Warum kauft niemert Arcades im moment? Mimimi Thread

[shanki91]

Ciao zäme,

De Doraemon und i händ auscho drüber gredet, bim Gianluca gsehts aunid besser us. Luegnurmal sin Offroad Challenge. 350 stützli isch doch nix grössers scnäppli chasch ja nid mache..

Was isch denn mit de lüt los? Ufzmol kei Interesse me an Arcade? Meinedr würds bald besser jetzt wos ufde winter zuegoht?

Dä thread isch zum uskotze, theorie ufstelle, möglichi lösige finde...

Möglichi lösige wäred vorallem guet aber wüsst nix... müemmer de glump jetzt no is usland verkaufe und mitde spedition abschicke? Dank de schwiiz ihrer europa politik isc das leider nid so ohni witeres möglich. scheiss zoll..

ach isch doch alles blöd, chum klönemer zäme e rundi..

[Rtron]

Ich ha s Gfühl de schwiizer Märt für das isch eifach z chli und gsättiget. Miini Platine wott ja au niemert chaufe...

[sirarthur]

Für viil isch sicher de Platz es Problem...usserdem werded die Lüüt wo sich überhaupt no a Arcades erinnere chönd immer weniger. D'Hey Days vo Arcade i de Schwiz isch miner meinig nah i de 90er bis evtl. no Afang 2000er Jahr gsi. Es hätt meh Arcades gäh, nachem Verbot vo de Glückspielautomate, dänn händ viel umgsattlet uf Videospiel Arcade und es isch dänn ab 16i gsii (in Züri Quantas, Niederdorf Spielsalon, Liechtenstein, später Gametown etc., es hätt aber überall e chli öppis gha). A das erinneret mer sich, wänn mer hütt so zw. 45-55i isch, vieli wo jünger sind, känned das nöd und was nöd kännsch, vermissisch au nöd, ergo isch de Markt für so Züüg i de CH sehr chlii. Dedicated Cabs (Racer, Lightgun, Musik) sind halt extrem gross, schwierig zum tranportiere und ufstelle. Dezu chunnt, dass die Chäschte durs Alter, au eher e Reparatur bruched. Usserdem isch d'Emulation vo de Games immer besser worde, du chasch hütt (MAME, Teknoparrot etc.) praktisch alli Arcade Games vo 1970 bis ca. 2018 uf em PC game. Under anderem führt das zu dere absurde Situation, dass Cabs wo mal zig Tuusigi Franke kostet händ, hütt au für es paar hundert Franke nöd weg ghönd. Chli anderscht gseht's ja bi de Candy Cabs us...

[turntablism]

Es gibt halt nöd so vill Freaks und die Generation wo mit Arcade ufgwachse isch wird au älter.
De eint oder ander hät en Chaschte und spillt verschideni Platine / Games.
De Platz hät au nöd jedde zum en Twin Racer ufstelle. Di ganz Transportgschicht isch halt au immer müehsam well die Metallmaschine sind ja nöd grad liecht.
Denn musch technich no begabt si zum repariere. Sind ja meischtens teildefekt.
Wenn s Wetter schön isch, gangi natürli au lieber us em Huus als dihei game. Winterziit isch denn aber scho bitz meh gameziit.

Edit: genau wie de Sirathur seid obe.

[Rtron]

De Platz isch sicher au es Argument. Gsehni au bi mir.
Bim Offroad Challange vom Gianluca hani eifach s Gfühl, das wänn mer sich sones riese Teil zue tuet, wett mer meh als nur eis Game chöne zocke. So gahts zumindest mir. Drum chömet bi mir nur Universal Cabs (Candys) in Frag.

[shanki91]

Ich glaub ich inserier mini käste jetzt mal uf ebay-kleinanzeigen in Lindau, immerhin sinds ja nur ca 40 min vo Lindau bis zu mir. Strecki isch au zuemuetbar ohni Vignette wennme bitz geduld. Wenns nid allzwiit wäg isch chani de glump ja au bringe..

gsehni mal obs würkli so schlimm isch mitde dütsche mit luter nochrichte a la "waslezdebrais??????" oder "geben 5 euro"..
Vllt bringts ja was.. willhaben.at gitz ja auna, chönti ja au usschribe in feldkirch...

mal luege.. Vllt ja au e idee für d freakers, de scheiss eifach in frankrich no usschribe..

[meyerli]

De Gianluca isch aber es Stuck wit au selber gschuld. Er isch nöd grad de zueverlässigst Aracade Lieferer. Chaufe bi ihm eigentlich nur na wasi grad mues ha und er günstig im Agebot het, und er per Post liferet.

[Rtron]

Das mitem Liefere chani nöd beurteile. Aber wäner sones Teil füren Lappe lieferet, isch das ja halbe Gratis.
Da hätti au chli Geduld

[meyerli]

Bi mir heter ebe gar nöd gliferet, da macht de Pris au ken Unterschied me

Aber 100 für Lieferig isch scho günstig. VSA het das au mal so abote gha.

[Rtron]

Ok, dänn verstahni din Ärger
Und das isch natürli nöd grad förderlich für ihn (siini Verchäuf) wäners grossartig abütet und dänn glich nöd macht.

