Was spielsch grad retrigs?

[m.o.terra kaesi]

Wiiter gohts mit...
Sonic Wings 2 ond 3:
Bi Kinofilm sind Sequels jo meischents scheisse (siehe grad weder Indijana Jones). Bi Games macht mer besseri Erfahrige. Im Fall vo Sonic Wings stimmt för einisch ned. Teil 3 esch alles im Schlächtere was s2 gsi esch. Ond Teil 2 esch au nor mässig guet. Chli monotoni Gägner, langwiiligi Bullet-Salvene, sehr chorzi Levels, de Sound chli lame... immerhin d'Backgrounds sind abwechsligsriich (ond sogar biz interaktiv)... anyway: Teil 2 esch es 6/10.... Teil 3 es 4/10...

Nachtrag:
Ha jetzt no Teil 1 gschpillt. Esch zimmli andersch. Screen Vertikal beschnitte wie üblich. Bim Teil 2 u 3 äbe ned...wells wohl dä au of AES usecho esch.
Anyway: Teil 2 findi de bescht. Teil 1 esch ned bsonders guet galtered (5/10). All 3 games sind relativ schlächt balanced.

[m.o.terra kaesi]

Darius Alpha und Darius Plus (PC-Engine):
Beid games churz ahzockt. Sind ned guet galtered. Grafisch ned (kei Parallax) ond spielerisch sowieso ned (fönd vell zschwär ah, händ kei Schwerigkeitsuufbou, Uninteressanti Gägner, kei spannendi Waffe etc). Im verglich zomene Evergreen wie Soldier Blade (hani de au grad no zockt) nor no Nasewasser. Wertig höchstens 5/10.

Deep Blue (PC-Engine):
Hani zchorz zockt für en Wertig, aber esch einiges interessanter als zB Darius... wetzigs Livebar-Konzept, wetzigi Athmosphäre (au Fisch/underwasser). Grafik originell. (Seinzig Game of de PCE woni känne wo wenn mer stirb "fin" stoht of französisch am Schloss).... aber es muss leider au Scheisse sie will all reviews im Netz sinds

[m.o.terra kaesi]

Nomol Gleylancer:
Ich finds sackschwer ab öppe Level 4. Schaffs nor of easy ond met Cheats (zom glöck gihts öberhaupt es paar gschihti). Ha nur dä Endboss nonig packt.
Definitiv eine vo dä beschte shooter woni je gschpillt han!
DMusig esch super ond abwechsigsriich, sLeveldesign esch grossartig uusgwoge ond of höchschtem 16-Bit Niveau (ofem MD höchstens dor TF4 übertroffe), d'Gegner sind abartig vielsietig ond originell, mit zwöschebosse ond geile endbosse (wo au ned zlang dra häsch bis öppe Level 8 vo 11..dä wirds bockschwär au bi de Levelbosse). S'ganz Game esch vo A - Z doretänkt...esch sehr lang ond häd näbeme geile intro sogar no netti Zwöschesequenze im zwoitletschte Level.

Wau, ech be hin ond weg...muss das Teil als Modul ha...halt nor no Repro will 600 stutz zahli ned för Original... es 10+/10 Game
(wenn mer öpis wörd wälle kritisiere, de sound Fx wo ned ganz mit de Musig chönd mithalte...aber ech wott gar ned)

[Fade]

Hey! De muessi mol das Gleylancer zokke, froimi of jede Fall scho druuf

[Doraemon]

Da isch eine im Shooter Fieber

Sonic Wings fingi eigentlech aui ganz passabel. Nüt bsungrigs, aber haut solid zum Flügerli abschiesse. Fine aui 3 öpe glich guet.

Darius bini o nie so Fan gsi obwohl mir der Stil eigentlech gfaut. Dert hani bis jetz nur ds 1 für Mega Drive und Sagaia für Game Boy mau 1cc gschafft. Die angere simer ds hert bzw es fehlt d Motivation derzue zum all das lerne.

Gleylancer finglî liecht überbewärtet. Gseht zwar alles supertoll us und tönt o guet und spielt sich o guet, aber irgendwie fehlts a würklech erinnerigswürdige Levels, Bosse, Musig, etc. Und wie du seisch isch es sou-schwär, ussert me nimmt Homing denn isches grad ds liecht. Und während em 1cc mit Homing hani gmerkt dass es mir mit aune angere Waffe ds müehsam wär, vo däm här chönt me säge es isch schlecht usbalanciert. Oder i bi eifach ds mies i däm Spiel. Bispiel Gaiares, das sig ja eis vo de hertischte, aber het mi nid dünkt, dert stimmt d Motivation jederzit zum nomau neu afa und witer cho aus vorher.

