Welchen Film oder welche Serie hast du gerade gesehen?

[Kretinou]

Don't Move : 7.5/10 sehr cooles Konzept/Story/Survival

Distant : 7/10 Action, Monsters, Low Budget, Humor, popcorn

[Master(G)]

The Substance

ich am Afang so:

"Hossaho coole 80er jahre Style!"

"Oh krass, die zeiget sich sogar beid komplett nackt!?"

"Ah, geil, das erinneret mich a das Music Video zu Call on Me vom Eric Prydz!" ....


... und später denn so: "W.T.F. isch das für en chranke Scheiss!!??"


8/10

mit Sicherheit eine vode merkwürdigste Film wo ich ide letschte Jahr gseh han! Aber guet, jup!

Margaret Qualley

[turntablism]

Terrifier 3
Ziemlich derbi szenene. Isch halbe chötzelig worde.

[abyss]

Hmmm, geit doch nume uns provoziere das Ganze. Dä hett null Charisa, Story chum vorhande. Nume vo eire Metzelszene zur negschte… Naja, wems gefällt. Dusch Szene isch Ultralkränk…

[abyss]

Bi mou gspannt uf Gladiator 2…

[grappagott]

monkey man

john wick uf indisch

6/10

[Master(G)]

The Continental (Mini-Series / 3-Teil à ca. 1.5 Std. / Amazon)

Vorgschicht zum "John Wick Hotel". Mit em Mel Gibson
Weisch was? De hett mir besser gfalle als de letscht John Wick Movie!

8/10

[zeromeier]

Don't move, no underhaltsam gsii 6/10

[OlDirty]

Vor dem Film war ich noch so . Nach dem Film etwa so

4/10 würd ich sagen

Wär de Film i de 80er use cho wär er sicher super gsi aber hützutags nei sorry. De look vomene 80er Johr movie (für das gits no en Punkt das mer das hützutags no anebringt das so scheisse usgseht) und ebe leider au d'Splattereffekt eifach nur billig. Alles wirkt wie Plastik oder Knett. Halt wie imene billige B-Movie. Spannig gleich null, nöd gruslig und durch die billige Effekt für mi nöd mol würkli eklick oder grusig. Vll bini jo aber inzwüsche eifach nur au zabhärtet durch dBüecher woni am lese bin. Do gits' sottig die haued 10x meh ine als so was.

[Kretinou]

The Substance : humm ja heeeee, moment mal ...



Pfilm isch so seltsam wie ein Produktion von D. Cronenberg. Aber ja, titties, techno, horror (ending omg ), 80's, Dennis Quaid (grossartig), sex-erotik-Filmästhetik, usw.

8/10

[The Sheep]

Terrifier 3 (6.5/10)

Im dritte Alauf hanis gschafft de Film bis zum Ändi zluege.

Weiss nit so rächt wie ich das Wärk söll iordne. Stimming und Gore empfindi ebefalls zimlich 80ies Style. Aber im positive Sinn. Vom Gore här wirkt är wie eine vo dene damals vode Medie so verteuflete Italo Horror Film, aber Terrifier 3 het gfühlt x10 mehr Gore.
d'Story hani aber saudoof gfunde. Da sind sälbscht am Fulci sini wohrschinlich traumbasierte Plots, wo oft au kei logische Sinn gmacht händ no besser gseh.

Blibt en extrem gorige Horrorfilm wo, miner Meinig noch nur eins möcht: schockiere. Chanmer guet vorstelle dass s'einte oder andere GenZ Schneeflöckli mit Würgereiz usem Kino gstürmt isch, wie das in de Zitige dargschtellt worde isch. Mi erstuhnt dasses de Streife überhaupt ins Kino gschafft het.

[Unseen]

Black Rain (9/10)

Mit Michael Douglas und Andy Garcia, dirigiert vom Ridley und mit Musik vom Hans Zimmer. Brillianti Kinounterhaltig usere Zit wo Hollywood no nahezu perfekt gseh isch.

Sogar 10/10. Perfekte Film, die Afangssequenz met'em Töff öber Brögg, Soundtrack, genial.
Denne ou de Schluss met dere Musik, e Troum.

We meischtens chörzlech nor Filme vo früener glueget we Falling Down, Coma, Vier im rasenden Sarg oder Midnight Express. Alles Meischterwärch.

[cartman]

nachdem ich mich damals nach zwei folge gweigeret han, MASTERS OF THE UNIVERSE: REVELATION wiiterzluege (bin riisefan vude marke), hanis jetzt mal eifach duregskipped. hauptsächlich stört mich lesbehaarschnitt-michellerodriguez-gedächtnissfrässi-teela. sonen unsympathische hauptcharakter. ide letschte episode wirds de wieder besser wenn de he-man und de skeletor wieder zrugg sind. wiiter gohts mit REVOLUTION und da hanis am afang na interessant gfunde - under vorbehalt will de kiffin smith het eifach es paar grundsätlich behinderti entscheidige troffe. das jetzt all wüssed wer de adam würklich isch, macht null sinn. sgheimnis het sini liebschte gschützt und es het verhinderet, dass jede lump wos schwert mal id händ bechunt, sich is stärkschte wese vum universum chan verwandle.

