Tami - Ricardo isch sooooo scheisse.....

[agestuffer]

Bin ja siit bald 3 Jahr fast 0 meh aktiv uf Ricardo. Isch demfall immer no scheisse. haha... Huerä Saftlade

[agestuffer]

Schnell de Chat Bot gfragt:

Ja, MoneyGuard wird in Zukunft zu einem festen Bestandteil von Ricardo und wird schrittweise auf alle Verkäufer ausgeweitet.

Aktuell kannst du MoneyGuard noch deaktivieren, indem du uns über unser Kontaktformular kontaktierst: Kontaktformular. Bitte teile uns mit, weshalb du MoneyGuard nicht nutzen möchtest.

Wenn du weitere Fragen hast, lass es mich wissen!

[rebornkid]

Ja han ricardo jetzt agschriebe, mal luege was retour chunt. Aso dem stimmi sicher nöd zue, die ganzi Zahligsabwicklig lauft de über e Bude in Amsterdam.
De machi halt uf Tutti und Facebook Marktplatz wiiter...

[rebornkid]

Bin ja siit bald 3 Jahr fast 0 meh aktiv uf Ricardo. Isch demfall immer no scheisse. haha... Huerä Saftlade

Wo verchaufsch den du din Stuff? Tutti? Facebook? Anderi Plattform?

[agestuffer]

Hami nonig demi uusenandgsetzt. Choschte tuets denn nütt? Oder muessmer grad nochmal es paar % ade Money Guard abdrücke?

[rebornkid]

Hami nonig demi uusenandgsetzt. Choschte tuets denn nütt? Oder muessmer grad nochmal es paar % ade Money Guard abdrücke?

Nei, chostet nix, aber sGeld wird blockiert bis de Chäufer seit, de Artikel isch acho bzw. au prüeft und es passt alles. Wenn er sok, git, wird sGeld erst frei ghä. Wenn nöd, wird über dPlattform ricardo e Lösig gsuecht. Betrifft wie gseit nur dPäckli, aber will ich selte Päckli han, wot ich dem nöd zuestimme.

[agestuffer]

Und was senn de Chäufer das Gäld friighit versiift und versiift und versifft... Wartisch ewig... einmal meh en Sautummi enttscheidig... ad Verkäufer wird nid dänkt.. Ali Aenderigi sind immer fürd Chäufer dänkt....

[rebornkid]

Und was senn de Chäufer das Gäld friighit versiift und versiift und versifft... Wartisch ewig... einmal meh en Sautummi enttscheidig... ad Verkäufer wird nid dänkt.. Ali Aenderigi sind immer fürd Chäufer dänkt....

Anschiinend gits Friste, wenn die Ablaufet wirds automatisch usglöst...
Aber ebe, da chan en Chäufer es Päckli becho, ufmache, mal luege und teste, was ustusche, kei Ahnig, und de säge am Schluss, es fehlt was...

[Doraemon]

I ha dä Moneyguard Shit o müesse akzeptiere scho vor paar Monat und ab und zue louft jetz e Verkauf über das. Isch die glichi Bude vo Amsterdam wo o für ebay d Zahligsabwicklig macht. Bis jetzt isch aber immer aus guet gange sowohl bi Ricardo als auch bi Ebay. Blibe aber witerhin skeptisch. Bi de Päckli bechunnsch ja es Adresslabel vo Ricardo wo ds Porto scho inbegriffe isch. Und wenn igs richtig versta längt der Liefernachweis vor Post när zum ds Geld uslöse, sofern der Käufer nüt meldet. Holz alänge und hoffe dass es funktioniert. So sehr dass Ricardo immer wie me nervt, isches aber glich immer no die besti Plattform mit der gröschte CH-Reichweite und am wenigste Gliir ggü. Tutti oder FB-Marketplace.

[rebornkid]

Anschiinend het en Kolleg wo au viel über ricardo verchauft, gschriebe und sie hend ihm sMoney Guard deaktiviert.
Mal luege wies bi mir reagieret.

[Doraemon]

Ok das tönt guet, gib de süsch bscheid was sie säge wüu de machis je nachdäm när o.

[Rtron]

Und was senn de Chäufer das Gäld friighit versiift und versiift und versifft... Wartisch ewig... einmal meh en Sautummi enttscheidig... ad Verkäufer wird nid dänkt.. Ali Aenderigi sind immer fürd Chäufer dänkt....

Ich finds jetz us Sicht vom Chäufer au nöd so toll. Will wänn de Money Guard Brunz bimene spezifische Artikel aktiviert isch, zahlt de Chäufer d Gebühre. Und die sind nöd mal detailliert festghalte. S heisst nume:
"Die MoneyGuard-Gebühren variieren je nach dem Preis des Artikels (ohne Versandkosten) und betragen mindestens CHF 0,50."

Aso Willkür?

Zudem chunt, das ich als Chäufer nöd entscheide chan, öbi das wett oder nöd.
De Priis vomene Artikel wird vo usse (aso wänni z.B. irgendine Kategorie gahne) ohni d Money Guard Gebühre azeigt. Die gsehsch dänn, wänn de Artikel aklicksch.

