Fortnite (Chapter 2 Season 3)

[Herr Rossi]

Lol, wer spielt de Müll?

[Master(G)]

250 Millione Mensche uf dem Planet, da devo ca. 78 Millione jede Monet regelmässig.
Es gitt keis grössers Game im Moment. Fakt. Like it or not...

[Herr Rossi]

Okay

[abyss]

Tochter spilts no viel. Ig när öpe ou. Hans eigentlich als Müll abtoh, finds aber also eigentlich hie und da und fallera no fägig.

[Master(G)]

ha früener au öppe mal en rundi mit mim sohn gmacht.
der spielts aber jetzt nüm, er isch jetzt 15ni und finds nüm so cool. lieber es CoD oder Rainbow Six....

[XYBOT]

lol isch namal verschobe worde uf de 17.6. hani umesuscht gas geh, bin jez level 301

[mr.raw]

Hie und da emolle. Irgendwie no witzig gmacht. Momentan bini aber sehr mit Warface beschäftiget.

[Jones]

geil! d'goofe nid rächt erzieh und denn dr game entwickler verchlage... :typej:

https://www.nau.ch/news/digital/fortnit ... t-66362929

[Master(G)]

scho so.

allerdings isch fortnite scho es psychologisch fiin usklüglets system wo mit sim gameplay loop gnau uf das abzielt.

das spiel hett viel negativs id branche bracht, wos vorher ned gäh hett.

[Jones]

ja okay aber da chönntsch hützutags ja fasch jede entwickler verchlage...
und wär sim junior e kreditcharte zum spiele git und nid fähig isch, däm hobby grenze z'setze, söu sich säuber ar nase näh...
usklüglets system hin oder här...

good old times.... i lade gah, sackgeld anelege, miteme modul hei gah...

[Master(G)]

ja okay aber da chönntsch hützutags ja fasch jede entwickler verchlage...

genau, will all de shit kopieret zum ihre gwünn maximiere.
de ursprung allen übels isch scho fortnite.

es isch tragisch, wills game selber wär technisch wie spielerisch äbe super. was es aber gnau no schlimmer macht.
sneue UE5 update isch sick!

und die ganze crossovers machets halt au uus. ändlos skin nachschub zum monetarisiere.

battle royale isch au en heftige stress für die junge spieler, wo all so extrem kompetitiv sind i dem alter.
ich has zum glück einigermasse guet über drunde bracht mit mim sohn, aber ich gseh definitiv wod gfahre sind bi dem spiel, was viel eltere halt gar ned gsehnd, will sie sich ned mit de materie uskänned und/oder sich ned defür interessieret.

[Jones]

ja du bisch diesbezüglech natürlech im vorteil...
i findes fluech u säge zuglich... überall wott meh eim e season pass verchoufe..

uf dr andere site chani zig hundert stund es spiel wie warzone / warzone 2 spiele ohni e franke usgäh. und das ohni nachteil im spiel. ob ig itz e dämleche fuessball-spieler als charakter (ime 1st person shooter ) ha, isch mir doch schnuppe!

[Master(G)]

ja, eus isch sowas egal. mir sind aber au erwachse.

die junge händ sone drang sich duurend müesse zbewiese und besser zsi, als anderi. weiss au ned. grad buebe. testestoron überschuss LOL. isch halt so. und dene isch es ned egal, obs mit eme 08/15 charakter spieled oder ned. plus halt die ganzi battlepass scheisse, wo fascht täglich zum zocke gnötigt wirsch, wills all paar minute was zum freischalte gitt. UND DENN NIE MEH! und wenn die ziit äbe ned hesch, zahlsch halt für en shortcut. scho es evil system, wemmer so drüber nahdänkt.

[Jones]

zyt isch eis... aber es zahligmittel muess sone junior ja nid hingerleit ha findi...
und denn muesch halt hert bliebe als eltere...

aber i cha ja scho rede, i ha keni kids...

[Master(G)]

ja isch scho sau schwer. glaub mer. mer liebt sini chind ja über alles und wenns eim mit glasige äugli alueget und bättlet, chönt halt viel ned nei säge. ich ha ja au paar mal gäld usgäh für min sohn und woni de ha müesse en schlussstrich zieh, isch das alles andere als eifach oder schön gsi.

[mr.raw]

Ich ha eis Theater kha deheime endi Summer, als ich mim Sohn s Fortnite bis endi Johr verbotte ha z spiele. De siech hett hinter mim Rugge im Game iikauft. Guet, i bi au so dumm gsi und ha d Kreditkarte Date uff sim PC gspeicheret :typej:
Aber jo, isch absolut unschön gsi das gschiss.