wiiterhin scheisse isch halt teela. jetzt als zauberin entscheidet sii als supergirlboss eifach mal, dass sie nüm will an grayskull bunde sii und quasi allmächtig isch. super, will de he-man brücht sie eso eigentlich gar nüm. und natürlich wird sie im verlauf vur staffle na mächtiger und isch meh oder weniger wied evil-lyn am endi vu REVELATION - eifach in guet. modern hollywood halt.

danimatione findi würklich glunge, am endi isches aber halt e wiiteri feminazi-show mit derart vielne charaktervariatione in 100 minute, dass sich mattel für die nöchschti ziit es goldig näsli ab üs dumme sammler chan verdiene. tja

[Vyse]

Apocalypse Z: The Beginning of the End 6.5/10

Isch ganz underhaltsam gsi, eigentlich sogar ah dä Schwelle zumene en guete Film, was miini Ahsprüch ahbelangt. Hät mier persönlich au gfalle, dass en stärchere Fokus uufs Zwüschemänschliche grichtet isch als uuf Zombie-Splatter und Action. sBüsi hät natürli viel Sympathiepünkt ghollt.

[zeromeier]

Hüt de hai im kolosseum go luege, erwarte mal eifach NIX

[Vyse]

Letscht Folg vom Pinguin.

Serie und vor allem dCharaktere sind uuhuere guet gschriebe und definiert. Scho iidrücklich, wie irrelevant eigentli dä Plot wird, wänn dCharaktere so meischterhaft uusgarbeitet sind.

[zeromeier]

Hüt de hai im kolosseum go luege, erwarte mal eifach NIX

Gröscht Scheiss, e Attacke uf mini Intelligänz, de ganz Film isch e komplett schwachsinnigi Kopie vom erschte. Vermuetlich de schlächtischt Film woni je im Zämehang mitm alte Rom gseh han. Hanebüchen was da passiert und unfassbar dass de Abfall uf es 7 vo 10 chund bi imdb, zeigt d wie d Mänschheit komplett verblödet, verruckt.

[Master(G)]

apropos "Rom":

Those about to die (Serie - Amazon)

Hett au Gladiatore-Kämpf, Chariot-Ränne, Sex und Intrige. OK, CGI isch mängisch miserabel, aber es isch durchuus spannend verzellt und hett au paar gueti Charaktere wie ich finde. Season 1 gibi darum es 6.5/10. (vermuetlich besser als de Gladiator 2)

[abyss]

Dr gröscht Witz isch ja, vo wemm dr Lucius söu abstamme…

[The Sheep]

The Substance (5/10)

Die Story isch für mi nit mol im Asatz plausibel gseh. Wär würd e jüngers ich wele erschaffe, wo e komplett eigeni Person isch und mer nit mol weiss was sie macht?? Spöteschtens nachem verhunzte Dume hätt sie's müesse beände. Und der Schluss Was hätt das sölle wärde? e Homage an Carrie, oder Braindead? Do het sich eifach eine wele ustobe mit 2 Hektoliter Bluet.

Da Vinci's Demons [Serie]

Hani vor es paar Tag entdeckt. isch scho es bitz älter Han aber huere Freud dra. Spielt in Floränz im 15.Jhdt, und es goht um de jung Da Vinci, sini Forschige und Erfindige und sini Verstrickige zur damalige Herscherfamilie de Medici. Um Intrige und Kriminalfäll. Het bitz Sherlock Homes und Sleepy Hollow vibes. Isch schön gmacht, aber trotz allem natürlich mehr Hollywood Fantasy, als historisch akkurat. Han erscht 5 Folge gseh, aber bin gspanne wies witergoht.

[Master(G)]

Gundam: Requiem for Vengeance (netflix)

hani super-geil gfunde! mal was anders, us de sicht vo de principality of zeon (also de vo vielne als die "böse" betitlete). sind gar ned so bös. nix isch schwarz-wiis in gundam. super fights! sehr gueti cgi grafik! mängisch so guet, dass es scho fast zum uncanny-valley effekt führt. hoffentlich macheds en zweiti staffle!

8/10

[abyss]

Deadpool vs. Wolverin - Top

[The Sheep]

From [Season 3] (9/10)

Het guet agfange, isch mit der Zit aber flacher worde. Han s'Gfüehl becho, sie verlieret sich in Sidequests. Aber am Schluss hets trotzdäm Sinn ergä. Unds Season Finale isch wtf! Ich liebe Serie wo der Muet het, Gränze z'überschrite.
Season 4 isch bereits bestätigt. (leider erscht im 2026)

[Master(G)]

Tulsa King - Season 2

es hetti bitz früener dörfe fahrt ufnäh. erst ab ep. 5/6 gahts wieder guet ab. insgesamt aber wieder en gueti season gsi. ich finds immer frisch, wie de sly uf de ganzi woki-scheiss pfiift und en sogar mit es paar dialög ad wand stellt freu mi uf season 3, sind ja scho am drehe.

7/10

[turntablism]

Stephen King

Quelle
da ja fasch nüt gschids neus usechunnt, wider am 80's / 90's filmli luege