Brättspiel

[Buccaneer]

Letschtmal bim Genosse s Cascadia gspiel. Hüere güet Spieli. Goofe chönnds au spiele.

Ab und zue es malefitz chan au guet abgah.
Und immer chli dezue trinke.

Was gitts no so? Chillig, nid z komplex und für erwachsni u chind geignet?

[zeromeier]

Ich han Spiel des Lebens 2 online uf de box gspielt,super

[Reinforced]

[Buccaneer]

Die Siedler von Catan chunnt mir no in Sinn. Hani früehner au öfters mal gspielt.


U de gitts no Risiko, aber das isch mir zu asträngend und gwüss Lüt rasted bi so Spieli immer us lol

[meyerli]

Das hani gliebt gha

I de Familie spiled mer gern mal na es UNO oder Ligretto. Aber hesch halt kes Brätt

[turntablism]

[Buccaneer]

UNO und Ligretto sind super.
Und au das DRS3 Spieli mit de Buechstabe wo amigs im Radio chunnt findi geil. Aber das darf i nüm spiele...

[meyerli]

Was hesch agstellt?

[Buccaneer]

Bin z guet. I dem Spiel zerstör i alles und jede und zwar so extrem, dass nachher alli verruckt sind und dezue ane sich dumm vorchömed.
Viel hends Gfühl bi dem Spiel gwünnt de wo am lütischte lärm oder zerst s Wort afaht säge und so...
Alles hani zerberstled und mir a dene Abige nid gad viel Fründe gmacht lol. Drum spiel i das eigentli nüm und mache nur de Schiedsrichter. Muss mir nix bewise und wett ja nid, dass sich die andere dumm fühled. lol