de ganz Tag für irgend e Firma schaffe...

[zeromeier]

...isch scho härt Ziitverschwändig vom eigete Läbe oder?

Isch was anders wenn so chli Passion hesch für de Job, irgendwie Karriere-Geil bisch und s'dich drum motiviert und so.
Oder natürlich wenn dir de Job mega Spass macht.

Aber wenn eifach son "normale" Job hesch, also agstellt bisch, wo eifach machsch, demits Gäld gid; also nöd dases eim wür aschisse, es isch halt eifach.
Und das 8-10h pro Tag; crazy.

Vorallem verlüürsch dur das jegliche Elan wod chöntsch entwickle für öpis ufzzieh, wo Dir wüki was gid.

Mini Gedanke zum Friitig für Eu.
Möglichi Kandidate wo antwortet: Röné; Vyse, Buccaneer

ps: isch gnau de 17 tuusigscht Post (nachm Reset) gsii, fönny

[thaeye]

es isch so villes ziitverschwändig. schlussendlich bisch halt es zahrädli im system uusert chasch dich selber usem system usezieh. es muen au nix schlimms sii. den chömet halt na die eigene lebensentscheid oder schicksaslsschläg dezue, de eint haet frueh eini gschwängeret und d lehr abbroche und chrüplet halt jetzt fürd familie irgendswie. de ander macht sich 20 jahr gedanke wiener es "bessers" lebe chönt fuehre.

[zeromeier]

schlussendlich bisch halt es zahrädli im system uusert chasch dich selber usem system usezieh.

wahr

de ander macht sich 20 jahr gedanke wiener es "bessers" lebe chönt fuehre.

kännsch so eine?

[thaeye]

jenstes

[Vyse]

Glabue, ich han scho alles gseiht, wos zum Thema z säge git.

Natürlich ischs e Ziitverschwändig. Es isch absurd, eigentlich unuushaltbar, sich äre ändliche und churze Läbensziit bewusst zsi (und dä unändliche Duur vo Nicht-Existenz nach ihrem Ablauf) und die Läbensziit imene fremdbestimmte Tagesablauf müesse verrinne zlah.
Ich empfinds als es Verbräche, als öppis, wo nöd wieder guetzmache isch, dass ah dä eigne Läbensziit vegange wird, es erfüllt mich mit Hass und Wuet und äre Abscheu gäge alles, wo mini Ziit in Ahspruch will näh.

Und Elan (bzw. versüümte Elan) an sich bringt eim no gar nüüt, du muesch en konkrete Plan ha zum dä Elan is Werk ds setze. Viel händ no Elan, händ aber kei Idee, uuf was dä Elan z fokussiere, also versickert dä Elan schlussändlich au.

Miin Kompromiss (und ich hasse Kompromiss): Ich reduzier das Jahr uuf 60% und schaffe drüü Tag am Stuck, währenddem ich vier uufenand folgendi Tag frei han, so verschiebt sich sVerhältnis zu miine Gunste. Finanziell mueme sich halt uuf es gnüegsams Läbe iistelle, aber mit däm hani nie würkli es Problem gha.

[zeromeier]

Miin Kompromiss (und ich hasse Kompromiss): Ich reduzier das Jahr uuf 60% und schaffe drüü Tag am Stuck, währenddem ich vier uufenand folgendi Tag frei han, so verschiebt sich sVerhältnis zu miine Gunste. Finanziell mueme sich halt uuf es gnüegsams Läbe iistelle, aber mit däm hani nie würkli es Problem gha.

ich glaub, mit 60% chasch in Zug nöd mal d'Mieti zahle

finds aber guet, machsch was. Wie de Röné scho seid, die meischte "überlegged" vermuetlich eifach 20 Jahr und ändered gnau gar nüd.

[zeromeier]

jenstes

btw besser gids eh nöd, nur andersch, was denn für eim sälber je nach dem chönt besser sii

[thaeye]

es isch halt eifach au sehr individuell. simmer froh chömer na bitzeli liecht wähle wie durs lebe wottsch, au das ziitfenster gat langsam zue. immerhin häschd möglichkeit es spartans lebe z fuehre defür me freiziit z ha, das wird minere meinig na den bald au nömm möglich sii.

[thaeye]

wieso in zug lebe? uusert willd döt ugfwachse bisch?

[Jones]

in kanada im wald es hüttli boue... denn bisch usem system duss u chasch jede tag brunbäre streaks ässe wenn sie di nid vorher gfresse hei! fair

[abyss]

Hmmm Bäresteaks… Bi grad am gliche Punkt. Ha gar nüme wöue zrugg cho vo das mal. Werum ou? Hie isch alles zugmüllt, unfründlich, zviel Prolete, Ostblockidiote, Eriträer und süschtigi Sozibezieher woni mues dürefuettere. Z Niveau sinkt is Bodelose. Ha zwar en Schiisjob, hamer aber immer Müeh gäh, Idee ibracht mit Elan gschäfferlet und so… aber null Wertschätzig. Itz hanis ufgäh… Was wotsch ou wenn nume ko Affe hesch zu zämäbügle… Derzue no das di Lohn eh verpuffet hie bi dene Prise und Abgabe wo eh nie öpis zrügg überchunsch… nenei. Mit 50 bis Rentner dert unde. Bimers also am überlegge. Wüu z Läbe isch würkli würkli z churz eigentlich. Für was mi no loh ussuge hie i dem Drecksland. Inspiriert ni scho lang nüme d CH.

