Octopath Traveler II [Switch]

[Mr. Heli]

es isch

guet han erst 1.5h ufem ticker. aber trotzdem. agfange mitem kaiserreich khun (china) und jez uf de erst ander charakter troffe.
chasch zwüsched tag und nacht wechsle. denn hets plötzlich anderi npcs ume und es tauchet anderi gegner uf.
kampfsystem isch mehrheitlich wie teil 1, defür hets jez no neui power attackene geh.

[LuiStyle]

Ich würd huere gern demit afange aber han schlicht und eifach z‘wenig ziit zum no meh games z’afange

[Doraemon]

Hüt o becho u freue mi mega! Ds 1 isch für mi es Meisterwerk und i mine Top 5 RPG ever. I gloub i spiles aber ersch de speter, ha no grad angers ufem Stapel.

[Mr. Heli]

das mit em viel spiele kenni:

- seiya fantasy SS, sit paar täg pausiert
- holy umbrella SFC, sit paar täg pausiert
- zelda OoT 3ds, sit 2 jahr pausiert
- terranigma snes, sit 3 jahr pausiert
- ryu ga gotoku isshin ps5, sit paar täg pausiert

versueche eigentlich oft, die agfange sache zerst fertig mache. grund zum dezwüsched höre isch entweder scho mal gspielt oder dass ich irgendwo nid wiiterchum und nach x mal sterbe nid grad motiviert bin.

back to topic, es isch vom schwierigkeits grad her scho wie de erst teil. han ghofft, dass meh das irgendwo chan apasse. sie hönd aber nid würklich viel gänderet am spiel, sowiit ich das no in erinnerig han.

[Doraemon]

Grad bi RPG chani immer nur eis uf ds Mal spiele. Scho nach paar Tag Pause hani müeh wieder dri ds cho. Drum duenis o immer so terminiere dass i fertig bi bevor i z. B. id Ferie flüge oder so.

Das freut mi ds ghöre dass alles bim Alte isch im Octopath. I häts schad gfunde wenn sie ds viel hätte gänderet. Wobi bitz me random encounters dörftis ha für mi Gschmack. D Schwierigkeit hani bim 1 genau richtig gfunde. Hauptgame normale Schwierigkeitsgrad und Postgame när bitzeli herter und bim Final Boss muesch när bitz ds Hirni ala zum die richtigi Strategie ds finde. Richtig cool isch das gsi dass es äbe trotz grinde immer no chlei hert isch bliebe.

[Mr. Heli]

Wobi bitz me random encounters dörftis ha für mi Gschmack.

das isch no guet glöst, wenn rennsch chömed meh gegner. aber isch nid soviel wieds du gern hetsch, isch au denn nid bi jedem 5. schritt

[Mr. Heli]

bi 45h dra und s wird nid langwielig. jez sind boss kämpf langsam recht schwierig, obschon gwüssi charaktere scho level 50+ sind. level isch zwar nid so wichtig, eher usrüstig. brucht wirklich für jede boss e anderi strategie, wos spannend macht. teil 1 unbestritte übertroffe.

[Mr. Heli]

bi ca. 70h und bim endboss (git när schiins nomal eine). de killt mich aber sehr schnell und het 3 verschiedeni forme. chum nid mal über form 1 hinweg. han jez im internet mal e map gsuecht und gang die ort no go erkunde, wo ich nonid entdeckt han. när no besseri rüschtig nach aleitige im internet zuetue und denn nomal versueche. bis da ane isch eigentlich alles machbar gsi, obschon ich paar mal agstande bin bi bosskämpf. mal luege, hoffe de verdirbt mir das spiel nid no.

[Mr. Heli]

nach ca. 78h dure. es gäbt no en secret super boss, aber für de müesst ich guet nomal 20h investiere. ha scho bim endboss müeh gha.
s spiel hani richtig dure gsuchtet. es gäbt no viel sidequests etc. zum mache. aber ha au no anders vor. es isch würklich sehr guet glunge.

[Mr. Heli]

nachdems eis vode beste spiel vo 2023 und überhaupt für mich isch, hani jez teil 1 wieder agfange. dete bini am schluss bide rotauge nüme wiiter cho. teil 2 isch scho dülich besser in aller hinsicht.

[Doraemon]

Sehr schön, Mr. Heli. I cha nur empfähle der Secret letscht Boss ono ga ds kille im 1, das isch eine vo de beste Bosskämpf gsi woni je ha gha im ne RPG.

Ig bi no dran bim 2 und finges o mega guet. Ha ca. 70 Stund und bi de meiste hani 3 - 4 Kapitel fertig. Aber es git no viu ds tüe und zum erkunde und no vili Sidequests. Wirdes uf jede Fau ersch ufhöre wenni wüki aus gmacht ha.

Ig würdi beidi Spiel ungfähr glich bewärte. Ds 1 isch haut eifach oscho huere guet gsi. Im 2 hets zwar es paar "Quality of Life Improvements", aber mi tünkt es macht ds Game scho fasch zu eifach. Im 1 gfauemer o d Support Skills besser und paar Kapitel vom 1 heimer viu besser gfaue aus im 2. Im 2 hets paar Kapitel wos für mi Gschmack zwenig Kämpf git und o bitzeli churz si. Aber dasch natürli Reklamiere uf sehr höchem Niveau. Paar Stories si aber wieder so guet, dass mer sogar fasch si Tränli cho Am beste gfaut mer der Partitio und der Osvald und öpe ono d Ochette rein vor Story här. Bitz schwächer fingi d Cassti, Agnea und Throné, aber im Kampf si si aui guet. Hikari & Temenos si o super vor Story & zum Kämpfe. Aber da me vom 1 scho gwüssi Tricks und Kniffe kennt si d Charas scho bau chlei overpowered. Weli fingsch du de guet und weles isch di main character?

