Raser und Poli DAS Premiumsegment-Auto Topen

[siralos]

bi mir het sich so einiges veränderet das jahr und ig ha o nüm so wölle stürme.....ds läbe isch chliz kurz um sich woche oder monate lang im chreis zu dreie.

isch doch glich wär agfange het. ig nimme gärn schuld uf mich dann isch jeder zfriede.

[vectrex]

ds läbe isch chliz kurz um sich woche oder monate lang im chreis zu dreie.

Weise Worte - do hesch rächt und ich gib durchus sälbstkritisch au gärn zue do und dört über d'Sträng gschlage z'ha.

Also Beat: Es tuet mir leid, wenn ich Dir gegeüber beleidigend worde bi. Ich ha mini Signatur entsprechend glöscht und wenn de wotsch chömer gärn zämme eis go zieh wenn de emol in dr Nöchi bisch ...

[Jones]

Stimmt - dr siralos isch gschuld und het sich als lachende Dritte usem Staub gmacht ...

Uf Site 247 hani nüt gfunde woni DIR gegeüber persönlich worde bi. Trotz aller Sälbstkritik.

Gratistipp - agfange hets öpe do:

Das hin und her zwüsche euch zwe vollweiche seit alles..

i ha nid gmeint dass uf dere site d'beleidigung isch sondern dass ig mi meh oder weniger ab dert ha agfange mit dir z'beschäftige und uf di z'reagiere...

du hesch mir ca. 20 site vor däm "vollweiche" scho dödel gseit..
aber wie vom sira richtig erchennt het: es isch schlussändlech egal.
mir hei üs beid nüme gspürt... du i sache ständiger provokation mire meinig nach dütlech meh, ig derfür mitem nid ganz glorriche abschluss...
genau... abschluss, fertig aus mit däm seich!

[OlDirty]

R.I.P. Ken Block. Eine vo de ganz grosse het leider müese go


Quelle

[Jones]

Ja huere schad.. immer geili ungerhautig gsi sini sache!
Aber irgendwie nid dr falschischti tod für so eine...

[LuiStyle]

RIP er würkli en sehr guete Typ gsi, sini Videos sehr gern gluegt. Komischerwiis isch dä letscht gymkhana 2022 nüm mit Ihn gsi

[Jones]

Wenn es bitzli recherchiersch merksch schnäll, dass es sogar in Dütschland praktisch unmöglich isch en NSX-R legal uf d'Stross z'bringe .

Es guets neus!

Mal luege ob mer i däm jahr sachlech chöi diskutiere...
Es git auso im kanton Zug e NSX R Baujahr 94 mit strassezuelassig...

hani hüt usegfunde...

[feeshlee]

Gescht hät mer e Ziege mit Fuesspilz dä Tomatesaft wägklattscht, han mer dänn selber namal eine gmacht, demit ich au eine han chöne klattsche.

[Marco_in_motion]

m240i xdrive G42, hert gahts ab

[Jones]

https://www.mann.tv/autos/ranking-in-di ... ten-fahrer

BMW (62 Prozent)
Mercedes( 44 Prozent)
Porsche (37 Prozent)
Audi (35 Prozent)
Volkswagen (11 Prozent)
Tesla (8 Prozent)
Opel (4 Prozent)
Ford (2 Prozent)
Volvo (2 Prozent)
Seat (2 Prozent)

[Master(G)]

ich ha vo audi zu mercedes gwächslet. bin also jetzt no aggressiver unterwegs als au scho!

[Jones]

ich ha vo audi zu mercedes gwächslet. bin also jetzt no aggressiver unterwegs als au scho!

Ganz e schlimme Finger bisch...

[vectrex]

Gratulation, Honda hets gschafft:

Zwar bi wytem nid schnällschte Kompakte aber immerhin "Best of Frontkratzer". Isch aber au Zyt worde nach bald 4 Johr.

Ich glaub ich hol mir eine für 58 Tonne.

[Jones]

ah lueg, er isch doch no da...

