Stalker 2 - jetzt Xbox und PC exklusiv

[ubik]

Zum Glück gratis im Gamepass, mal luege wie's ufem PC so lauft. Viel guets häd mer ja noni ghört mit all dene Bugs...

ok...

joah, hans geschter so e stund/anderthalb agspielt. nöd so mis.

bugs sind scho rächt abfuck. zweimal sind so anomalies unsichtbar blibe und bin eifach anduurend ghitted worde und ha au nix chöne "träffe". git iwie sowelchi wo unsichtbar chönd werde, aber immer wieder mal füre chömed und mer susch son "schimmer" (predator mässig?) gseht. nach game restart häds denn wieder funktioniert füres ziitli. und performance isch naja mit 3080 und 7800x3d uf high mit dlss so durchschnitt 60, aber öfters drops.

ahja und mouse sens fühlt sich irgendwie au komisch a.

[DeftOne]

Hmm okay, i has irgendwie so in Erinnerig gha das es eher mässig im Coop online gloffe isch und ich's drum abbroche ha. Vilicht isch au eifach s Game für Tonne gsi.

[Master(G)]

uf xbox fühlt sich dstürig wie uf iis ah. huere schwammig. erstuunlich das da eine irgendwo gseid hett: "moll, das isch guet, lömmer so"

[Master(G)]

Hmm okay, i has irgendwie so in Erinnerig gha das es eher mässig im Coop online gloffe isch und ich's drum abbroche ha. Vilicht isch au eifach s Game für Tonne gsi.

absolut. es isch mit abstand s'schlächtischte wolf game. findi au. würkli schlächt isch es aber denn au wieder ned. eifach komplett andersch, sehr repetitiv und darum au eher langwiilig. äbe wills es um de coop modus ume händ müesse designe. immer is gliiche gebiet gah und wieder und wieder und wieder die gliiche gägner abelah, nur zum en chlini side-mission mache, das isch äbe fail. muess aber säge, dass ichs erst letschti im coop gspielt han. weiss ned wies zum start online gloffe isch. wos usecho isch, hanis allei duregspielt und das isch tiptop gsi. wenn nur hauptmissione machsch und uf easy spielsch, isches nach 8 stund au scho dure und de machet au die sponge-gägner ned viel us.
hanem damals 6/10 gäh: https://www.thegnet.org/post/the-g-net- ... youngblood

[ubik]

uf xbox fühlt sich dstürig wie uf iis ah. huere schwammig. erstuunlich das da eine irgendwo gseid hett: "moll, das isch guet, lömmer so"

ja aber so fühlts sich au a mit de muus. wie wenns ultra aggressivs smoothing odersowas hetti

[Vyse]

git iwie sowelchi wo unsichtbar chönd werde, aber immer wieder mal füre chömed und mer susch son "schimmer" (predator mässig?) gseht.

Bloodsuckers, die sind meistens unsichtbar, isch normal aber sind halt super müehsahm zum abknalle. Genau da setzt ebbe au dKritik ah vo Reviewers, dass halt im Kampfsystem und Gameplay kei Entwicklig und Modernisierig passiert isch, z.B. dass dich Melee-mässig wehre chönntsch, wänn dich so en Bloodsucker ahspringt oder suschtigi Erwiiterige und Ergänzige im Gameplay, zum sGanze halt au bitz underhaltsamer und abwächsligsriicher zgstalte.

Was ich mier bitz meh wünsche wür (rein beruhendend uuf Reviews, ohni würkli sGame gspielt zha).

Vo dä Essänz ischs scho immer es langsams Game gsi, wo starch uuf Atmosphäre und Bedachtsamkeit setzt.
Genau das hättets chönne vertüüfe, fascht bitz meh id Subnautica/Survival Horror Richtig gah, z.B. chönne sich Stützpünkt iihrichte, Hüttli und Versteck mit Reparatur- und Upgrade-Werchstatt, Stashes, Individualisierig vo diine "Bases", evtl. es Ressourcesystem etc.

Dänn wiederum schiint er relativ zfriede zsi. Ich games mal ah übers Wocheänd.

Quelle

[Vyse]

Finds es bitzeli "meh", zieht mi nöd würkli inne. Performance isch würkli relativ schlächt, es isch nöd guet optimiert und es isch eifach müehsam. Vl. bin ich eifach nümm so dä Stalker-Gamer und möcht meh flowy Gaming als das. Naja. mal luege, vl. find ich no en Zuegang dezue.

