The Lords of the Fallen

[Vyse]

ich findes immerno suprig. ich han natürlich au irgendwo glück gha, dass es uf mim pc uf Ahieb guet gloffe isch.

Die automatisch Erkennig vo der Grafikcharte schint mittlerwile besser worde zsi, aber ich han bi mim Kolleg gseh, wo jetzt grad agfange het, dass es trotz tägliche patches, immerno es paar Grafikapassige git, womer miner meinig noch unbedingt sött mache, demits au guet usgseht. Speziell Kalibrierig: dünkler, mehr Kontrascht und mehr Sättigung, und au Filmrusche und Chroma Aberation usschalte. Mi Kolleg isch begeischteret gseh mit em Resultat, aber trotz allem isches natürlich Gschmacksach.

Wohlwollendi Kritiker vo Lords of the Fallen sage, dass es für sie eigentlich "Dark Souls 4" segi. Ich sälber han Souls 1-3 nie gspielt. Aber Elden Ring. Und für mi isches Elden Ring mit weniger Open World. Es wirkt es bitz linearer, aber wenn ich gwüssi youtube videos überflieg, schints mir dennoch zimlch gross und witläufig zsi. Wenn FromSoft statt HexWorks im Titel würd stoh, ich hätt nit de gringschti Zwifel. Es isch für mi es perfekts Souls Spiel.

Wie ischs vo dä Schwierigkeit? Elden Ring hät mi so härt uufgregt, totale Hass sich ständig, in unändliche Wiederhollig die Ahgriffsmuschter müesse zmerke und dä Rythmus vo dä Ahgriff isch au grad so nervtötend gsi. Nur wänni drah dänke, bechommi halbe Schüüb über.

[Master(G)]

nöd nur du!

[The Sheep]

Sich Agriffsmuschter müesse merke, um die richtige Moves chönne zmache, isch das nit das wo Souls Spiel und Souls likes generell usmacht?

Wenndr das nit ligt, isches glaubs nüt für di. Sälbscht Levelabschnitt mit Trashmobs sind so designt, dass de überraschend agriffe oder irgendwo abekickt wirsch, wenn nit gernau weisch wo sich wele Gegner versteckt, und was er chann. Ich sag nur "Pilgerpfad" ...
Mir gfallt das eigentlich guet so. Das het bitz öppis vo dä modärnere Arcade shmups (Cave, Raizing etc). Da muesch hellwach si und präziis spiele lerne.

[Vyse]

Das mit dä Ahgriffsmuschter chann scho ok si, es muen eifach guet designed si, wie z.B. im Blasphemous Videospiel.
Generell sind ja Ahgriffsmuschter so guet wie i jedem Game en Teil vom Gameplay aber wänn sLerne vo dä Ahgriffsmuschter zum Chernelemänt vom Game wird und alles andere sekundär isch, dänn ischs definitv nüüt meh für mich (interessanterwiis störts mi viel weniger bi Shmups aber döt ischs irgendwie au absolut im Voruus klar, uuf was dich iilahsch).