Gratulation, Honda hets gschafft:

absolut ja!

aber ja... 58k isch heftig :typej:
was denn aber dr RS3 usstattigsbereinigt choschtet, steit ufeme andere blatt!
und ca. 4sek schneller mit 71ps meh lahni itz mau unkommentiert...

aber ja. rein fz klass agluegt, motorisierig, atrieb etc usbländet isches e fakt, dass dr RS3 schneller isch. het gloub o niemer was anderes erwartet...

und grundsätzlech würdi mau säge, het honda nie dr asporn gha, gäge e RS3 aztrette sondern dr megane (wo übrigens i dere version über 80k choschtet) wieder vom thron z'stosse, was ja glunge isch. (o wenn du das vor paar mönet no in abred gstellt und di drüber lustig gmacht hesch)

btw. o dini ussag mitem NSX R und dr strassezuelassig het sich als falsch erweise falls es überlese hesch..

freu mi uf e sachlechi antwort ohni billigi provokatione!

[vectrex]

absolut ja!

Oder doch nid würklech?

Also emol ganz sachlich: Leider het das ganze nume wieder es bitzli en fade Nachgschmack. Aber das kenne mer ja scho vo Honda.

Also säg jetzt nid ich sondern es renommierts Fachmagazin.

https://www.auto-motor-und-sport.de/kom ... ring-2023/

aber ja... 58k isch heftig :typej:
was denn aber dr RS3 usstattigsbereinigt choschtet, steit ufeme andere blatt!

Was en Type R mit Allrad und Doppelkuppligsgetriebe würd choschte? Naja - gits ersch gar nit wil offesichtlich s'Know-how fehlt ...

und ca. 4sek schneller mit 71ps meh lahni itz mau unkommentiert...

>200kg mehr Leergwicht hesch no vergässe z'erwähne. Aber nume so näbeby - isch ja nid eso wichtig ...

und grundsätzlech würdi mau säge, het honda nie dr asporn gha, gäge e RS3 aztrette

Das wär au ziemlich ussichtslos bi 4 Sek Differenz.

sondern dr megane (wo übrigens i dere version über 80k choschtet) wieder vom thron z'stosse, was ja glunge isch. (o wenn du das vor paar mönet no in abred gstellt und di drüber lustig gmacht hesch)

Das han ich nie in Abred gstellt sondern nume (mehrmals) höflich nochegfrogt bi Dir.

btw. o dini ussag mitem NSX R und dr strassezuelassig het sich als falsch erweise falls es überlese hesch..

Ha niene en Bewys gseh. Und nach Dinere Logik wär das denn wahrschinlich eh e "Gfälligkeitszuelassig" ...

BTW: Hesch wieder Dini "Macht" als Staatsagstellte usgnutzt und bisch in fremde Fahrzüguswys goge schneugge?

[Jones]

Was en Type R mit Allrad und Doppelkuppligsgetriebe würd choschte? Naja - gits ersch gar nit wil offesichtlich s'Know-how fehlt ...

du machsch dr glich fähler wie letscht jahr.
hesch z'gfüehl, wiu VW und audi (also.. isch ja im prinzip z'gliche ) es DKG etc abieti, müessi das honda o. d'Type-R chundschaft het aber anderi wünsch/aforderige süsch würd er sich nid trotzem übertürete pris so guet verchoufe...

>200kg mehr Leergwicht hesch no vergässe z'erwähne. Aber nume so näbeby - isch ja nid eso wichtig ...

je nach streckeprofil macht z'gwicht meh oder weniger us.. ufere nordschleife würdi säge eher chli weniger bi so höche durchschnitts-gschwindigkeite..
a propos know-how: het audi nid z'know-how, es liechts outo z'boue?
gloube du merksch säuber, dass di kommentar und mi konter beid glich sinnfrei si... beidi chönnte beides aber es isch e bewussti entscheidig gwicht VS usstattig... und mit 70ps meh isch bi so höche gschwindigkeite z'gwicht näbesach. da geits eher um aerodynamik...

