AYN Odin - en guete Handheld

[mr.raw]

En Priislich interessante Handheld mitere Docking Option inkl. Gamecube, N64 und USB Aaschlüss.

Um nid zviel text zschriebe ha ich es paar Screenshots uss em Vorstelligs Video vo RetroGameCorb uffeglade.

Gfallt mr sehr, da au DC, PS2 und Cube Software ohni iibrüch lauffähig sind. Witter sehr interessant, da Stadia, Gamepass, PS4/Xbox Streaming ebefalls möglich isch.
Priislich bisch ab 230.- debii.
Mit Docking Station kunnscht uff öppe 350.-
Ich ha mir d Pro Verison ohni Dock bstellt. Nimmt mi wunder wie die isch.

https://www.indiegogo.com/projects/odin ... 28679052#/



Quelle

[mr.raw]

Und no es paar witteri Bilder

[randy]

Han mr au scho überleit. Aber won ich mir de totalpriis inkl versand und importgebühre duregrächnet han, han i dänkt i wart besser, bis s steam deck in de schwiz erhältlich isch.

Aber bin gspannt wies so isch! Wenn bechunsch s grät?

[mr.raw]

Ich sötts in öppe 2 wuche kriege.

[LuiStyle]

Er isch sicher huere guet! Aber z‘tüür für mich!

[mr.raw]

Quelle

Do freut me sich jo jetzt scho uff de nochfolger.

[LuiStyle]

En richtige schlag für Nintendo!

[mr.raw]

Wenn de überleggsch...das isch erscht die 1. generation.
wie wird wohl de nochfolger?

[whoisfoxmulder]

Ich sötts in öppe 2 wuche kriege.

sehr gspannt uf dis Fazit

[sirarthur]

Ich finds no cool, hätts endli mal sones Teil wo au gnueg Leistig für PS2, Saturn etc. hätt...ich bruch eifach kein Handheld. So öppis stationär, evtl. defür chli günstiger würdi grad chaufe....

[LuiStyle]

@ mr.raw

Häsch ihn scho übercho? Bin trotzallem a dinere meinig interessiert.

[mr.raw]

Leider nein. Ha scho nochegfrogt kha. Es würdi no duure da dnochfrog immens sigg

[LuiStyle]

Ich han mir dä Handheld nomal agluegt und jetzt spontan eine bstellt

[mr.raw]

mine isch immer noni cho
wehle hesch du bstellt?

[LuiStyle]

Dä Pro mit 256Gb transparent purple. Kei ahnig wenn dä chunnt vermuetlich glichziitig mitem neue Switch

[LuiStyle]

En Windows Handheld wo mitem Steamdeck kann mit halte chunnt au no


Quelle

Da chasch ihn vorbstelle:
https://www.ayntec.com/pages/loki-max

[LuiStyle]

Quelle

Abem Dunnstig gahts bi mir ab

[LuiStyle]

So nachlangem teste muessi säge es isch würkli en sehr guete Handheld für praktisch alles

Gamcube Games sind praktisch perfekt, Wii games chasch zwar game aber isch chli doof trotz gueti stürig, halt wegem gefuchtel halt.
Mitem Skyline Emu chasch sogar Switch game. Es paar Switch Games hani chönne teste.Das isch aber nönig guet, brucht sicher no viel ziit, aber d‘idee isch geil

Bi dä 3DS games hani dä Metroid probiert und spielt sich sehr guet. Chasch sehr viel istelle sogar besseri grafik usw…

N64 isch sowieso perfekt vo 2d games hani garnüt us setzte.
Android Games fühlet sich guet a mit em Controller mapping.

Wasi nonig testet han isch streaming z.b Xbox live oder so. Wasi au no teste will isch Steam, aber für das bruchi Windows, wirdi irgendwenn installiere als dualboot.

Wär geduld hät zum 4 Monat warte isch das en sehr guete Handheld

Wenn länger warte wottsch chaufsch denn dä Loki, chunt aber irgendwenn…

[LuiStyle]

Ach ja hät öper en tipp für es richtig guets android game:?:
Han bis jetzt nur s’guete Oceanhorn, Octopath Travler und schlechte COD Mobile zockt.

[LuiStyle]

Bin gad das am teste und es lauft nöd schlecht

[Marco_in_motion]

Laufed au Windows CE Games vom Dreamcast? Segarally2?

[LuiStyle]

Laufed au Windows CE Games vom Dreamcast? Segarally2?

Sött laufe hani aber nonig probiert.
Ab 41:00min gsehsch SegaRally2 mittlerwille gits sicher en widescreenhack

Quelle

[Marco_in_motion]

Shit jetzt muesi au bstelle!

[LuiStyle]

Han jetzt chli zit gfunde zum Sega Rally2, Sega GT und V-Rally chli z‘spiele und muess scho säge lauft alles gschmeidig mit konstante Bildrate. Mitem Analogtrigger machet die Racer no meh spass, han richtig freud! Wär brucht scho Granturismo 7

[Mr. Heli]

wie lang hebt de akku bi neuere spiel?