FREAKERS HIGHSCORE!

[Gatchan]

Shoot the Core!

Mir (RDK und VJP) hei i dä letschtä Monatä flissig arä Websitä gschaffät damitmä mau widr aschtändig cha scorä. Houptsächläch Arcade mitärä Prisä GameBoy.

Jedä cha sini Scores säubr erfassä und mitmnä Foto versehä. Absgseh vom Ranking wo numä ds einzelnä Game betrifft gits no äs augemeins Ranking wo de abr uf Arcade odr GB cha ufteilt wärdä.
Isch uf Handy usgleit, funktioniärt abr o am PC.
Settings söttä eigäntläch meischtens default si, bi dr Mehrheit vo dä Games isch’s no zuäsätzläch hindrleit wasmä söu ischteuä. Am beschtä immr checkä bevormä scorät.

Games si im Momänt chli über 80 erfasst. S wird abr schtändig erwitärät. Wär no Gamewünsch het, chasä a VJP richtä.

Emulatorä si natürläch nid wiukommä(Mister, PC etc. natürläch o nid diä grusigä Chinaboards). Diä guätä Boards vom Mitsurugi, Apocalypse und Darksoft natürläch scho.

D URL isch im Momänt: https://hs.freakers.ch/

Das ganzä het 0 mit dr Schpiuhauä in Gasu ds tüä, diä vrwändä numä no dr glich Namä u si nid wiukommä uf dr Scoringsitä u somit isch diä Thematik o scho beändät.

[Gatchan]

Richtig gute Sache, macht o mir sehr Spass

[turntablism]

gueti sach

bi mir uf em telefon ladet's teils ziemlich langsam.
isch das bi euch au so ?

[Gatchan]

Nei eich gar nid

[Gatchan]

Es wird aber offebar immer drann gscjaffet dasses no besser louft

[sidusson]

Super de wärdemer bündig score

[sidusson]

Ufff aber ja dwebsite isch huere müll. Buggy ohni änd u viu fehler die ganz zit. Heiter das nid amene fähige informatiker wöue i uftrag gäh?

[Doraemon]

I finges e gueti Sach und o d Site fingi nid schlächt gmacht. Nume schad darfi nid mitmache. Die meiste Scores würdi mit links schla.

[LuiStyle]

Sehr guet gmacht

[turntablism]

Ich ha di letschte bilder nöd chöne ufeladde (übers mobilephone).
Entweder bini z blöd oder gahts nümm ?

[Reinforced]

Mister nid erlaubt?! schad

[damian]

ja, gäll

[Doraemon]

Hallo Gatchan oder wär o immer mitliest, cha mau öper luege dass eui Highscoresite wieder geit? Oder isch das Projekt tot? Es paar Welschi reklamiere bi üs dass sie wete Scores itrage aber es geit nüm. Da sie üsi HP und FB Page gfunge hei meine sie das sig vo üs Aber immerhin chöme sie jetz verbi bim nächste Event.