[Mr. Heli]

bim teil 2 hani glaubs alles gmacht, ussert de extra endboss. stimmt scho mit quality of life und dass teil 2 eifacher isch. het mich ebe gar nid gstört, will viel böss sind glich huere hert gsi und bim teil 1 hani mich di ganz ziit extrem underlevled gfühlt gha.

jez wieder mit de jägerin agfange wie bim erste lauf, ha nüme dra denkt, dass ja de charakter bis zum schluss locked isch und immer ide gruppe hesch. susch heti wohl en zauberer gnoh. aber isch glaubs gar nid so schlecht, will mit boge multiple attacks hesch.

[Doraemon]

Stimmt scho dass ds 1 bitzeli me grinde erforderet het. Ds 2 tünkt mi o eifacher da paar Fähigkeite Kombinatione scho bitzeli OP si, bzw kennt me d Tricks und Kniffe no vom Secret Boss vom 1.
D Bosse gö bis jetz no dünkt mi, spetischtens bim 2. Mau weme d Schwächine kennt hei si nüm viu ds lache. Jetz hani grad der Claude killt, der Throné Endboss und dä isch sehr eifach gsi, aber ha o Schwein gha hani grad ds passende Team gha zum easy breake.
Jägerin isch super, mit de richtige Pokémon scho bitzeli OP.

[Doraemon]

Am Wucheänd bini fertig worde mit Octopath Traveler 2. Wie ds 1 o ganz ganz grosse Klasse! Aber scho dütlech eifacher und paar Fähigkeite si bitzeli overpowered. Der Endboss hani bim erste Mal grad vernichtet, är het gar nüt ds lache gha dank BP Fähigkeite und Hired help. Derfür isch der Bonus Final Boss es richtigs Arschloch gsi genau wie dä im 1. Da hets bitz Überleggig brucht zum kontere.
Spielzit hani 125 Stund brucht und ha (vermutlich) alli Sidequests gmacht. D Houptcharaktere und o paar Nebecharaktere simer richtig as Herz gwachse.

[Mr. Heli]

de bonus final boss han ich nüme gmacht, han scho bim normale endboss gnueg zäh usbisse, obschon ich strategie etc. nahglese han. han aber au nur d chli meh als hälfti vo dinere spielziit gha.

bin jez bim teil 1 ade 4. stories bi allne charakter, paar scho abgschlosse. di optionale jobs hani nonid, die böss händs recht in sich. damal hani glaubs generel die besser spiel strategie als bim erste mal. vorallem d fähigkeit d FP choste z halbiere isch super, denn muesch zwüscheddure nie turns für so items verschwende. denn no kombiniert mit 25% chance uf erneuti attacke, v.a. bi heiler sehr nützlich.

bald chunt ja sea of stars und suikoden I & II. git no viel schöns das jahr

[Doraemon]

I ha gloub denn im 1 gnue nüss gfarmet zum MP erhöhe und somit när d skill wo d chöste aber o d Magie verdopplet brucht, plus der Skill wo de Schade bis 99999 chasch mache. Und mitem Apotheker chasch aune BP & MP uffülle bis zum abwinke. So chasch mit de Schwache breake und när mitm Cyrus und Olberic voll der Schade inehoue. O ganz cool isch miter Jägerin e Chubby Cait ga ifa und die när beschwöre bi de Bosse.

O ja es gut no bitzeli fuetter das Jahr, uf Suikoden fröi mi o sehr, has no nie gspielt ussert ds Tierkreis ufm DS.

[Mr. Heli]

meh chan nüss farme?

ja de mit de schademaximierig hani sinerziit au brucht gha, aktuell no kas thema. han jewils mit de jägerin die starke frösch gfange, die mached au 10 - 15k schade.

suikoden I & II sind grandios

[Doraemon]

Ig has gmeint gha aber i has grad müesse google und ha gseh dass igs äuä falsch ir Erinnerig ha. Me cha kener farme. Dämfau hani se eifach guet verteilt, ha ämu nie SP problem gha, im 2 o nid.

[Mr. Heli]

so bin jez dure, zwei optionali böss (werwolf und de meaneater pflanze) nid gmacht. optionale endboss au nöd. dete muess meh ja zerst 8 böss besiege und när in endkampf. ohni speichere. drum bini nomal zrugg go items fülle. weiss zwar nid, ob ich mir das no atue will. x stunde investiere für das när sofort stirbsch. defür hani all optionale jobs, die hani letzt mal nid gha. rechti game changer

[Doraemon]

I chas nur empfähle das Zügs ono ds mache. Ha aber denn scho paar Tag brucht zum die optimale Strategie ds finde, aber es isch när sehr befriedigend gsi. Bi de 8 Vorbosse hani zersch o denkt whoa, aber mit der Zit blastisch die innert Minute furt. Aber ja, isch halt Endgame Stuff, da chani versta we eim d Motivation bitz fehlt. Aber cool hesch ds Game nomau gmacht!