Das han ich nie in Abred gstellt sondern nume (mehrmals) höflich nochegfrogt bi Dir.

schönrede seit mä däm...
aber das weisch ja säuber!

[vectrex]

hesch z'gfüehl, wiu VW und audi (also.. isch ja im prinzip z'gliche ) es DKG etc abieti, müessi das honda o.

Ich säg nume: Dr Hersteller sölls abüte und dr Chund söll d'Wahl ha. So wie VW bim GTI und R ...

Aber schön, dass Du weniger Optione z'ha als Vorteil empfindisch.

d'Type-R chundschaft het aber anderi wünsch/aforderige süsch würd er sich nid trotzem übertürete pris so guet verchoufe...

Verchauft sich würklech wahnsinnig guet bi 60 Stückli wo in d'Schwiz sölled cho ...

Dr Marktateil vo Honda in dr EU spricht jo au für sich => 0.4%, also keinerlei Kommentar mehr nötig.

je nach streckeprofil macht z'gwicht meh oder weniger us.. ufere nordschleife würdi säge eher chli weniger bi so höche durchschnitts-gschwindigkeite..

Het halt scho wahnsinnig wenig Kurve uf sonere Nordschleife. Und was isch jetzt inere Kurve physikalisch gseh d'Tendenz vo öpis mit mehr Gwicht?

a propos know-how: het audi nid z'know-how, es liechts outo z'boue?

So wie Honda, gäll? Sonen Type R isch jo mit >1'400 kg scho wahnsinnig liecht. Bravo, Honda ...

beidi chönnte beides

Ich bi mir ziemlich sicher, dass Honda kein konkurrenzfähige hot Hatch mit Allrad und Doppelkuppligsgetriebe chönnt baue wo würd Gwünn für sie erwirtschafte.

Fakt isch ganz klar: Honda baut keine und Audi/VW baut sowohl als auch ...

schönrede seit mä däm...

Das isch d'Realität und nüt anders.

Fazit: Also vom weltgröschte Rasemäher-Hersteller hetti scho es bitzli mehr erwartet.

PS: Wieder sehr elegant wie Du mit keim Wort uf die Feststellige vo AMS und uf Din Hang zum recherchiere in amtliche Dokument vo andere Lüt igange bisch.

[Jones]

es faht wieder a wie letscht jahr...
machsch tusig quotes und erwartisch, dassi uf jedes wieder igah, wo du denn wieder chasch usenand näh und erneut quote. nach zwöi bis drü mau hin u her schriebe isch es post denn 20938409238490238490 zeiche lang und het 2695 sub quotes... kenne ächt ke mönsch ussert dir, wo so ime forum schriebt. nid zum ushalte!

zudem wie letscht jahr bisch vo sachlecher diskussion wiit wäg sondern provoziersch mit billige sprüch und vermischisch dini persönlechi meinig nonstop mit fakte... alles heissi luft gsi dämfau wo dir "vorgno" hesch.

dir gfallt was anders als mir. isch immer so gsi, wird immer so si. i cha dermit läbe aber uf so züg hani im jahr 2023 ke luscht meh wiu ig ha das letscht jahr ärnscht gmeint!

[vectrex]

Und Du gohsch nume uf die Pünkt i wo grad Lust hesch, fangsch direkt wieder a mit persönliche Vorwürf und wotsch de andere vorschriebe wie sie nach Dinere Asicht a müend schriebe.

Du machsch 3 quotes und es söll in Ordnig si, ich mach 5 und es isch gemäss Dir z'viel => Willkür à la Jones - kenne mer alli jo scho bestens. En schreckliche Charakter hesch - denn lömers doch lieber grad bliebe.

Wird Du glücklich in Dinere Traumwält vomene "Rekord" wo mer zersch mues bi Michelin goge en Satz neui Schläppe chauffe will dä direkt bi Honda nit chäuflich isch.

Dr Rekordhalter isch sowieso dr RS3, wills uf dr Homepage vom Ring gar kei Unterscheidig FWD/RWD/AWD git ...

