Fallout 4 !!

[Skeletor]

es isch en unglaubliche ziitfresser

[geosnow]

wiä de witcher.

[feeshlee]

supersledge
broadsider
junkgun

[Moff]

es isch zwar öppe 10 stund gange bises bi mir zündet hat, aber muss doch säge ich finds iets es guets spiel
wie scho vo oblivion zu F3 und zu skyrim het sich bethesda eigentlich wieder sehr stark verbesseret.

mir gröschte problem mit dene spiel isch immer gsi, dass all "dungeons" sehr copy&pase ähnlich sind und sich als langwiligi labyrinth präsentiered. im F4 isch eigentlich immer en starche wiederkennigseffekt debi und es sind gröschteteils erinnerigswürdigi locations. d'fraktione sind au interessant. hapere tuets wie immer bide dialög und stories, trotzdem sind scho paar netti idee debi.

sehr guet sind companions wo massiv besser sind als ide ältere spiel, ned nur sind sie interessanter und au erinnerigswürdiger, es isch au würklich guet glöse, dass sie ned nur positiv und negativ uf dialög entscheidige sondern au uf anderi sache wie zB schlösser knacke reagiered und mer so chan sich bi ihne beliebt oder unbeliebt mache. dass jede au na en interessante perk git bi maximaler affection isch en sehr motivierende teil vom meta game, das hends sehr guet gmacht. wenn companions iets au na guet gschribe wäre, wär das absoluts referenz niveau.

crafting findi au super, mer chan waffe sehr guet personaliere und verbessere und es isch ebefalls sehr motivierend mit perks und loot verbunde, das funktioniert absolut geschmeidig. ehrlich gseit was vom beschte woni je a crafting gseh ha imene game.

trotzdem ischs natürlich immer na es bethesda rpg, heisst es isch oberflächlich, zu überlade. qualität vor quantität wär besser, quest design isch so guet wie immer uninteressant. im grosse und ganze hets kein stich gege witcher 3 oder new vegas. sehr schad findi au d'änderig im dialogsystem, es isch ned nur zu somel dargstellt, es fehled vor allem optione mit möglichkeite dassmer antworte au nur mit gwüsse attribut zB intelligent 8 chan geh, das wär schön gsi und isch scho immer geil gsi i fallout, sehr schad, dass sie das händ falle lah.
ansuschte stört mich de dumbdown ned gross, isch gsehs ehner so, dass bethesda dur das konsequent isch und das spiel so designt wies eigentlich zu ihne und ihrne chunde passt. dassmers meh als shooter spiele chan passt guet und VATS isch immer na sehr starch und sehr präsent, das findi guet gmacht. au s'attribut system mit de perks findi sehr guet und vor allem sehr lang motivierend, bi andere RPGs hani nach 10 stund swichtigschte, aber fallout 4 het bis zum schluss interessanti und nützlichi perks.

dur das ischs für mich es runds erlebnis, es het denn irgendwenn zündet und has eigentlich würklich gern gspielt. wie gseit, für mich sbescht bethesda rpg vo de neue generation.

[The Sheep]

s'einzig wasmer bi Fallout 4 wirklich ufe Sack goht sind die saudumme Supermutante Monolög vo däm World of Warcraft Oger Sprächer ....
aber sunscht witgehend es super Spiel

[siralos]

Das ganze hud und konsolisierung hat mich dazu bewegt das spiel zu deinstallieren.....hatte keine nerven mehr mich std. Lang im inventar menue herum zu aergern, statt auf das game an sich zu spielen.

[PlanetHarrieR]

Vorlaut 4 is draußen ^^


Quelle

[abyss]

Quelle

Nice.

[Marco_in_motion]

cha nümme


Quelle

söllis mir überhaupt chaufe? Fallout 3 hani gliebt wäg de geile Stimmig und de Details i de Dialög und will's eifach geil isch und will jede säge chan waser will, will jede däzue staht.

Han eifach es paarhundert Stund drah zockt wills mi gfesslet hät und jetzt stahni churz vor minere Dipl. Arbeit wayne
Also chanis eifach sochli näbedure zocke oder isches so guet wiä fallout 3?

[feeshlee]

has nett gfunde. aber abme gwüsse punkt häsch eifach kei rächti gägner meh.
ufbaue isch nett, aber wänn dä story-mode dure häsch, d'raider kei chance meh händ und du häsch jede ecke vo dä wält gseh, jede comp freigschalte...
ich frög mich, ob ich je en extension kaufe söll.

[geosnow]

Bi witcher lohnt sich d extension.

[mr.raw]

Say hello to Switch?

Wär jetzt überraschend...aber wieso nid?!