[damian]

gleylancer isch halt sehr unbekannt und drum für vieli wo scho sit ewigkeite kein neue guete shooter für dä megadrive entdeckt händ unglaublich guet. di bekannte shmups wie musha, thunderforce 3, elemental master etc. findi scho no es spürli besser.

[m.o.terra kaesi]

Ech stohne halt of R-Type style horizontalshooters. Drom däckt Gleylancer min Gschmack total ab. Thunder Force 4 jo au...aber das findi no bockschwerer! Goht mer scho zfäscht ab det.

Be halt im Feriegroove ond do am Strand am Obig häd mi Gleylancer voll abgholt grad

[m.o.terra kaesi]

Ninja Turtles:
Ha jetzt no die meischte andere Ninja Turtles of allne Sytem rasch ahzockt... die sind all zäme vo überdurchschnittlicher brawlerqualität... grossartig sogar teilwiis. Nor d'1on1 Fighters zocki ned, die sind sicher scheisse. Ich denke, d'Brawlers sind spannender als fasch alles ofem Neo Geo, leider.

[Doraemon]

Ech stohne halt of R-Type style horizontalshooters. Drom däckt Gleylancer min Gschmack total ab. Thunder Force 4 jo au...aber das findi no bockschwerer! Hoht mer scho zfäscht ab det.

Be halt im Feriegroove ond do am Strand am Obig häd mi Gleylancer voll abgholt grad

Ja normalerwis isch R-Type & co o genau mis Ding. Gleylancer het mi vilech denn o nid so abgholt wüui biz mehr erwartet hät, und du hsch nüt speziells erwartet und drum me becho aus du denkt hesch. Ig ha Gleylancer scho immer uf der Liste gha sit wos ir Video Games denn 81% het becho und dert hets richtig guet usgseh. Und wonis de ändlech ha gspielt hets mi nid würklech so vom Hocker ghoue. Aber uf gar ke Fau isches es schlächts Spiel.
TF IV isch mir ja o ds hert. Probier süsch mau no Eliminate Down. Geit genau o i die richtig, aber dünkt mi no viu schwärer.

[m.o.terra kaesi]

Anyway... sMega Drive esch diä 16-Bit Shooter Konsole näbscht de PCE! Für 32-Bit eschs de Saturn, da PS2 ond dä Xbox360...

Ech glaub...de MD isch aber min alltime favorite.Wird no lang dra Froid ha ond Züügs probiere

[damian]

gleylancer hani irgendwie immer wieder gspielt. irgendöppis mueses scho ha.

[Doraemon]

Ig due mi da nid feschtlege vo wäge DIE Shooter Konsole, für mi hets uf aune gnüegend Futter. Und Ober-Spitzeklass Shooter hets für mi uf aune vo dene Konsole öpe glichviu. Gloub aber weni nur 1 16 Bit Konsole dörft wähle zum Shootere wärs äuä der SNES. Dert spricht mi d Spitzeklass bitzeli me a aus ufem MD, wobi ig äbe so Kracher wie Gynoug, Crying oder Gaiares nid möcht misse. Und mülligi Shooter hets o uf aune Konsole öpe glichviu, wobi ig selbscht am ne XDR öpis ha chönne abgwinne.

[Mr. Heli]

letzti batsugun reboost ufem switch gspielt. chan mir öper erkläre, was es mit de zwei unterschiedliche games uf sich het (wasserwelt). isch bide saturn version au so. nume isch mir dete nie ufgfalle, dass ich öpis usgwählt hetti.

[Doraemon]

Gester agfange mit Shin Megami Tensei Strange Journey ufm Nintendo DS. E Dungeon Crawler mit de üebleche SMT Mechanike. Het mi grad packt!

[Reinforced]

letzti batsugun reboost ufem switch gspielt. chan mir öper erkläre, was es mit de zwei unterschiedliche games uf sich het (wasserwelt). isch bide saturn version au so. nume isch mir dete nie ufgfalle, dass ich öpis usgwählt hetti.

du meinsch batsugun special version? Im detail weisis zwenig aber sicher es anders Scoring System wo meh Pünkt gitt, e chlineri Hitbox und effektiveri Bombe.

