Welchen Film oder welche Serie hast du gerade gesehen?

[OlDirty]

Ichi the killer 7/10

Wieder mol chli was abgfuckters.


Quelle


Baby Assasins 6/10

Teils chli langatmig, aber susch guet schräg das ganze.


Quelle

[Kretinou]

Ghostbusters Frozen Empire : 7.5/10

[OlDirty]

land of bad 8.5/10

Goht guet zur Sach


Quelle

[Master(G)]

ou ja, stimmt. de muessi mir au no inezieh! hanen uf de platte aber voll vergässe

[OlDirty]

Poor things

Scho lang nüme so en abdreihte Film gseh. Hanen super gfunde 9/10


Quelle

[Vyse]

Mier hät er nöd so gfalle. Dä Ahfang isch hani extrem schwierig gfunde. Ich chann eifach Infantilität nöd uustah, weder in Film no in Würklichkeit, da häts mier scho am Ahfang vom Film fascht abglöscht. Zum Glück entwickled sie sich ja no bitz. Stellewiis han en rächt interessant gfunde, bsunders die Gägenüberstellige vo ihrem diräkte aber au bitz naivem Wese mit diverse, soziale Situatione uus em Alltag. Was mier irgendwänn aber härt uuf dä Wecker gange isch, isch die durchgehend Obsession mit Sexualität. Has checkt, sie hät Freud a ihrem Körper, cool, chömmer jetzt fürschi mache? Ich muen nöd e Stund lang drah teilha, wie sie als Huure Gäld verdient. Visuell, Kostüm usw. isch er aber sehr guet.

[zeromeier]

Civil War, 7/10, eifach null komma null wasi nachm Trailer erwartet han, und 4d passt ja denn so wüki rein gar nüd zum film

Aber sehenswert, au wenni gern me antworte gha hät.

[Buccaneer]

[Kretinou]

Abigail : 9.5/10
So geil !!
https://youtu.be/qnoi-R5MIq4?si=m_x8HZpEIERQlkj9

[Master(G)]

ok, demfall lad ich en gliich mal no abe

[thaeye]

abigail 9/10

[Kretinou]

abigail 9/10

[Vyse]

Phantoms, 1998
5/10

Cools Setting, hät en stimmigsvolle Cosmic Horror chönne werde aber irgendwie würkt er zu fragmentiert, inkoheränt, Spannigsbogge und sTempo sind queerbeet, zwenig Stimmigsuufbau und Spannig usw. trotzem paar cooli Effäkt.

Quelle

[The Sheep]

Bin grad am Fallout luege. hüeregüet!

Vorhär hani no die zweit Staffle vo Lazaret Project fertiggluegt. Naja.. zerscht het mi ufgregt, dass sie d'Sarah plötzlich zum Hauptprotagonischt gmacht händ und är ihre nur no hinterhärtäppelet isch. Bitz wie Mandalorian Staffle 3. Im Verlauf voder Staffle isch das zwar wieder besser worde, aber defür isch de Plot immer verworrener worde und het durch immerwieder glichi Zitsprüng agfange langwile. E dritti Staffle wirds offebar nit gä, und mir isches rächt. Sie hättets scho nach der erschte Staffle (woni sehr guet gfunde han btw) sölle blibe lo.
mis final verdict: The Lazarus Project (7.5/10)

[zeromeier]

Kingdom of the Planet of the Apes, für mich als 1968er Fanboy 9/10, was für en geile Start i die neu Trilogie, mega Film und super für im Kino.

[Vyse]

Abigail 7/10
Super Charaktere, mega cools Setting, sehr guet gmacht, dStory isch super simpel aber underhaltsam, wämme so Sache mag.

Deadstream 3/10
En nervige Streamer, wo e Nacht imene Spukhuus verbringe muen und das live streamed. Es isch so schlächt gspillt aber Pünkt für dKreativität. Guet isch au, woner sich irgendwänn imene begehbare Chleiderschrank versteckt und dä Chopf vom Geischt plötzlich zwüsched siine Bei uuftaucht und ihn in Pimmel biisst.

Unsere Mütter, unsere Väter S01E01, 8/10

[Master(G)]

ja, Abigail isch würkli guet gsi.

chani mit guetem gwüsse 8/10 gäh

[Master(G)]

The Ministry of Ungentlemanly Warfare

Story wär guet. De Cavill sowieso. Hett au paar lustigi Szene. Nazis gönd immer. Aber warum sind die Spezial-Effekt so mies??

6/10

[Master(G)]

Immaculate

Horror mit de Sweeney als sexy Nonne. #nippelalarm
Paar rächt abstrusi gore-szene gha...

Story: Jungfräulichi Nonne wird plötzlich schwanger. Chile meint es sig es Wunder... chasch der ja dänke, was dänn chunt.

6/10

[siralos]

Abigail. 5/10

Chli billig und unlogisch, vor allem gäge schluss
...a paar hundert jahr alte vampir verliert kampf gegen en frischling?!

Story etc. Lani hier mal dusse, da die filme hier inne jede sicher scho zig mal gseh het.

Aliens. 10/10

Das bild in 4k isch teilwiis unglaublech scharf.

True lies. 10/10

Das bild isch nume stellewiis gstoche scharf. Chli komisch dass dr aliens das bessere bild gha het, obwohl true lies neuer isch.

Nöchscht film isch de no de abyss. Hoffe dass das bild da besser isch als dr true lies.

[abyss]

Vermuetlich heisi nid guet fokusiert bi True Lies? De chame ou nümme viel rette. Hett ou bi Matrix 1 und Braveheart paar krass unscharfi Bilder, wo di grad voll useriise in UHD. Da lob ig mir dr Verhoeven. Jedes Bild kristallklar fokusiert. Aber bi trotzdem froh das True Lies ÄNDLICH mou ir Zuekunft isch acho, statt ir VHS Hölle z schmore… Die nöchste 3 Monat si reser4ert für Cameron UHD‘s… Schaad isch mis Homecinema futsch…

[abyss]

Aja, dr Sundtrack vo True Lies isch ja ou meggen…

[Master(G)]

Ghostbusters: Frozen Empire

viel Fan-Service und im Grund gno gar ned leid, aber e bitz holprig inszeniert was de Spannigsboge agaht.

7/10

[siralos]

Vermuetlich heisi nid guet fokusiert bi True Lies? De chame ou nümme viel rette. Hett ou bi Matrix 1 und Braveheart paar krass unscharfi Bilder, wo di grad voll useriise in UHD. Da lob ig mir dr Verhoeven. Jedes Bild kristallklar fokusiert. Aber bi trotzdem froh das True Lies ÄNDLICH mou ir Zuekunft isch acho, statt ir VHS Hölle z schmore… Die nöchste 3 Monat si reser4ert für Cameron UHD‘s… Schaad isch mis Homecinema futsch…

Kei ahnig was si gmacht hei. Für mir isches eher wie en dvd version gsi, nume stellewiies mag das bild überzüge.

A paar verhoeven muesse mir ou no zuelege, vor allem starship trooper und de robocop. Die hani nid mal als dvd.

Letschthin de starhip gluegt und wieder huere muesse lache ab de propaganda wärbig

[abyss]

Starship Troopers sötti Pflicht si ab Chindergarte! Söue si mou usebringe in UHD hie. Es M‘erica Master gäbs ja scho…