Welchen Film oder welche Serie hast du gerade gesehen?

[Master(G)]

The Count of Monte Cristo - Mini Series - 8-Teil (Amazon)

super neuverfilmig, viel nöcher am buech als alles vorher. spannend verzellt. aber natürli händs au da wieder an lesbe-szene müesse ibaue, wo so im buech ned vor chunt.

8/10

[thaeye]

nosferatu

8/10 schöni bilder, langsam, aber haet mir guet gfalle. de pornstache chame sicherlich diskutiere abr isch halt vlad the impaler vorbild und so.

[The Sheep]

The Zone of Interest (9/10)

Idrückliche KZ Film über de Auschwitz Kommandant Rudolf Höss und sini Familie, wo ime isyllische Eifamiliehüsli näbem Lager gwohnt händ. Was im Lager passiert, gsesch nit. Aber du hörsches. Der Film schaffts vor allem über dr Ton e sehr beklemmendi Stimmig z'erzüge.

[Reinforced]

The Duellists 7/10

film solala aber visuell top. Gar nüme gwüsst daser vom Ridley Scott isch. Er het sich offebar sehr vo Barry Lyndon la inspiriere bi dem Film.

[The Sheep]

Squid Game S02 (9/10)

überraschend immernosehrguet. Obwohl e zweiti Staffle eigentlich überflüssig gseh wär, isches wieder sehr spannend worde. Und Staffle 3 isch au scho beschlosse.

[Vyse]

Number 24
dMänschheit bruucht meh so Film, wo die unzählige Gschichte und Schicksal vo all dänne Helde uus allne mögliche Länder vom zweite Wältchrieg in Fokus bringt. Han en um Wiite wichtiger und besser gfunde als Zone of Interest, wobii, bi so Film sind Vergliich irgendwie unahbracht, gaht ja nöd um Underhaltig, sondern um Bewusstwerdig.

[Master(G)]

American Primevil (Netflix)

isch Mini-Series. 6 Teil. grad churz dure-binget! sehr geil gsi, was vom beschte von netflix findi. nur die mängisch bitz zittrig kamera hett mi bitz irritiert. aber bildgewaltig, roh, brutal. super.

9/10

[Master(G)]

Severance (Apple TV+)

brainfigg vom feinschte, aber super! hett mir au guet gfalle. zum glück chunt season 2 scho sehr bald. mit dem mega-cliffhänger am ändi hätti unmöglich 2 jahr chöne warte

8/10

Slow Horses (Apple TV+)

Ide wiehnachtsferie Season 3 und grad au no die neu Season 4 glueget.
Season 3 - 6/10
Season 4 - 7/10

immer wieder sehr lustig mit dene dialög vom gary oldman und dem britische humor. spannend isch es au immer. bsunders guet findi a dere serie, dass jedi season nur immer 6 teil hett unds so guet wie kei filler oder leerlauf gitt. immer bam-bam vorwärts. macht laune.

[Master(G)]

Dune Prophecy (Amazon)

spielt 10'000 Jahr vo de Kino-Film und verzellt d'Entstehig vode "Häxe" (Bene Gesserit) und erklärt au bitz, warum de Atreidis- und Harkonnen Clan im Chrieg sind. Hett e bitz GoT-Scharm und isch rächt spannend verzellt. Leider hetts nur 6 Teil. Hätt also gärn no bitz meh gseh, isch nämlich gar ned schlächt gsi. Aber Staffel 2 isch ja scho in Pre-Production...

7/10

[Master(G)]

Star Wars Skeleton Crew (Disney+)

Churz gseid: Goonies meets Star Wars.
Ich has irgendwo gfiired, au wenns ganz klar ane jüngeri Audience grichtet isch.

