Kingdom Come: Deliverance II

[Master(G)]

Single Player
Action RPG
neu uf 2 maps, dopplet so gross

Trailers, Info, Screenshots:
https://www.thegnet.org/post/deep-silve ... verance-ii

[siralos]

Scho das 1 isch riesig gsi, da wärei wohl wieder stunde iche buttere.

Mittelalter sim for the win

[The Sheep]

das isch öbbis für mi

[Master(G)]

Story Trailer:
https://www.thegnet.org/post/kingdom-co ... ry-trailer

[Moff]

mer chan schwul si i dem spiel und es het 1 schwarze npc und d'steam fore sind komplett am duredreie

[Master(G)]

sgame wird glaub würkli guet, mir spielets scho sitt 2 wuche, aso de andy. aber psssst embargo!

[Vyse]

mer chan schwul si i dem spiel und es het 1 schwarze npc und d'steam fore sind komplett am duredreie

Wie sind dänn die zwei Aspäkt integriert iis Gäme? Würkts glaubwürdig verwobe mit em Kontext und em Worldbuilding und häts en Gsamtstimmigkeit im Design oder würkts eher forciert und uufgsetzt?

[Buccaneer]

Obwohl ichs nie wird spiele, wenn i so Züg gseh, bini scho biz begeistered.


Quelle

[Moff]

mer chan schwul si i dem spiel und es het 1 schwarze npc und d'steam fore sind komplett am duredreie

Wie sind dänn die zwei Aspäkt integriert iis Gäme? Würkts glaubwürdig verwobe mit em Kontext und em Worldbuilding und häts en Gsamtstimmigkeit im Design oder würkts eher forciert und uufgsetzt?

d'entwickler bhauptet natürlich das seigs, aber für d'kritiker wird nüt guet genug si

[Moff]

uf steam hends iets de LGBTQ+ tag für spiel ufepushed, es isch jetzt s'nr. 1 LGBTQ+ spil uf steam

[Vyse]

Ich glaube, sProblem isch nöd, dass es nie guet gnueg isch für dKritikier, sondern en Mangel ah Nahvollziehbarkeit für bestimmti Entscheidige.

Was wär dänn en Grund fürs Inkludiere vo dänne Inhält in Bezug zum Gamedesign und dä Güeti vom Gsamtwerch? Wie also chamme sInkludiere vo Inhält (generell, weder uuf Videogames no die zwei spezifische Aspäkt) so begründe, dass es für dä Konsumänt sinnvoll und nahchvollziehbar isch? Sinnvoll, also dWält, dStory, sGameplay, Charakterdesign usw. dichter, stimmiger, glaubwürdiger und riichhaltiger macht?

Die Begründig chann nöd Vielfalt si (au da, generell gemeint). Wänn Vielfalt e Begründig wär, wär sie weder sinnvoll no nahvollziehbar in Bezug uuf Beriicherig vom Werk i siine Gsamtheit. Wärs das, chönnt me eifach no paar Laserwaffe inkludiere, Dinos, paar Ufos und Reptiloide usw. dMängi ah Vielfalt und Details macht e Gschicht oder es Werch nöd substanzvoller oder besser. Es fählt also dNachvollziehbarkeit, wie sInkludiere (oder sUuslah) vo Inhält sWerch verbesseret.

[Master(G)]

post launch content bis endi 2025, trailer:
https://www.thegnet.org/post/post-launc ... h%C3%BCllt

[Master(G)]

euse test isch online:
https://www.thegnet.org/post/the-g-net- ... verance-ii

9/10 !

[The Sheep]

ich bin jetzt grad am Preloade. Freue mi nit wenig

[Moff]

grossartigs spiel, massivi verbesserig gegenüber em erschte

[The Sheep]

Han no rächt Freud a däm crafting Syschtem. Wenns au zimlich nerdig wirkt. Aber da lernsch jo fascht richtig schmiede drbi

[The Sheep]

Titte und vögle... Dialög im Spiel sind so wie ich mir das wünsch

Gast zur Schankmaid: Hast du einen Barsch?
Sie: Wieso?
Er: Dann steck ihn dir doch in den Arsch
Sie: Kaum zu glauben dass du noch unverheiratet bist

[The Sheep]

Was mi bitz stört isch die Inkonsischtänz in de Emotione vo de Dialög. Da wärdet offebar die gliche Samples für unterschiedlichi Situatione verwändet.
Betonige zwüsche zwei Sätz passet mängisch überhaupt nit zäme. Au channs passiere dass als zerscht als guete Fründ begrüesst und bim nächäschte mol aspräche als Bättler beschimpft wirsch.

Ich spiels in tütsch, will ich ime Game wo in Böhme spielt, die tütschi Sproch eifach realistischer find, als die änglischi. Spielts öbber vo euch in änglisch und chann mir sage obs dört au so inkonsischtänt wirkt mit de Betonige?

[Master(G)]

ich has jetzt au kauft und geschter agfange. immersion isch scho next level. wahnsinn wie das usgseht und lauft uf de ps5pro.
spieles uf englisch. ha dütsch probiert. finds aber nur "ok", englisch passt mer besser, nur scho wäg de lippebewegige.

irgendwelchi afänger tipps?

bin erst grad bim alte fraueli ufgwacht und muess etz die liiche im vorhof go verbuddle und paar herbs sammle...

[zeromeier]

Gäld ahüfe und es ross finde isch min plan gsii

[Master(G)]

...und min hund, wo isch min hund? eifach abghaue de seckel!

[The Sheep]

Du meinsch ganz Afang? Eifach dr Quest folge, denn findsch de Hund wieder.

Wenner mol im Kampf abhaut wiler zviel Schleg kassiert het, muesch eifach bitz warte, denn chunter wieder.
Oder wennen mit Befehl heischicksch: chaschen spöter im Gaschthus Zhelejov wieder abhole

[Master(G)]

ja ich bin no gar nienets. no nöd mal ime dörfli gsi. nur ame see und im wald. nackt. waldschrat !
hütt abig gahts wiiter. freu mi scho.

[zeromeier]

Ich han de Hund nie gholt scheiss Köter

[Master(G)]

ich glaub ich warte no bitz mit wiiterspiele. ich han da paar doofi grafik-glitches und sound-stotterer ständig, was mich total us de stimmig risst. ich finds game mega, aber gnau darum hassi so sache umso meh. und sitt ich die dütschi tonspur abeglade han, hani en mix us englisch und dütsch im "background-chatter" vode NPCs

gemäss reddit sind das bekannti problem, wo hoffentlich bald gfixt werdet. und wieder emal muess mer warte mit spiele

am schlimmschte findi würkli das:


all fraue, würkli all, händ de grafik-glitch uf de brust. total schad. us gründ!

aber das sound-stottere isch no viel schlimmer. würkli extrem närvig. chasch nöd gnüsse. immer wenn de controller rumble abgaht, stotteret de sound. bim riite, bime fighte, wenn öppis uf de schultere treisch.... ha erst dänkt sig mis headset.