Welchen Film oder welche Serie hast du gerade gesehen?

[feeshlee]

Ghostbusters Afterlife. Fönny. 6/10.

[Kretinou]

The Meg 2 : 2.5/10
Mein Gott, dieser Film ist Unsinn. Ein Drehbuch geschrieben von Männern, die Kokain konsumieren.

[Master(G)]

Indiana Jones and the Dial of Destiny


moll, gar ned so übel gsi, schöni action, oldschool indy feeling.
hanen also ned schlächt gfunde. besser als crystal skull sowieso.

7/10

[siralos]

alles isch besser als crystal skull.

[zeromeier]

Goose: wo heschen gluegt?

[Master(G)]

abegsoge. gitt bluray quali und alles vo 720p bis 4k afe uf dütsch und english...

ab oktober ischer uf disney+

[LuiStyle]

Mission: Impossible – Dead Reckoning Teil Eins 8.5/10

Bin scho ehwigs nüm soo guet unterhalte worde! Dä Tom macht immerno ä gueti Figur und ghört miner meinig zum beste Ableger vo dä Serie.
Bin gspannt wie dä zweit Teil wird.

[The Sheep]

The Last Voyage of the Demeter (5/10)

Isch de erscht Teil voder Bram Stoker Dracula/Nosferatu Story, und spielt nur uf dere Schifffahrt vo Rumänie nach London. Sehr atmosphärisch und guet produziert. Storymässig nimmt er sich aber einigi Freiheite.

[zeromeier]

De Dracula au grad im kino go luege, ich gibe 6/10, hed mich guet underhalte.

[Master(G)]

ah de dracula, chamer ja au scho suuge. grad luege hütt abig!

[zeromeier]

Scho sit mind 2 jahr nüd meh abeglade, fühl mich befreit vo dem

[The Sheep]

Indiana Jones and the Dial of Destiny (7.5/10)

Im grosse ganze besser als erwartet. Gschicht isch cool gseh, atmosphärisch ebeso, und die CGI Verjüngigstechnike, so unnötig mer sie au finde mag, sind technisch brilliant mittlerwile.

Am Indy sini Enkelin wo alles besser chann und besser weiss als är, ischmer allerdings gehörig ufe Sack. Das isch wieder dHandschrift vo dere Kathleen Kennedy gseh, wo us jedem Star Wars e Heldegschicht über starki unabhängigi Fraue macht, und wo au hie e grossi Rolli gspielt het.

De Film isch im Ändeffäkt nit ganz so schlimm usecho wie befürchtet, aber mer merkt scho, dass de Indy nume no die zweiti Giige spielt. Ich find, Hollywood vo hüt goht zimlich respäktlos mit de Helde vo minere Chindheit um.

[Vyse]

Au die Woche gseh. sGanze Setting isch mega guet, sie händs tatsächlich gschaft dä klassisch Indy Vibe iizfange. Im Gsamte häts mier dänn zu viel Verfolgigsjagde und zviel Fangis aber dänn wiederum, die orginale Film sind da ja ganz ähnlich. Tatsächlich besser als erwartet und ja dÄnkelin gaht eim total uuf dä Nerv aber isch so beabsichtigt,sie macht ja dänn chli en Entwicklig duure und ihres Herz taut ja schlussändlich bitzli uuf. Dä Mikkelsen wertet sGanze au grad nomal uuf aber viel meh als 6/10 würi jez au nöd gäh.

[Master(G)]

The Last Voyage of the Demeter

...hett für mich e bitz en Alien Vibe gha.
Hanen ganz OK gfunde.

6/10

[thaeye]

han de au gseh und gib 7/10, guet gfunde, dracula fast immer guet.

den en alte schinke widrmal gluegt, mystic river fahrt immer na huere ii. 9/10

[Kretinou]

...hett für mich e bitz en Alien Vibe gha.

Aber klar ! Habe sofort das gleiche gedacht.
6/10

[Buccaneer]

One Piece Folge 1

Wow. Hüere Güet! Netflix chan ja doch was!
Bin super skeptisch gsi. Wür dem en canche gäh

[zeromeier]

The nun 2: 5/10, besser als de erscht, fönny gsii im kino.

Righteous gemstones s3: gueti Underhaltig

[Kretinou]

Pacific Rim : 9/10

[The Sheep]

Nosferatu in Venedig (6/10)

e weniger bekannti, italiänischi Adaption vom Thema. Leider abgrundtief schlächt. Ohni Nostalgie- und Kinskibonus hättem 2 Pünkt weniger gä.

[Buccaneer]

One Piece 1 - 5. Hüere güet!
Ich hoffe die möched n Season 2!

[Master(G)]

Barbie

roffele... also wer sich als Maa vo dem Film irgendwie "bedroht" fühlt oder so hett es Problem im Chopf oder eifach zu viel Testosteron im Bluet.
Er isch so dumm und überspitzt, er chömed all drunder, Manne, Fraue, CEOs und Mega Corporations... ich gseh de Ufschrei ned.
Stellewiis so blöd, dass er scho wieder guet isch.
Ich ha uf jedefall paar mal luut glachet... isch OK gsi findi.
Hanen eh nur wäg de "stereotypical Barbie" gluegt

Film 5/10
Margot Robbie 10/10

[zeromeier]

Wele Ufschrei?

[Buccaneer]

Wele Ufschrei?

D Amis hend sich ufgregt.
Uf Youtube reggt mer sich wäg allem uf! Woke und so. Öbs denn stimmt oder so... hautpsach klicks und likes...

[Master(G)]

es isch doch sunneklar, dass "Barbie" primär en "Fraue-Film" wird/isch. Wer das hinterfragt oder dumm findt isch eh en Depp.
am Änd sind all drunder cho, Manne wie Fraue und Barbie hett sich sogar am Schluss entschuldigt, dass sie dManne (also de Ken) so mies behandlet hett. Und de Ken hett sich für sis Macho-gehabe au entschuldigt. Alles gut!

Im Barbieländ ruled äbe dMädels und nöd wie im ächte Läbe eher dManne... das isch vielne Super Machos bitz schlächt igfahre