[Master(G)]

aso ich liebe min job. würkli. guete chef. mini arbet gfallt mer. viel freiheit und freiziit. 80% astellig. guete lohn. darf viel privats mache während de arbetsziit (gnet). ich han alles wasi bruch. wohne schön. so chas bis 65zgi wiiter gha.

ich glaub aber ned dass ichs bis 65 da schaff, will min chef isch jetzt 65zgi worde - also eigentlich wär er pensioniert. mal luege, wie lang ers no macht. mir grauts jetzt scho devor wenn er seid "ich hör uf", de müesst ich mir mit 55zgi oder sowas no en neue job sueche. uuaaah... lieber nöd du!

[abyss]

Mueschem halt guet zuerede daser no 10 Jahr ahänkt! Holsch ihm en geili Sekretärin wone bir „Stange“ halted! De schafsches!! Oder wirsch selber le Cheffe! The (G) Cheffe

[Jones]

Ha gar nüme wöue zrugg cho vo das mal.

Werum ou? Hie isch alles zugmüllt,

i mache itz mau die gwagti ussag, dass i dr schwiz weniger müll umeliegt...

aber süsch ja, schön dert...

[zeromeier]

Ha gar nüme wöue zrugg cho vo das mal.

Werum ou? Hie isch alles zugmüllt,

i mache itz mau die gwagti ussag, dass i dr schwiz weniger müll umeliegt...

aber süsch ja, schön dert...

vermuetlich meinter nöd physische Abfall, aber wer weiss das scho.

Röné: wäg in Zug wohne, isch schön da und Stüüre sind tüüf, aber ich wohn da nöd.

[zeromeier]

es isch halt eifach au sehr individuell. simmer froh chömer na bitzeli liecht wähle wie durs lebe wottsch, au das ziitfenster gat langsam zue. immerhin häschd möglichkeit es spartans lebe z fuehre defür me freiziit z ha, das wird minere meinig na den bald au nömm möglich sii.

bini au zimli sicher, frag vode Ziit.

[feeshlee]

wänn du s'gfühl häsch, das din arbetstag ziitverschwändig isch oder dä über dich ergah lasch, demits chole git, dänn muess das zimli deprimierend si. au wänn nöd hinder däm stah chasch, wo du machsch. mir isch bewusst, dass nöd jede es sich ussueche chan, aber wänn scho ziit ufwände, dänn hauptsächlich demit z'luege, dass das gfühl nöd häsch: ziitverschwändig.
ich bin 80%+ z'friede. jetzt ersch rächt.

[Jones]

I chas nid verstah dass öper jahrelang ime job bliebt wo ihn deprimiert. z.b handbüecher schriebe oder sone kack... Wtf!?

[zeromeier]

Öpis bessers mit sinere ziit afange und deprimiert sii mit dem womer macht sind Wälte usenand. Fisch: was macht dich so zfriede im Job, wieso gasch lieber go schaffe als am Morge ines Kaffi höckle und Ziitig läse oder mit Lüüt schnurre?

[feeshlee]

isch schwierig zum erchläre: einersiits fühl ich mich nützlich. anderersiits bini ständig am lerne. ich dänke bimene job, wo jede tag s'gliiche machsch, isch das sicher nöd so witzig.

ines kafi hocke fändi es wiili au cool, aber wenn ich mich sälber nie nützlich gmacht hätti, würdi mich irgendwänn fröge, obs nöd au was wär, dä z'sii wo dä kaffi macht und übere bringt.

wänni im moment chönt wähle, würdi glaubs tischler oder sowas wölle sii und und möbel und ähnliches züüg mache. alles so einzelstuck, wo dänn irgendöpper freud hät dran.

[Jones]

wänni im moment chönt wähle, würdi glaubs tischler oder sowas wölle sii und und möbel und ähnliches züüg mache. alles so einzelstuck, wo dänn irgendöpper freud hät dran.

so sache findi faszinierend. lüt wo handwerklech dermasse begabt si. haut eher e chline markt ir hütige zyt, wo aues billig us fernost chunnt... aber ja, wenn mau fuess gfasst hesch bi dene, wo d'chohle hei für sowas, isch das sicher geil!

[vectrex]

D'Gwüssheit, dass das alles Gjammer uf höchem Niveau isch machts eigentlich per se scho ziemlich erträglich. Vor allem im Verglych mit Lüt wo gärn überforderdert im Job sind ...

[Jones]

[zeromeier]

D'Gwüssheit, dass das alles Gjammer uf höchem Niveau isch machts eigentlich per se scho ziemlich erträglich. Vor allem im Verglych mit Lüt wo gärn überforderdert im Job sind ...

Was laberisch du da?

[vectrex]

Was laberisch du da?

"Labbere" nit "labere" hani mal glernt vo eim ...

@Jones: Händ er das Teil in dr Polizeiusbildig gha?