Welchen Film oder welche Serie hast du gerade gesehen?

[Kretinou]

Mad Heidi : 7/10

[feeshlee]

Cunk on earth. Mal was anderes..
Pump up the jam

[Unseen]

Mad Heidi : 7/10

Nach 5, 8 oder 12 Bierli?

[Master(G)]

Fall (2022)

ich ha ja scho viel horror-film glueget, aber das isch für mich würkli de puri horror gsi (au wenns gar kein horror film isch) und ja, ich mein das durchuus positiv. ha weichi chnü und schweissigi händ gha de ganz film über.

8/10

[abyss]

Avatar 2 in "normalo 3D"

schöni bilder, würkli, super geili "grafik"... aber strunz langwiilig, im doku-teil ide mitti hani nur no uf em david attenborough sini stimm gwartet

viel zlang. de afang und de schluss sind cool gsi. aber de mittelteil. dämn...

meh als 5/10 für "grafik" chani dem leider ned gäh, sorry. gschicht isch 1:1 wie im teil 1, jetzt eifach in "hawaii"....

Gester ono go luege. Cha das grad alles unterschribe vom MastA. Mi hetter so gar nid berührt. Weder die Walfisch Gschicht oder ou dr Tot vom Sohn. Komisch. Irgendwie zämägschuflet alles. Nume am Schluss isch chlei Spannig ufcho. Süsch scho rächt öde… Schaad… Hettmi dr 1 st scho meh packt. Und das ewige Bro und so. Hettmi huere usegnoh… lol…Teenager…

[Buccaneer]

Isch dir schomal ufgfalle, dass d Pirates of the Carriben und d Bravehart Theme uhuren ähnlich sind? Gladiator au no grad.

[siralos]

mhh finde jetzte grad nid, vor allem braveheart het a ganz angeri dynamik drinne. braveheart het mehr so spannigi passagene und dr piratezueg eher mehr heroisch/komik drinne.

bim gladiator kommt mir immer nume das hymne gsang i, dört wo er durch die weizefälder schrittet.

[Buccaneer]

Ja klar aber anderi Dinamik. Aber die immer gliche Note wo isch wiederholed.

Los mal ine. Isch zwar nur Flöte, aber da gsehsch es huere guet, wäg de Note.


Quelle


Quelle

[siralos]

Quelle


Quelle

sry, aber das flötespiel vo braveheart cha me chum erkenne wasses genau isch. da no original versione vo beidne movies wo völlig unterschiedlech sind.

das braveheart theme het eher ähnlichkeite mit gwüssne titanic stk.

ig pfiffe no oft und wechsle meischtens vo braveheart zu titanic, wöu sii sich sehr ähnle.

[feeshlee]

La chica de nieve. Miniserie uf Netflix.
Guude. Lueg.

[abyss]

Chica Bum Bum

[The Sheep]

Knock at the Cabin (8/10)
Isch no unterhaltend gseh, wenn au kei wirklich unvorhärsehbare Plot.
Händ mi bitz and Klimakläber erinneret, die vier wo ans Hüttli klopft händ

Hail, Cesar! (9/10)
Solide Coen brothers Film

[OlDirty]

Madoff: the Monster of Wallstreet (9/10)

Absolut unglaubliche Shizzle was de abzoge het und den no so geil ine Doku verpackt .


Quelle

[Buccaneer]

HEAT 8/10

[siralos]

ha wieder a mal a paar alti dvd use chramet.

equilibrium. 10/10

immer no supr de fium!

v wie vendetta. 11/10

a u jungi portman und a sehr gueti verfilmig vom comic.
effekte(cgi) gseh sogar no huet guet us.....

[Reinforced]

The Whale 7/10



neue Film mitem Brendan hani natürlech müesse luege. Herti Kost , louft o nur sehr spärlech bi üs im Kino

[grappagott]

john fick 4, jetzt aber hoffentlich fertig 6/10

[abyss]

Dr Hans Ficker 4

[grappagott]

cocaine bear
geile 80er trash
8/10 will de schluss zwenig gore isch

[zeromeier]

The Meg: 5/10

[rebornkid]

Ad Astra / 7.5/10

Die erste 60 Minute sind absolut genial. Nacher flacht de Movie chli ab. Aber uf jede Fall lohnt sichs zum luege.

[grappagott]

the whale 8/10
sackstarch, gat under d hut!

[Master(G)]

Black Panther: Wakanda Forever


was für en huere bullshit film... unfassbar schlächt gfunde hanen.

2/10 für paar gueti special effects... eigentlich hani ide hälfti welle abschalte, aber es isch halt en langwiilige sunntig nami gsi...

[grappagott]

dito! de brunz

[The Sheep]

65 ( :typej: /10)

E grösseri Bullshitstory als das, hani also scho sit einige Johre nüm gseh. Da sind am Emmerich sini Plots intellektuell drgege

Dr Höhepunkt isch jo gseh, wo sie genau in dere Sekunde voder Ärde händ chönne flüchte, wo der Asteroid igschlage het, wod Dinosaurier usglöscht het. Das isch es Timing wo nur Hollywood anebechunnt.