No chli wiiter gspiellt. Es isch eifach es müehsams Spiel. sGameplay hät absolut kein Flow, sOrginal isch genauso gsi aber damals han ichs irgendwie no cool gfunde, hüt find ichs bitz doof. Ständig gahsch druff, die scheiss Mutante nerved extremscht, absolut kei Feedback, wänns ahschüüsisch, wie imene veraltete Retro-FPS uus dä Ahfangs 2000er. Wär würkli ziitgemeäss gsi, dass en Mutant beiiträchtigsch und das visuell in entsprächende Animatione au gsehsch, wänn en ahschüüsisch aber da rännt er eifach wiiter uuf dich zue, au nachdäm es halbs Magazin druffballeret häsch. Ha sGfühl, dä Bloodsucker spawnt eifach unfair hinder dich. Es isch ahsträngend und sGame nervt eifach.

[ubik]

Wenners ufem PC gamed, chönder das id AppData\Local\Stalker2\Saved\Config\WinGDK\GameUserSettings.ini inekopiere. Denn ischs biz besser mit em schwammige stüüre.

Code: Alles auswählen

RawMouseInputEnabled=Enabled
bEnableMouseSmoothing=False
bViewAccelerationEnabled=False

Aber s'Hauptproblem isch FSR Frame Gen, wennd das abstellsch isch de Input lag oder was weiss ich einiges besser. Häsch eifach nur no halb so viel FPS

Ständig gahsch druff, die scheiss Mutante nerved extremscht, absolut kei Feedback, wänns ahschüüsisch, wie imene veraltete Retro-FPS uus dä Ahfangs 2000er. Wär würkli ziitgemeäss gsi, dass en Mutant beiiträchtigsch und das visuell in entsprächende Animatione au gsehsch, wänn en ahschüüsisch aber da rännt er eifach wiiter uuf dich zue, au nachdäm es halbs Magazin druffballeret häsch. Ha sGfühl, dä Bloodsucker spawnt eifach unfair hinder dich. Es isch ahsträngend und sGame nervt eifach.

Häsch rächt, das isch öbbis wo huere nervt, du schüssisch und sie laufed wiiter wie wenn nix wär. Und Bloodsucker, wie scho gseit fu.

[President Evil]

Da en Sammlig vo Mods für Stalker 2 (Performance Verbesserig, Hitpoints halbirig vo Mutante, etc)

https://www.gamestar.de/artikel/stalker ... 23351.html

[Vyse]

Ich dänke, ich spiel sporadisch mal wiiter aber es isch würkli bitz lame. Gameplay mässig händs nüüt, aber absolut gar nüüt wiiterentwickled oder ergänzt. Kei zuesätzlichi RPG-Elemänt für en individualisierte build, kei cooli, neui Gameplay-Loops, sBallere isch wie gseiht absolut veraltet, es isch eigentlich nüüt anders als en visuelle Remaster mit neue Missione und Charaktere. dPräsentation isch bitzli moderner und cinematischer worde, das ischs aber öppe.

Au dGägner KI isch grottig. Ganz bsunders nervt, dass eifach merksch, dass dä PC weiss, wo du genau bisch und balleret dich eifach abe. dNPCs würked nöd, als ob es eiges Verhalte hättet, uus dem en ahregends Stealth-Gameplay entstah chönnt. Sobalds dich registriert, git ne sProgramm dä Befehl: Schüss uuf dKoordinate vom Spieler, au wänns realistischerwiis überhaupt nöt chönnted wüsse, wo du dich uufhaltisch.

sHunger-Durstsystem isch au lächerlich. Ständig muesch was mampfe aber es Wasser hani no nie müesse trinke und wieviel vo dänne Sprütze und Bandage verwände muesch, isch lächerlich.

Generell isch dGrafik au viel zdunkel bzw. dä Kontrascht zw. Innerüüm und dä Uusewält isch viel zhöch.

[Master(G)]

Bloodsucker sind VIEL zschnell im 2... speziell wenn uf Konsole spielsch. Gsehsch nüt, triffsch nüt... Im 1 isch das viel besser gsi.

Gägner spawned au eifach vor dinere Nase noimets, es isch sooo billig chasch zueluege wies aneplopped. KI isch grotteschlächt, in jeglicher hisicht... vom stealth bis zum schüssle. fählende träfferfeedback machts ganze kaputt. es fühlt sich voll billig ah.

sbeschte sind no food-animations, die sind super gamcht, chunsch grad hunger über und es gitt so viel unterschiedlichi.

[Vyse]

Ich bezwiifle au, dass Updates das Game werdet guet maches, will sKonzept an sich, sFundamänt vom Game veraltet isch. Klar chönnts dKI bitzli besser mache, Bugs uusbüggle und dPerformance erhöhe aber das alles änderet nüüt am antiquierte Gameplay an sich.

[Vyse]

Ich han jetzt über 20h druff und langsam findi en Zuegang. sGameplay isch wiiterhin zimli übel aber wird kompensiert duur stärcheri Waffe. dUmgäbig und dAtmosphäre sind wiiterhin sehr guet. Ich games definitiv fertig.

[Reinforced]

150gb wtf... ke platz uf mire m2 ssd für das