[m.o.terra kaesi]

es esch scho gseid worde, ech gsehs au so:
1. Grossi ond technisch ahsprüchsvolli Cabs wott niemert (meh) dihei ha: kä Platz, Chind, musch druuscho, chasch hött zo tags besser/platzsparender emuliere (ps5/steering wheels) ond dä no mit besserer Grafx.
2. Mir sterbid Uus bzw. händ ander Theme.
3. Wenn schon, dänn es Candy.

[meyerli]

es esch scho gseid worde, ech gsehs au so:
1. Grossi ond technisch ahsprüchsvolli Cabs wott niemert (meh) dihei ha: kä Platz, Chind, musch druuscho, chasch hött zo tags besser/platzsparender emuliere (ps5/steering wheels) ond dä no mit besserer Grafx.
2. Mir sterbid Uus bzw. händ ander Theme.
3. Wenn schon, dänn es Candy.

Arcade God

Isch scho so das Arcades zimli Platz bruched, aber Lüt wo mehreri Autos hend bruched na meh Platz. Chunt halt au immer druf a wie wichtig eim es Hobby isch und wivil mer defür au will / chan investiere.

Mir persönlich gahts bi de Cabs nöd nur ums reine spile, ich schrube au sehr gern dra ume. Egal ob mer was chan verbessere, anderi Spile druf spile oder was flicke.

[calanda]

- Platz
- Know How zum flicke
- Zit
- Wenn was chaufsch und wiederverchaufe wilsch kriegsch no en scheiss defür
- Mame Cabs sind lässiger

[shanki91]

Ich ha s Gfühl de schwiizer Märt für das isch eifach z chli und gsättiget. Miini Platine wott ja au niemert chaufe...

DAS! Ihr händ alli recht mit eurne begründige wieso sich de otto normal mensch keis cab holt. Aber s ding isch eifach s sind ja immer öppe die gliche wo uf die käste büted.. langsam glaubi halt eifach jede hät sini rüüm scho voll und gröschteteil händ auscho alli ungefähr die games wos wänd oder guet findend..

die einzig lösig wär wenn neui lüt id szene chömed..

[m.o.terra kaesi]

Wenns de Isou vo Ricardo mol botzt oder er sin Shizzle i däne Fabrikhallene ufgiht, gitz dä of ei Schlag wieder 200 Automate im Umlauf
Dä werdid dPriise no meh abecho.

[Kretinou]

[calanda]

Wenns de Isou vo Ricardo mol botzt oder er sin Shizzle i däne Fabrikhallene ufgiht, gitz dä of ei Schlag wieder 200 Automate im Umlauf
Dä werdid dPriise no meh abecho.

de het au tots kapital bi sich ussert flipper und vereinzelti arcades. aber sini 700 naomi chasch chüble

[shanki91]

bim iosu ischs ja sogar no bitterer, so wieni ghört han hättr ja selber garkei geld.. fründin isch die mitm geld und gitm jede monet es sackgeld.. wenn die ihm mal kündet ischr au am arsch mit sim glump

[shanki91]

aber isch scho die ander frog..scholang nüm de isou uf irgedwas büte gseh.. no alles ok bi ihm? immerhin hätr früener ja uf fasct alles no bote selbst wenns nurno schrott gsi isch wome sich hät müsse froge was er überhaupt na dermit will..

[m.o.terra kaesi]

fründin isch die mitm geld und gitm jede monet es sackgeld.. wenn die ihm mal kündet ischr au am arsch mit sim glump

No besser: De wird de Plunder umso schneller und billiger under dLüüt cho!

[shanki91]

Bi mir heter ebe gar nöd gliferet, da macht de Pris au ken Unterschied me

Aber 100 für Lieferig isch scho günstig. VSA het das au mal so abote gha.

also han mitm gianluca immer gueti erfahrige gmacht.. hätmr au immerno gueti deals nebed de auktione er abote und hätmr au gseit wenni was gsehn sölli zerschr schribe den gitz rabatt.. glieferet hätr immer mengmal sogar komplett gratis.. bi mir farter halt so oder so dure egal wonr hi muss id schwiiz...

[Rtron]

aber isch scho die ander frog..scholang nüm de isou uf irgedwas büte gseh.. no alles ok bi ihm? immerhin hätr früener ja uf fasct alles no bote selbst wenns nurno schrott gsi isch wome sich hät müsse froge was er überhaupt na dermit will..

Sin "Isou" Account isch gsperrt worde. Er hät diversi Accounts. Er isch ebe alles andere als en zueverlässige Handelspartner. Plötzli zahlter eifach nöd. Oder wott hinder her no öppis am Priis mache. Drum bhalt ich s Zügs fäng lieber oder schmeisses furt als ihm z verchaufe...

[Marco_in_motion]

Und wiä gsehts mit Bartops uus?

[geosnow]

Ich nimme gern es paar Egrets für 350.

[m.o.terra kaesi]

Ich nimme gern es paar Egrets für 350.

Du besch offebar te Typ Mensch wo Text nor "überflüügt" (wie de Trump)