Avatar Frontiers of Pandora

[Master(G)]

Ubisoft
Open World
First Person
Action Adventure
only on NextGen und PC!

Video, Screens und Info: https://www.thegnet.org/post/ubisoft-en ... len-und-pc

[Ribit X Titan]

Beeindruckend, seit ich es näher angeguckt hatte. Besonders die Umgebungsgrafiken wo es wie echt aussieht aber auch die plastischen Texturen fühlen sich wirklich wie Next Gen an. Es ist eines der ersten Games welches NUR für Next Gen entwickelt wird und ausser auf den Next Gen-Konsolen kommt es nur noch auf 2 Cloud-Plattformen und für den PC raus, wobei ich wohl... solange sich an der Hardwaresituation nichts deutlich ändert, den Next-Gen-Konsolen den Vorrang geben würde... nirgends könnte man es "ökonomischer" und mit besserer Qualität gamen. Erst ab 2023 schätze ich wird sich die PC-Situation deutlich bessern, sodass auch das PC-Gaming wieder "ökonomisch" wird.

Sicher sind auch die Grafiken eines Horizon-Forbidden West super, allerdings sieht man im Vergleich schon dass da noch mehr drinliegen würde und sobald dann auch ein Horizon-Sequel eine Exklusiventwicklung (für Next Gen) kriegt sehen wir da ganz klar noch ein Sprung nach oben, ähnlich wie bei Pandora.

Das Thema interessiert mich natürlich sehr, Avatar ist eines meiner grossen Film-Highlights gewesen und ein so super poliertes Game... das hat echt noch gefehlt.

Ab dieser Generation kann es schwierig werden "Game" von real zu unterscheiden, je nach Szene; ganz klar ein neuer Schritt in dieser Evolution.

[Master(G)]

endlich Gameplay und ned wenig!

https://www.thegnet.org/post/avatar-fro ... um-bekannt

Far Cry im Avatarskin?

[Jones]

yeah! es ubisoft open world game in neuem gwand...

[Master(G)]

aaaalso, ich han bis jetzt rund 5 Stund gspielt.

grad am afang: es isch es far cry spiel mit avatar-skin, wie ich vermuetet han.

ich als far cry fan finde das natürli schomal super. ich spiels uf xbox series x. grafik isch de hammer, würkli sehr schön. de performance mode lauft flüssig (bis uf denn, wenns game grösseri gebiet im hindergrund lade muess, z.b. wemmer en siedlig betritt), denn rucklets mal churz. kännt mer scho vo andere spiel. stürig isch sehr direkt, schnell und gnau, wie ime far cry spiel halt. de afang vom spiel isch herrlich inszeniert. wemmer denn usem labor erstmal id wält use tritt, wahnsinn! traversal isch vor allem super. mer chan riese gümp mache und fascht jedi wand deruf chlättere, au uf boim und so. mängisch chunsch der vor wie de predator ... mer muess jage und crafte, umgebig scanne mit de navi-sicht, feindlichi lager vernichte, etc. kännt mer eigentlich alles. mir aber egal, will äbe "far cry feeling"

flüge chani nonig, weiss also ned wie das isch. muess erst es flugtier zäme. gebiet isch riesig, hoffe es gitt au es riittier.

ich cha nonig viel meh säge als das: wenn far cry geil findsch, muesch es spiele. wenn far cry langwiilig findsch, findsch au das langwiilig.

bis jetzt es solids 8. technisch suuber für en version 1.0 im jahr 2023. ha kei fehler, abstürz oder erwähnenswerti fehler gmerkt bis jetzt.

euses review chunt vom Fabrice, wird aber next week, will mir de key erst geschter abig becho händ.


ah ja: koop mode hetts au, aber wie immer bi ubisoft speicherets de fortschritt nur bim host

wenn frage hesch, frag....

[Jones]

wenn frage hesch, frag....

macht ubisoft o mau es neus spiel?