BTW wie isch dä port? Isch leider nid vo M2 portiert sprich eifach irgend e Saturn Emulator uf PS4

[Mr. Heli]

letzti batsugun reboost ufem switch gspielt. chan mir öper erkläre, was es mit de zwei unterschiedliche games uf sich het (wasserwelt). isch bide saturn version au so. nume isch mir dete nie ufgfalle, dass ich öpis usgwählt hetti.

du meinsch batsugun special version? Im detail weisis zwenig aber sicher es anders Scoring System wo meh Pünkt gitt, e chlineri Hitbox und effektiveri Bombe.

BTW wie isch dä port? Isch leider nid vo M2 portiert sprich eifach irgend e Saturn Emulator uf PS4

s level design isch ebe anderst, ussert ich hans eifach nid checked. also sowiit ich das beurteile chan isch de port guet, aber mir würs wohl au nid würklich uffalle.

[Doraemon]

Gester agfange mit Shin Megami Tensei Strange Journey ufm Nintendo DS. E Dungeon Crawler mit de üebleche SMT Mechanike. Het mi grad packt!

Immer no dran, ca 70 Stund Spielzit und öpe ir Mitti vom Game. Story wie immer cool wome cha entscheide ob lieb, neutral oder bös. Paar Antworte wome cha gä si richtig fies! Und me cha mit de Pokem… äh Dämone rede zum se rekrutiere, und wesi schlächt gluunt si chöme mängisch o derbi Sprüch zrüg. Und d Musig isch super, sehr atmosphärisch fantastisch dämonisch!

[Jones]

mau wieder portal 2 agfange...

[Kretinou]

[m.o.terra kaesi]

Geschter z'achte Kollegezock Treffe gha. Gschpillt hämmer under anderem folgendi "Party Games" :

Lovers in a Dangerous Space (Steam)
Sehr geils Koop Game. rechtig tschillige sound u grafik. 9/10

Rock DJ mit Turntable (xbox360)
Extra kauft. No niä probiert voräne...mer händs fasch no geiler als Schlagzüg u Gitarre gfonde. Va au geile Sound. 8/10

Daytona USA HD (PS3)
Mit G27 zockt. Eifach nur en traum, au 2023 no! 9/10

Micro Mages (NES Homebrew)
Geile Sound u FX... super homebrew Quali. Esch es wetzigs Koop Game (4 pl!), aber ned so lang packend. 7/10

Hidden in Plain Sight (Steam)
For 5 Johr slätscht mol zockt. Fun Mini games. Extrem eifach und drom au witzig. Teilwiis koop, teilwiis VS. 8/10

Tower of Rubble (Atari 2600 Homebrew)
Momentan mis Lieblingsparty Game. Sit bald 3 Johr. 9/10

[Mr. Heli]

Eve Burst Saturn, Visual Novel
Nur churz zockt, leider wenig sprachusgab

Shiroki no Majo Saturn, RPG
Au nonid wiit, isch mir fast s gsicht igschlafe. Weiss aber nonid obs am game liit

[LuiStyle]

Zelda Oracle of Seasons

Gfallt mir scho jetzt mit dä Jahresziite

[sirarthur]

PS2 Virtua Racing FlatOut...i de erschte foif Minute chli gwöhnigsbedürftigs Handling, aber dänn cool...
PS2 D1 Drift Grandprix, nur gschnäll mitem Pad agspielt, aber gar nöd schlächt, muäss mal miteme Wheel usprobiere....
PS2 Sega Rally 1995, hani scho lang nöme gspielt, hani dazumal bim Release kauft wegem 1995 Bonus...immer no faszinierend, wie Model 2 Emulation uf de PS2 anbracht worde isch, dazumal häsch en rächt schnelle PC brucht, dass das mitem M2 Emulator funzt hätt...

[Mr. Heli]

Grafik: Sehr schön
Musik: Okay
Encouters: Viel z höch, v.a. gönd d kämpf au no lang.
Kampfsystem: Originell mit karte wod map apasset, denn gits z.B. sotig für heilig, angriffsboost oder magieattackene. Susch ischs kampfystem klassisch mit attackene und magie. leider gits kein heil-zauber, brucht viel items.
Story: nüt speziells, du bisch de könig vode Jin und muesch di andere Jin befreie
Dauer: ca. 15h

[Doraemon]

Oh so kurz isch das nur? Hani o ufem Schirm gha, das Jahr woti mi bitz mit SNES RPGs beschäftige.

Aber im Moment spili Dark Souls 3, zum erste Mal. Wie erwartet ganz guete Zock.