Was spielsch grad retrigs?

[turntablism]

Wider raiden 1 am cab. Schaff keini 500000

Denn han ich mal Alan Wake agfange. Weiss nö ob ich no usduur ha für so langs gegame.

[Doraemon]

Grandia

bi mir grad umgekehrt. Grandia isch de hammer gsi. super kampfsystem, schön bunt, sehr gueti story. weli version hesch gspielt? ha de switch port gspielt gha.

Romancing Saga 2

mit dem han ich nüt chöne afange, gnau usem grund, dass d charaktere huere schnell sterbed und wieder vo vorne afangsch. evt. han ichs au eifach nid kapiert.

Ha o der Switch Port probiert. I bhaltes ämu no und vilech gibim de nomau e Chance i de nächste paar Jahr.

JA bi RoSa2 isches am Afang scho grad bitz hert, bis me mau aus gschnallt het und me mues immer sehr vorsichtig u taktisch ga kämpfe, da sech d Monster o dim Level apasse unds immer schön schwierig blibt. Dasch genau so nes Game wo es sich lohnt bim erste Versuech nach ca. 3 Stund weme alles gschnallt het, nomal neu afa. Plus es lohnt sech vor fasch jedem Kampf ds spichere, damit me bi ds viel Verlust nomau cha neu kämpfe. Bi jetz ir 3. Generation und es isch genau mis Ding.

@turntablism: Ja Raiden isch e herti Nuss. Du weisch aber sicher, dass es mit em 2 Player viu eifacher isch? Und d Fairies, weisch wo sie si? I schaffe uf Arcade o nur ca. 550'000 bis jetz.

[turntablism]

Nö, spiele immer uf em 1 player. Warum isch es mit em Player 2 einfacher?
Und was sind fairies?

[Doraemon]

Mit Player 2 isches der easy mode. Die meiste Scorer spile mitem Player 2 aber säge nur nüt Isch i sehr vielne Arcade Shmups so dass mitem Player 2 ds Game anders isch. Mängisch schwieriger aber mängisch o eifacher. Arcade secrets
Fairies si die versteckte Fee wome cha freischiesse. Gäbe eim Punkt und Powerups nachem stärbe.

[turntablism]

di guet fee kenni nur im stage one. gitts in jedem stage eini ?

[Doraemon]

I kenne nur die in Stage 1 und 3.

[Mr. Heli]

mario party 2 uf switch online so zwüsched dure chli bim film luege

[Reinforced]

Final Fantasy 7

[Doraemon]

Immer no Romancing Saga 2 - es het mi richtig packt und isch für mi eis vo de Highlights woni das Jahr ha gschpiut. Wobi das Jahr hets mängs persönlechs Highlight gha.

Es isch aber knallhert und nur öpis für sehr geduldigi RPGler wie mi. Kämpfe bis zum abwinke und sueche wie und wo es witergeit, d Übersetzig isch mängisch bitz kryptisch und minimalistisch wobi im Original isches o sehr spärlech was d NPC säge. D Rätsel und d Suecherei erinneret mi sogar bitz a Ultima IV. Aber ds System mitem Generationewechsel inkl. vielne Charaktere zur Uswahl isch scho genial und für mi sehr früsch, motiviert zum mehrfache dürespile. O bir Story passiert ungerschiedlechs je nach däm was me macht. Bi gspannt was no aues chunnt.

[Mr. Heli]

bi jez bim endboss in Tengai Makyo Zero SFC und han eis ufde grind becho. hüt abig gits denn nomal en alauf. leider de ganz weg wieder dete anelaufe und gfühlt jede 3. schritt en kampf.

[Doraemon]

dasch äbe geil! Vilech gits ja no e Item Drop ufem wäg zum Boss

[Mr. Heli]

item mässig bini guet usgrüstet gsi. gester nachem 2. alauf den gschafft. zerst grad bide 2. attacke gstorbe. när uf e langwieligi und lang duurendi strategie gsetzt und en när besiegt.

[Doraemon]

I bi o grad bi som ne herte Boss bim RoSa 2, aber dert chasch zum glück vorem Boss spichere. Aber är het mi scho paar mau tödt. Isch geil so herti Kämpf, hani scho lang nüm gha, richtig erfrüschend nachem DQ11 wo viu ds liecht isch gsi.

[m.o.terra kaesi]

Am Wocheänd hani - mer glaubts fasch ned - s'erscht mol en Gameboy Advance SP i dä händ gha. Geils teil. (ha sit 2000 kei Handheld meh gha).
Muss mer so eine (oder de Vorgänger) bsorge mit IPS V2 Screen

[sirarthur]

Falls eh en umbaute willsch, wür ich eher en original GBA näh, lieht viel besser i de Hand find ich. Susch isch aber de AGS-101 vom Screen her scho besser.

[Mr. Heli]

gester abig die erste zwei missione gmacht.
fire emblem wie mehs kennt. nume isch bide alte titel halt so, dass de charakter endgültig stirbt. drum gits sicher mehreri aläuf i gwüssne missione.

[Doraemon]

Fire Emblem hani no kes einzigs gspielt, würd mi aber sehr intressiere. Faht me da am gschidste ufem Famicom a?

