch tatsächlich schön.

[thaeye]

am beste machsch mal en astrologer und gasch den voll uf mage und holsch dir de spell für 30%+ damage und de azur comet und scho wirds spiel zumindest bi 80% vo de bosse es chinderspiel: inelaufe, mimic beschwöre, flask trinke damit widr alles lebe häsch und den s feld stelle für 30% meh damage und den na das flask trinke wo dir 10sek gratis mana und den de comet loslah für ca. 10sek ohni manaverbruch.und scho hausch fast jede boss innerhalb paar sekunde in bode.

[Moff]

finde iets metroid prime und elden ring (bzw. all soulslikes vo from software) baued iets ufen ähnlichi art und wis en bindig uf, git ja i dem sinn kei charaktere oder en feschte plot oder zwüschesequenzene, sonder baut meh uf erkundig uf eigni fuscht uf.

witcher 3 macht das komplett andersch, das isch klar.

[Vyse]

am beste machsch mal en astrologer und gasch den voll uf mage und holsch dir de spell für 30%+ damage und de azur comet und scho wirds spiel zumindest bi 80% vo de bosse es chinderspiel: inelaufe, mimic beschwöre, flask trinke damit widr alles lebe häsch und den s feld stelle für 30% meh damage und den na das flask trinke wo dir 10sek gratis mana und den de comet loslah für ca. 10sek ohni manaverbruch.und scho hausch fast jede boss innerhalb paar sekunde in bode.

Das wär en Ahsatz, merci.

[feeshlee]

dä mimic findi guet, aber dä bescht isch für mich dä black knife tiche. muesch glaubs d'ranni-questline durespiele, aber die macht als mage sowieso spass.

[thaeye]

ja scho de tiche isch siiteme patch fast na besser als mimic, d ranni quest isch als mage eh es muess weg schwert.

@vyse wür aber scho en guide neh, ansonste irrsch widr ume wie am afang vorallem wenn de mage grad guet wottsch usrüste. muesch halt scho wüsse wos züg isch, demit den schnell chasch go boss hacke.

[siralos]

nimmt me sich nid de ganze spass weg, wenn me sich all die guides/location vo de items scho voreweg a luegt?

i luege die guides erscht nachdem i scho fascht alles erkundet ha und kurz vorem endboss bii. dann no schnäll alles mögliche i sammle und dr obermotz vertätsche.

[thaeye]

wenns dir wichtig isch wenigstens mal chli wiiter z choh , den isch en guide scho besser. au bezüglich itemslocation etc. zum de mage z.b scho am afang guet uszrüste (z.b meteor staff in caelid etc.)
ansonste bisch halt au 100h dra

[Master(G)]

ich benutz au guides, aber nur weni nüm wiiter chum. ha kei bock allzu lang umezueche.

bin jetzt im volcano manor bim boss. vorher hani golden city probiert, aber die gägner dette sind mir no zu starch. muess no bitz levle.

aber dlevels sind absolut fantastisch.
mängisch stahsch eifach nur so da und seisch "wow!"

ich bin zwar samurai, aber ich han en füürmagie, die isch so starch, dassi scho 2 bosse nur exklusiv mit dem füüratem abelah han

ich ha soooo viel waffe.. und benutz immer nur mis start-katana (+16 jetz). das isch stärcher als das moon-blade katana. schad, chani das ned wiiter uflevle. fählt mer en smithing stone 7... find keini.

jänu. mal wiiter mache. mini ganze xmas ferie gönd für elden ring drauf. 2 wuche non-stop quasi