Hesch müese online tombola mache wills erst grad eröffnet worde isch. zum glück hämer en slot gwunne und sind ide erste wuche nach eröffnig gsi.
Bim igang hets mir grad mal abglöscht. Hesch Scanner moderner als bim flughafe. Alles gepäck wird durchlüüchtet. flüssigkeite analisiert. denn hends per ID/Pass welä überprüfe ob würklich die person bisch, wo online en slot buechet het. für min 1.5 jahre alte sohn händs en ID welä gseh. han ihne gseit, sie söllet nöd spinne
nachdem ich mich fürchterlich ufgregt han ischs denn endlich losgange. es hät locker in form vo GB modul. Genial. Tolledeckel im nintendo design, platte als coins, gumbas und cos. verleit wo erst bim zweite blick checksch. när isch zerst wieder astah und dir erklärige zum coin system alose. dazu nachher meh.
1. stock isch usstellig über d nintendo produkte gschicht, vo hanafuda (es japanischs spielcharte spiel) bis all konsole alles wunderschön usgstellt. fotene leider verbote. es het vo jedere konsole d limited editions, d spiel mit OVP in PAL, NTSC-U/C und NTSC-J in vitrine usgstellt. Bildschirm drüber wo d spiel zeiget. wenn une anestahsch lauft de ton. sehr guet gmacht, wunderschön designed. und ha gar nid gewüsst, dass nintendo wege mal en chinderwage gmacht het
när is EG, wo chasch vo NES bis weiss ich was zocke (schiins emuliert
). für das bruchsch coins. hesch 10 coins ufere charte. je nach station choschtets 1 bis 4 coins. da mit familie unterwegs und überall muesch astah hani nume zwei sache gmacht. zapper uf liinwandschüsse. all gschlisse hani und podestplatz gholt. när mit überdimensionalem snes controller es super mario z zweite gspielt, öpper stüürig, öpper jump. recht luschtig gsi. het au sotig für NES, Wii remote & balance board sowie N64. susch hets no geh so beamer gschichte wo mit em schatte vo dine hand chasch game and watch spiele. und so zimmer wo mit bese, baseball bat usw. bälle umeschüssisch. wenns was treffed, gits e interaktion so wie bi dene zielschiebe wo meh us europapark und co kennt, wo denn en ton chunt, wasser usesprützt oder sich was bewegt. sehr originell gmacht. denn chunt no de shop. goodies im verglich zu de stores aber eher lausig. vo jedere konsole gits tshirts, tasse, kugelschrieber, pins und co. aber het mi nüt wirklich interessiert und s erst mal imne nintendo store nix kauft.
dusse hets när es hamburger resti gha, wo de burger chasch selber zemestelle. nix mit nintendo, obwohl uf dem gländ. schad, das isch im USJ düütlich besser, wo s esse als 1up pilz oder s dessert wie es power up us kirby daher chunt.
insgesamt isch de idruck eher ernüchternd gsi. d usstellig zwar mega schön, d interaktione eigentlich au guet, wobi halt immer lang astah muesch. het aber irgendwie meh erwartet im verglich zu USJ und nintendo store.