Underrated!

[Master(G)]

In unserer Rubrik «Underrated» (dt. unterschätzt) werfen unsere Redakteure jeweils einen Blick auf ein älteres Spiel, dass in den Augen der Verfasser rückblickend völlig unterschätzt wurde. Tolle Spiele, denen eine Top-Wertung oder kommerzieller Erfolg nicht zuteil wurde, obwohl sie es aus heutiger Sicht verdient hätten.

Diesmal nehmen wir uns The Saboteur von Entwickler Pandemic "zur Brust"

Artikel --> https://www.thegnet.org/post/underrated-the-saboteur

[Master(G)]

geschter de ganz abig wieder gspielt, dasmal PC Version.
Die isch 2024 neu uf Steam und EPIC veröffentlicht worde, isch uncut, hett de Midnight-Show DLC integriert, lauft 4K/60fps.
Fühlt sich fascht wie en Remaster ah. Hett sogar Nazi-Symbol drin.
CHF 9.90

hamer grad müesse chaufe
super spiel.

was gitts no für underrated spiel? bruche no ideä für de nöchscht artikel

[Moff]

han vor paar wuche de film nr42 uf netflix gluegt und denn grad bock uf das game gha und kauft
es isch damals scho hakelig gsi und das het sich ned besseret, aber spielerisch isches immer na super interessant, es git keis anders game womer sich würklich meh wienen saboteur füehlt. vom stil her ischs mitem schwarz wiss ide besetzte zone au absolut einzigartig.

pandemic het vili super spiili gmacht aber ich glaube tatsächlich saboteur gfalltmer am beschte, es hätti uf jede fall es remake ode es sequel verdient, au wennmer hüt leider das design vode fraue sicher nüm bringe chönnt

[Master(G)]

...es hätti uf jede fall es remake ode es sequel verdient, au wennmer hüt leider das design vode fraue sicher nüm bringe chönnt

warum eigentlich ned?
ich mein, mer isch ime bordell.

aber ja, ned mal GTA traut sich sowas no. scho truurig eigentlich. finde na nüt verwerflichs. isch real life.
usserdem isches im Saboteur ja würkli schön gmacht und überhaupt ned verrucht oder so...
sini englisch fründin isch ja scho dazumal en starchi, unabhängigi frau gsi, wo gnau weiss, was si will. Skylar oder wie die gheisse hett. lueg mal wie sie in im prologue hett sitze lah am morge danach

[Moff]

saboteur isch scho recht überspitzt zB mit dene nazi fraue ide latex kostüm, das het mit realismus natürlich nüt me ztue, aber cool findis trotzdem

[Master(G)]

ja FRANZISKA!

ok, das stimmt.
aber handkehrum hett au wolfenstein settig. zumindescht früender gha...

[Master(G)]

NEU UNDERRATED!!

Dasmal gahts um MAD MAX vo Avalanche.
Kriminell underrated i mine Auge!

Läsed min Artikel:
https://www.thegnet.org/post/underrated-mad-max

au 2025 immer no super!

[Buccaneer]

Mad Max hani 3x duregspielt. Cools Game gsi.

[Master(G)]

ich wirde die tage run nummer 3 in alauf näh!
has 1x uf de playsi und 1x uf de xbox dure.
immer wieder en freud bi game-flaute.

scho tragisch, dass mer bis hütt nüt vergliichbars becho händ. ned mal es guets neus mad max game. sitt 10 jahr!

und die explosione! gitts schöneri explosione als i dem spiel!?`glaub ned! ned mal just cause 4 hett so hübschi explosione. und das spiel isch eigentlich ei einzige explosion!

[Buccaneer]

Vor allem, da ja de Max Max Fury Road igschlage isch wie Bombe. Da hett mer ruhig öppis chönne mache.
Zum dritte mal hanis uf em PC mit Cheats gspielt. Aso nur unändlich Ammo zums chli eifacher mache.
Obwohl das Game chli meh Tüfgang hetti chönne bruche, heds doch d Atmosphäre huere guet igfange und so. Das wär ez öppis, wos chönnted es Remaster usehaue. Isch ez doch scho 10 jährig.

[Master(G)]

uf de Xbox laufts via Backwardskompatibilität mit Auto-HDR, FPS-Boost (120!) und Upscaling uf 4K. Fascht wie es Remaster!
Nur Texture dörfet afe bitz schöner si.