[Jones]

Du hesch nie verstande u wirsch nie verstah, dass verschiednigi hersteller verschiednigi philosophie verfolge und das nüt dermit z'tüe het, ob si fähig wäre, öpis anders azbiete... (z.B. e RS3 mit manual gearbox oder ohni AWD, wenn dr chund ja söu d'wahl ha gäu? )

Ob dir e philosophie passt oder nid isch dini subjektivi meinig u het äbe nüt mit sachlecher kritik z'tüe...

Dass itz plötzlech statt e megane oder e golf muesch e RS3 zum verglich anezueh wo 100k choschtet mit echli usstattig, seit ja eigentlech aues übere civic...

Genauso wie d'tatsach, dass itz wieder muesch persönlech werde (obwohl dir was anders vorgno hesch) und über mi charakter muesch läschtere, meh über di charakter als über mine usseit...

[vectrex]

Bi VW (was jo gemäss Dir nüt anders wie Audi isch ) het mer sehr wohl d'Wahl:

- en GTI mit FWD kombiniert mit Handschalter oder DSG
- en R mit AWD kombiniert mit Handschalter oder DSG

Söll doch Honda eifach emol sone Chliserie mit AWD und Doppelkuppligsgetriebe mache wenn's jo gemäss Dir kei Problem isch.

Nach minere Philosophie isch dr Chund König und wenn ich als Chund nume d'Uswahl ha zwüsche rote Sitz und rote Sitz, naja - was söll dä Scheiss? Kei Wunder chömmed nume 60 Stück in d'Schwiz ...

Dass en Civic Type R jetzt plötzlich 58K choschtet und das - ganz abgseh vo de Reife - nonig emol dr Pris für das Modell isch wo dä "Rekord" gfahre het seit ja im Prinzip alles über Honda. Wenns Honda doch ach so überlege isch, werum wird sonen Rekord nid ganz eifach 1:1 mit em Seriemodell gfahre (genau wie das anderi Hersteller ebe au mached) - denn wär jeglichi Kritik obsolet und alles in Ordnig.

Und Du wotsch doch nid ernschthaft en RS3 prislich mit somene Plastikhonda vergliche? Das sind zwei komplett anderi Wälte (und das nid zu Guschte vo Honda) ...

D'Ussag über Din Charakter isch nüt anders als e Retourkutsche zu dere Ussag vo Dir:

kenne ächt ke mönsch ussert dir, wo so ime forum schriebt. nid zum ushalte!

Soviel zum Thema Sachlichkeit und wär (wieder) agfange het ...

[Jones]

und machsch genaaaaaau dr glich fähler unmittelbar nach mim hinwies wieder!

nei honda muess das äbe genau NID mache wiu das nid ihre plan isch sondern dini meinig. isch das soooo schwär zum ungerscheide?

er het z'wohl beschte 6gang getriebe wo jemals e hersteller bout het. wird überall enorm globt. warum also es DSG iboue wo niemer vo de fans verlangt und i some outo nüt verlore het? wills ame alte hater grad eso grächt chäm? i gloubes nid...

du bisch ächt e hoffnigslose fall... eigentlech isches die 4 mönet recht guet gange ohni di... chasch nid wieder ir versänkig verschwinde? i würds grad rächt füele...

[vectrex]

Vo wo wotsch usgrächnet DU wüsse was dr "grossi" Plan vo Honda isch?

6-Gang-Handschalter ok, werum nid als Option (wie bim GTI) es DSG? Denn chasch ebe genau DU als potentiell alte Halter uswähle, au wenn die Schüssle denn 65K choschtet ...

Und scho wieder - scho no sehr sachlich min Herr:

du bisch ächt e hoffnigslose fall...

Achtung - jetzt goht's denn wieder los mit "omfg, hüchler und bescht" :typej:

[Buccaneer]

[vectrex]

Und denn dä Fuditon. Sogar mit Apexitopf tönt das Ding total verschisse ab Min. 0:30:


Quelle

Kein Verglych mit somene geile RS3:


Quelle

Aber das ghört wohl au zum "Plan" vo Honda ...