Bethesda hat bislang einen Titel für die Nintendo Switch angekündigt und zwar The Elder Scrolls V: Skyrim. Doch hat Bethesda noch jede Menge andere beliebte Spieleserien im Gepäck. Dazu gehören die Wolfenstein-Spiele, Doom, aber auch die stark umworbene Fallout-Serie. Der neueste Teil Fallout 4 spielt ebenfalls wie der Vorgänger in einer postapokalyptischen Stadt. So erlebt der Spieler eine spannende Geschichte in einer frei begehbaren Welt mit einigen Rollenspielelementen.

Doch könnte Fallout 4 auch für die Nintendo Switch kommen? Nach Skyrim wäre dies nicht auszuschließen. Zumindest listet der spanische Händler El Corte Inglés das Spiel für die Nintendo Switch. Genauer gesagt wird dabei die Fallout 4: Game of the Year Edition gelistet. Die Game of the Year-Edition umfasst alle Updates und alle bis dahin erschienenen DLCs des Spiels. Auch die Telltale-Spiele wurden vorher bei Händlern gelistet und es ist wahr geworden.

[Master(G)]

Geschter ischs offizielle "NextGen" Update use cho für PS5 und Series X|S

Es gitt jetzt en 40fps Quality-Mode wo ufeme VRR-Display absolut fantastisch lauft und super usgseht. Fühlt sich nach 60fps ah, sehr geil! So geil, dass ich geschter grad wieder 4 Stund gspielt ha. Ha das Spiel damals uf PS4 duregspielt (Main-Quest) und ha jetzt nomal vo vore agfange uf de Series X. Fühlt sich würkli wie es Remaster ah findi. Hüere güet!

Churz devor hani übrigens no Fallout 76 usprobiert und das gseht schlächter us und lauft au ned so flüssig plus Service-Game, rächt härt für was die alles Gäld nämet.

Fallout 4 hett au Mod-Support uf Konsole, falls ihrs nonig wüssed. Gitt tuusigi Mods! Und en Creators Club, womer sich grad jetzt z.B. Charaktere und Skins us de Fallout TV Show chan abelade.

Ich dänke, ich wird das Game grad nomal durerotze und mir wieder es super-schöns chilligs Settlement baue

[zeromeier]

wie scho im serie-topic gschriebe: Ich spiel aktuell New Vegas, willi das früener nie gspielt han. Imo super. Und d'Entscheidige bzw. d'Fraktione sind gar nöd mal so eifach, will all hend irgendwas, womer au irgendwie chan guet finde. Einzig d'Hotel in Vegas sind chli verwinklet mit viel laufe, das häti nöd unbedingt müsse sii. Aber abgseh vo dem bis jetzt imo s'beschte 3d Fallout. Grafisch halt XBox 360 und hed det scho nöd mega usgseh, aber grafik isch ebe nöd alles.

(ps: sie wennd ja u.U. fallout 5 ame andere Studio geh, will die Trottle bi Bethesda kei Ziit hend, ich hoffs schwer, am liebschte Obsidian, die chönd das besser als Bethesda (siehe starfield usw, viel langwiiligers und sinnloses geblaber chamer glaub nöd ines Spiel packe).

[zeromeier]

Ja interessiert kei Sau, halted mich aber nöd devo ab, das da kundztue: Han geschter New Vegas vertig gspielt, ca 30h gha. Am Schluss die Ceasar Idiote und die Militärtrottle mit minere Roboter-Armee in Schach ghalte und d'Kontrolle über Vegas übernah mitem "Ja-Säger". Die Khan-Type hani komplett ignoriert und die Pulverbandite ebefalls. d'Minigun und de Ragetewerfer "Annabelle" hend am Schluss rächt ghulfe. Tatäschlich rückblickend für mich s'beschte Fallout, will meh wüki ganz viel Möglichkeite hed, was meh möcht mache. Was fehlt sind härti "Stadt vernichte" Entscheidige wie im 3er.
Am Schluss hani Charakter 10 und Intelligänz 10 gha, wasi no geil gfunde han zum spiele, nöd nur peng peng, viel mit Quatsche in Bode gredt.

Jetzt hani The Outer Worlds abeglade wo au im Gamepass isch und fangs no a, Grafisch härte Upgrade, da hed meh sich a New Vegas echt müsse e Stund gwöhne, nachher isch aber gange. OW isch au vo Obsidian, söll bitz linearer sii, hani damals komplett ignoriert, jetzt freu mi aber no druf. Hät also gern es Fallout 5 vo Obsidian, beschte dank.

[Master(G)]

new vegas findi au sbeschte fallout. gfolt vom 4.

fallout 5 wär scho lang fällig!!

[Master(G)]

geschter isch nomal es update für series x usecho.
jetzt chamer im quality-mode in 4k/60fps spiele und HDR gitts no obedruuf