Richtig agfixt vo Romancing SaGa 2, hani denkt mau däre Serie ufe Grund ga. SaGa füre Game Boy hani uf jap, aber bir Recherche hani usegfunge es git e SaGa 1-3 Collection uf der Switch zum abelade. Aka Final Fantasy Legend Collection, die si ja US denn usecho aber gloub d Final Fantasy Fans hasses, denn ussert dass es vo Square isch und es Rollespiel isch hets nid soo viu gmeinsam.
Het mi aber o grad packt denn es git nid lang gliir, sofort auf in den Kampf und ga uflevele. Obwohls keni EXP git, hets gnue Müglechkeite zum ufboue und wieder verschiedeni Charaktere zum usprobiere. Und cooli Idee hets, z. B. bir Monster Klasse chame ke Rüstig u Waffe alege, derfür chame nachem Kampf ds Fleisch vom gfallene Gegner fresse und sech so i verschiedeni Monster verwandle.
Bi gspannt wieviel Stund i us däm cha usehole. Und d jap. Version ufem GB woti när ono spiele. Es steit uf der Switch heigs paar Apassige gä, es nähmt mi Wunder was sie hei gänderet.

[Mr. Heli]

Fire Emblem hani no kes einzigs gspielt, würd mi aber sehr intressiere. Faht me da am gschidste ufem Famicom a?

wenn taktischi (schachbrett) rollespiel gern hesch, wirsch d serie lieb gwünne. ide neuere spiel chasch istelle, ob de charakter endgültig stirbt (klassisch) oder nur für die eint schlacht (modern). zudem chasch bide neuere spiel eifacher istelle, dass gsehsch, weli gegner bis wo ane chömed. machts eifacher. ide alte titel chasch nur immer ein gegner aluege, bis wo ane de cha. dete gsesch d überschniedige nid so.

d spiel bauet mehrheitlich nid ufenand uf, sondern hend e eigeti story. usser das vom gamecube evt. besser vor dem ufem wii spiele. sind m.E. au die zwei beste spiel. die ufem gba sind au guet, eifach recht schwer. das wo ich jez dra bin isch brutal. in level 5 (en halbe tag investiert) scho ka chance. ha no immer null geld und cha kei waffe chaufe. debi sinds fast ufbrucht. zum a waffe und medizin cho, mueschs de gegner chlaue. d gegner chömed immer wieder neui nach ere gwüsse ziit, was s erreiche vo sidequests erheblich erschwert und ebe s problem mit de waffe nid löst (chasch nämli hauptsächlich nume medizin chlaue). muess glaubs nomal neu afah, will ich nid all charaktere rekrutiert han und darum wohl underpowered bin.

[Doraemon]

Cool, danke für d Beschribig. I weiss scho jetz dass mir das gfaue wird.

[Mr. Heli]

da ich s Fire Emblem Thraccia 776 nomal neu müesst afange, han ich jez es anders ineghebet: Fire Emblem Seisen no Keifu SFC. denn han ich bide zweite mission denkt, die maps chömed mir doch bekannt vor. bi no schnell go google und ha gmerkt, dass die ja im DS teil shadow dragon vorchömed. isch recht kompliziert mit em überblick was jez alles remastered isch, da z.t. ebe nume teil us gwüssne spiel für e neuuflag verwendet worde sind. jez zock ich uf all fäll s shadow dragon ds nomal.

[Doraemon]

Geschter agfange mit Savior of Sapphire Wings uf der Switch. Es Game wos vorhär nur uf japanisch het gä uf der PS Vita. Aoki Tsubasa no Chevalier heisst das.
E klassische Dungeon Crawler im Stil vo Shining in the Darkness. Aus Fan vo däm hami da sofort heimisch gfunge, super Ifüehrig, recht komplex aber nid ds viu, super Musig u sympatischi Charaktere. Mit EXP grinde und Stats Punkt verteile. D Feinde gäbe bis jetz sehr weni Exp und Geld und der Stuff im Lade isch huere tüür. Genau richtig für mi wienis gern ha Gloub da bini der ganz Dezember dran und ds geile isch, aus Bonus hets no ds Game Stranger of Sword City Revisited druf, wo schins no besser sig und o genau nach mim Gschmack tönt.

[sirarthur]

Wills hütt chli gschneit hätt und ich sitt es paar Täg en Wii U am softmodde bin, han i SXX Tricky druftah und bin rächt lang hange blibbe. Wo die Games usechon sind, hani au Amped super gfunde, aber hütt würkt säb eifach wie Tony Hawk Pro Skater of Schnee...SSX hätt de Flow vom Snowboarde rückblickend irgendwie am beschte igfange...en guet Zock, bunt, 60fps...

[Reinforced]

Wills hütt chli gschneit hätt und ich sitt es paar Täg en Wii U am softmodde bin, han i SXX Tricky druftah und bin rächt lang hange blibbe. Wo die Games usechon sind, hani au Amped super gfunde, aber hütt würkt säb eifach wie Tony Hawk Pro Skater of Schnee...SSX hätt de Flow vom Snowboarde rückblickend irgendwie am beschte igfange...en guet Zock, bunt, 60fps...

und lauft Castlevania + Contra Rebirth mitere Wii U softmoded au in 480p? Ufem Wii iesch rel. kompliziert muesch ds Systemmenu uf NTSC force will die beide Wads nur denn 480p usgebed. Komischerwiis lauft Gradius Rebirth in 480p

[whoisfoxmulder]

Wie so oft...

[LuiStyle]

Luigi‘s Mansion & Wave Race Bluestorm ufe AYN Odin Pro