Ha jetz grad öppis agluegt. S Startgebot liit bi 35 Stutz, d Money Guard Gebühre sind namal 1.80. Aso über 5 Prozent. Findi no gsalze...

Ricardo machts clever. Zerst d Istellgebühre abschaffe und eine uf Pestalozzi mache, dänn nah dis nah d Verchaufsprovision masslos erhöche und jetz dörfsch als Chäufer au no abtugge.

Aber s isch natürli nume zum Wohl und zur Sicherheit vo de Chäufer und Verchäufer...

[rebornkid]

Ah krass, us sicht vom Chäufer hani das gar nöd gwüsst, dass det Gebühre für de Scheiss zahlsch.

[sirarthur]

yep, es isch für chäufer und verchäufer scheisse, nur nöd für ricardo, würkli e super idee...überlege mir scho, meh uf tutti aktiv zsii. Wieso gitts eigentlich nebed tutti au no anibis, das isch ja genau s'gliche und vom gliche Unternehme? Oder isch es Ahgebot uf Tutti automatisch au uf anibis?

[Rtron]

Agebot uf Tutti sind nöd automatisch uf Anibis. Das isch vo dem her unabhängig vonenand. Ich nime a, dass die beide Plattforne ursprünglich nüt mitenand ztue gha händ und dänn ufkauft worde sind...

[rebornkid]

Ok das tönt guet, gib de süsch bscheid was sie säge wüu de machis je nachdäm när o.

Han hüt am Morge Rückmeldig becho.
Das jetzt e Übergangsphase isch, hends sis deaktiviert. Bruchi aber 24 Stunde bis es aktiv isch, aktuell isches no aktiv.
Eventuell merket sie das es zviel negativi Ussage git und passets bi dene wo reklamieret a oder es isch würkli so, dass no e bits Gnadefrist bechumsch.
Ich bin definitiv weg vo ricardo, wenn das chunt, suechi anderi Lösig für mich.

[Reinforced]

praktisch wär o gwüssi Sellers eifach ds blockiere ds chönne

[Rtron]

Oder Chäufer...

[rebornkid]

Bim mim Account isch jetzt Money Guard deaktiviert worde. Mal luege wie lang.

[Mr Burzel]

Het öber Erfahrig mit https://zaster.ch/ ?
Gseht nätt us, aber glaubs echli wenig Traffic…

[Rtron]

Mir isch grad no öppis ufgfalle wo ricardo ziemli sicher Geld demit macht:

Siteme Wiili chunsch ja wännd en Artikel verchauft häsch per Mail grad s Adressetikett zum Usdrucke per Mail über. Super Sach eigentli. Adressetikett usdrucke, uf s Päckli chläbe und uf de Post abgeh. D Chöste für de Versand werdet dir dänn uf dim ricardo Konto belastet.
Wänn ich aber s Adressetikett mit Frankatur direkt bi post.ch oder uf de App erstelle, hani 1.50 Online Rabatt.
Aso gahni mal devo us, das ricardo i dem Fall die 1.50 au no isacket. Wänn nöd no meh. Als grossi Firma händ die ja allefalls no en Rabatt bi de Post...

Mir isch völlig klar, dases nienet öppis gratis git und jede für siini Arbet oder Dienstleistig öppis verdiene möcht und au söll. Aber irgendwie findi häts da eifach fäng chli viel Sache woni nöd so in Ordnig finde...

Hät niemert Skills, Luscht und Ziit zum e Alternative zu ricardo z starte?

[ubik]

Hami au scho ufgregt über de huere MoneyGuard.. Instant Twint Zahlig isch ja cool, aber susch.. Was chasch mache (bis jetzt zumindescht), dich uf gewerbliche Verchäufer umstelle, det gits das sowiit ich weiss nöd. Obs spöter au no chunt, kei Ahnig.

[rebornkid]

Aja, klang heimlich sind jetzt dGebühre vo 11% uf 12% erhöht worde…
Echt krass…

[Rtron]

Ganz toll...

Immerhin chamer jetz als Chäufer uf de Money Guard Brunz verzichte, wänn mer das möcht.

[Mr. Heli]

Mir isch grad no öppis ufgfalle wo ricardo ziemli sicher Geld demit macht:

Siteme Wiili chunsch ja wännd en Artikel verchauft häsch per Mail grad s Adressetikett zum Usdrucke per Mail über. Super Sach eigentli. Adressetikett usdrucke, uf s Päckli chläbe und uf de Post abgeh. D Chöste für de Versand werdet dir dänn uf dim ricardo Konto belastet.
Wänn ich aber s Adressetikett mit Frankatur direkt bi post.ch oder uf de App erstelle, hani 1.50 Online Rabatt.
Aso gahni mal devo us, das ricardo i dem Fall die 1.50 au no isacket. Wänn nöd no meh. Als grossi Firma händ die ja allefalls no en Rabatt bi de Post...

han jez de erst money guard verkauf. das han ich mich au grad fraget. und weiss öper, wenn ich nöd s adresslabel vo ricardo nime, obs mir trotzdem gönd go 8.50 vom zruggbhaltene verkaufspries gönd go abzieh?