[Master(G)]

die grosse publisher trauet sich doch nüt meh old news

[Master(G)]

in-game Screenshot vo de Xbox Series X Version...

scho huere schön!

[Jones]

die grosse publisher trauet sich doch nüt meh old news

i weiss... machts nid besser..
zum

[Master(G)]

aso ich ha 2 fründe wo das au spielet, und mir fiired das also alli ziemli!

ich ha de ganz sunntig in pandora verbracht. es isch eifach en wunderschöni wält und es gitt so viel zum entdecke. grafik isch also fascht uf Horizon Niveau! Grad ide Grass-Lands isch rächt Zero Dawn Stimmig ufcho... und mit em ekran umeflüge isch eifach nume super! dstürig vom vogel isch au geil, chasch würkli super luftkämpf mache.

für mich ghörts zude beschte games 2023, ganz klar. Haters gonna hate, ich finds geil

[The Sheep]

d'Wält gseht scho schön us, aber mi stört dassmer sone riesige Navii spielt. Chann mi irgendwie nit identifiziere mit sonere Figur

[Master(G)]

riesig isch es guets stichwort... ich gseh amigs die chline soldätli vode RDA gar ned. vo irgendwo schüssts, aber wo!?? muesch huere gnau ane luege! sie flüget de au ziemlich wiit, wenns sie kicksch

#besseralsstarfield

[Master(G)]

poste das video da au no:


Quelle

[Bejita]

Hets 60FPS Modus?

[zeromeier]

in-game Screenshot vo de Xbox Series X Version...

scho huere schön!

Gsed geil us

[Master(G)]

Hets 60FPS Modus?

jup, ich spiele nur im performance mode, isch bis uf wenigi usnahme ruckelfrei. mängisch gitts bim streaming-lade im background churz en ruckler, z.b. wemmer grossi settlements betritt. isch aber ned wiiter schlimm. lauft erstuunlich suuber für en version 1.0! ha über 20 std. gspielt und kei nennenswerti bugs gha. ich find au de grafischi underschied zwische quali und performance sehr gering.

ich ha huere freud a dem game. au wenn de gameplay-loop typisch ubisoft isch, sprich mit de ziit repetitiv. für sammler und entdecker isches aber äbe scho geil. ich würd sogar behaupte, es isch besser als far cry 6.

es bild usem performance mode:

[Master(G)]

so, de Fabrice hetts Spiel dure unds Review gschriebe. Ich bin nonig ganz fertig, han mir aber au es Urteil erlaubt nach über 30 Stund:

https://www.thegnet.org/post/the-g-net- ... of-pandora

[LuiStyle]

Wie chasch du so es guets urteil gäh wenns nonig dure häsch? Gib doch eifach dini meinig ohni wertig

Ich muess es unbedingt nahhole, mir gfallet so Ubisoft games.

[Master(G)]

ich bin churz vorem änd gsi. ich glaub nach über 40 stund darf mer sich scho es urteil erlaube, nöd? isch ja au ned mis erste rodeo

[LuiStyle]

Ihr müsstet eui uf ei Wertig einige, find ich.

[Master(G)]

Ihr müsstet eui uf ei Wertig einige, find ich.

scho? ich find mehreri fazit und meinige eigentlich no cool. nur hämmer meischt ned ziit oder gar sgliiche game, gitt ja nur 1 review-key für eus. dasmal isch de key rächt spat cho und ich ha mini retail vom wog au scho gha. passt.

famitsu machts übrigens au so, mehreri wertige und fazit. findi super.

gar kei note meh gäh und nur no es fazit schriebe, das wär mal no en idee. de würdet lüüt nöd nur abescrolle und wieder verschwinde

[Master(G)]

neue Story-DLC chunt am 16. Juli.
The Sky Breaker.

Trailer und Info:
https://www.thegnet.org/post/ubisoft-st ... andora-vor

[Master(G)]

Story DLC Nr. 2 am 26. November:
https://www.thegnet.org/post/zweiter-dl ... 6-november