Indiana Jones and the Great Circle (vode Wolfenstein Macher!)

[Bejita]

Wird de ä geilä Pro zock!

[Master(G)]

Peilin

geschter bini wieder in en level zrugg um bitzeli "ufzruume" und prompt fehlt mer wieder es item zum wiiter cho, woni ime andere level finde oder chaufe muess! metroidvania .... es gitt so unfassbar viel secrets überall. krass.

[Master(G)]

[abyss]

Där Führrer ist ganz und gar nicht angetan von ihrem Tohuwabohu Dr. Masta!

[abyss]

Quelle

[sidusson]

ja finges o sehr ungerhautsam. weme fan vode aute fiume isch, machts definitiv sehr viu spass. me mueses ou chlei nid so ärnst gseh. dki isch komplett für nüt u es het eh viu ds viu gägner ume, aber wemesech ufs erforsche u rätsulöse ilat, machts würklech sehr viu spass.
gloube aber dasme die open zones eher gäge schluss hät söue deponiere, am afang isches scho gad chli offe u am game häts eher guet ta wens chli linearer wäri um dstory i gang ds bringe..

[Master(G)]

folg eifach nur stur em main-quest und es isch linear es gitt ja "nur" 3 grossi open world level. die restliche sind alli linear.

es empfiehlt sich eh fascht, zerscht mal de main-quest dure zmache. mer bechunt immer wieder neui items wie füürzüüg oder atemgrät womer bide erkundig und für 100% ide andere levels brucht. metroidvania halt... bin i mim sammel- und erkundigs-wahn schon paar ane wand gloffe und ha erstmal d'story müessi wiiter mache. aber ja, die open world level verfüeret halt scho zum umeluge verstahni voll

[Master(G)]

Quelle

[fifi]

Gseht geil us, macht voll a in "film" zschlüpfe.
Häts viel tricky sache wome mues mit de peitsche zeugs träffe zum gaps überwinde, oder anderi tricky jumps uf platforme?

Ha leider höheangst, und ja es sind nur fucking games, glich figgeds mi dummerwiis.
Agfange hets bi halflife i de alien levels, warum au immer..
Bim einte wolfenstein, bi de mission mit de gondle, fuck de controller isch tropfnass gsi.
S'letsche Star Wars game wo ussecho isch, mega druff gfreut.
50min gwartet bis d'räuberei uf de ps4 installed gsi isch, nu zu dem nach 5min ingame merke oh ne, da willi wohl nöd dure.
zelda ufem switch, okay de elefant isch scho gnueg gsi (de rüssel und alles andere dusse), wohni de adler gseh ha, 1 try, cart use und am kolleg retour ghe.
thx!

[Jones]

Häts viel tricky sache wome mues mit de peitsche zeugs träffe zum gaps überwinde, oder anderi tricky jumps uf platforme?

nid würklech bis itz (11h)

[Master(G)]

isch ned so schlimm. gitt glaub nur 1, 2 moment, womer bitz höcher obe isch
schwinge mit de peitsche tuet mer öfters, aber meischt nur über so chlini löcher. au noimets ufe chlätere mit de peitsche, aber sind nur so 4-5 meter alligs...

collectables sind no tricky i dem spiel. für jedi sorte vo collectables gitts en eigeti schatzcharte, bisch nur am hin- und herseckle
in asie gahts sogar sowiit, dass mer zrugg in anderi länder muess, zum sache sueche. crazy.
aber au geil irgendwie.



knapp 40 Stund bini jetzt scho dra. good bang for the buck!

edit: ziemli am schluss gitts en situation, womer SEHR höch obe isch und muess ufe kraxle mit peitsche und so. dette gahts rächt derab!

[Jones]

Ouh geil scho 40h? 1. Durchgang oder sammler-run?

[Master(G)]

immerno im 1. durchgang. ich ha churz vor em showdown "abbroche" und bin jetzt erstmal no uf upgrade- und sammel-tour.

[sidusson]

so ig bi jetz o düre. grosses kino gsi für fäns vom indianer jones. es het scho viu sache womi störe, aber aues i auem isches doch e sehr e guete zock gsi. gueti sidequests mit guete rätsu u gueti story mit guete nazis u super lustigi twists u törns. 8/10

[grappagott]

ich han es masssker in gizeh hinderloh, spielt das e rolle?

[Master(G)]

ich han es masssker in gizeh hinderloh, spielt das e rolle?

nei, die stönd eh all wieder uf, wenn wieder chunsch

[grappagott]

phuu, demfall glück gha!

[Reinforced]

Mis Game vom Jahr 2024 aber ig ha o nid viel aktuells zocket grafisch würklich überwältigend. mini graka lüfter sind z.T. am Ahschlag gsi

spoiler frag/antwort a die wo d story düre zocket hei -> Geits nur mir so oder flacht das ganze gäge Schluss chli ab? Am Afang nurno überwältiget gsi aber so nach 3/4 hets miner meinig chli abgno. Trotzdem GoTY

Jetzt ha ig irgendwie bock uf Wolfenstein. no gar kes fertig gspillt vo dene

[Master(G)]

Jetzt ha ig irgendwie bock uf Wolfenstein. no gar kes fertig gspillt vo dene

waaaaas? sind all super! spiel new order, old blood und new colossus, i dere reihefolg! new blood chasch uss lah, nöd so wichtig

[Vyse]

Sind geil (au wänn es bitzli zu cinematisch für mich). Han mal ahmene Date einere en Screenshot vo miim Panzerhund zeigt. Weiss nümm, ob sie beiidruckt gsi isch aber ich hans toll gfunde

[Master(G)]

Panzer-Hund!

...dahingehend isch "The Old Blood" sbeschte Spiel. Ich find de Teil, au wenns nur als "DLC" ghandlet worde isch, eine vode beschte. Nur scho d'Fahrt is Schloss Wolfenstein und d'Akunft wird ich nie vergässe Plus passt de übernatürlichi Teil halt eifach au perfekt.

[Reinforced]

biz OT aber wemer scho vo Wolfenstein rede de Film dient als Vorlage für die Gamserie sehr empfehlenswert wär uf Classics steit

Where Eagles Dare / Agenten Sterben einsam mitem Clint Eastwood

[Vyse]

Geil, sicher en gute Wiehnachtsfilm zämme mit Die Hard.

[Master(G)]

de hani erst vor paar mönet mal glueget, gnau au wäg em wolfenstein!

[zeromeier]

de Voss, geile Nazi Bösewicht, super gsproche!

fantastischs game, absolute hammer!

Wüki, allgemein Vertonig wältklass (spiel uf dütsch).

Rom au fasch alles gmacht, de box scheiss nöd.