7/10

[Kretinou]

Churz gseid: Goonies meets Star Wars.

ich bin durchaus dein Meinung.
Ein bisschen enttäuscht von dem unambitionierten Ende und dem sinnlosen Nachkredit.
7/10

[agestuffer]

Gibem Maximal es 5fi... Am Skelton Crew meini... Han immer ghofft es gaht no meh ab... Schad

[calanda]

the 800 8/10 übels gemetzel, chinese wo gege japaner kämpfend
prisoner of war 8/10 ww2 koreaner bi de japaner au sehr guet gsi

[Master(G)]

Nosferatu (Amazon)

düsteri neuverfilmig vom klassiker us de 1920er jahr. sehr nöch am original. mit eme chli andere "dracula". guet isch, dass sie mal was neus probiert händ mit dere alte gamelle. so richtig gfesslet hett er mich aber ned.

6/10

[Vyse]

Nosferatu is Kino go luege. So 7/10

Atmosphärisch und visuell find en grossartig, hät so en richtige Folk Horror Vibe und sDesign vom Orlok findi grossartig. Ändlich wieder mal en richtig bedrohliche Vampir. Storymässig ischs ja bekannt, was mier bitz zviel gsi isch, sind die hüüfige theatralische, fascht scho hysterische Momänt. Ständig isch öpper am schreie und am ummhypere und am ohnmächtig werde oder wasauimmer. Bitz weniger devo hät em Film guet tue.

[thaeye]

find de absolut stylish. de regisseur haet bilder und kamera huere im griff.

[Master(G)]

Anora

Was für ein geile Scheiss isch denn das bitte gsi? Pretty Woman uf Steroide
Ha absolut nix erwartet und denn ALLES becho, wo mer sich in Sache gueti Unterhaltig wünscht.
Gfühlschaos bis äne use, vo extrem luschtig bis dunkel-melancholisch.
Top!


9/10

[Vyse]

find de absolut stylish. de regisseur haet bilder und kamera huere im griff.

Muen siini andere Film nahholle. The Witch hani extrem guet gfunde, ebbefalls visuell überragend. Northmen... mmh, bitzli zu Esogeschwurbel am Ändi aber visuell ebbefalls super. Hät def. im Griff mit dä Kamera.

[The Sheep]

Han gescht "The Lighthouse" vom Eggers gluegt. Gibem es 5/10, will ich so zimlich gar nüt sehenswärts gfunde han a däm Film. Zwei Männer wo sich gegesitig misstraue sind ufere Miniinsle mitme Lüchtturm gfange, besuffe sich und hoffe nit wahnsinnig zwärde. grossartig
Stimmig, Cast und schauspierischi Leischtig isch top gseh. Aber ich han mi zwei Stund lang frogt, was mache die do??

Sunscht kenni nur "The VVitch" vom Eggers, und dä hetmer rächt guet gfalle damals, will är das wo passiert isch, us der Sicht vo dene wo's erläbt händ dargstellt het, ohni in die üblichi Witchcraftfantasy abzdrifte. Isch aber au vom Thema här mehr mis Inträssegebiet. Da isch mini Toleranzschwelle bestimmt höcher gseh als bim Lüchtturm.

[abyss]

Kong x Gozilla oder umgekehrt - Was fürne hirnrissige Scheisse

[turntablism]

Den of Thieves 2
Super mega giga spannend aber es fehlt an Äktschen.
Halbguete Räuberbandi, Mafia, undrcover Cop Film

[The Sheep]

Nosferatu [de neu vom Eggers] (7.5/10)

Schad gseht de Graf Orlok us wie de Vlad Tepes, es halbs Johr nach sinere Beärdigung. Und das Overacting vo sine Dialög isch eifach gruselig
Sit Max Schreck und Kinski verbind ich Nosferatu mit schwarzem Mantel, Glatze, spitzige Ohre und Rattezähn. Ja, chamer natürlich au andersch mache, aber ich bechumm das klassische Bild so schlächt usem Chopf. Ansunschte isches sehr schön inszeniert gseh, mit viel Liebi für alti Architektur und Koschtüm. Schloss Corvin als Dreiort findi super. Mer häts aber scho bitz dütlicher dörfe zeige.

[turntablism]

the 800 8/10 übels gemetzel, chinese wo gege japaner kämpfend

Dä hani au grad gluegt.
Recht derb.

[Master(G)]

Surviving Black Hawk Down (Netflix Doku)

3 x 50 Minute. gueti Doku us beidne blickwinkel; de us rangers und delta force sowie de somali soldate vom aidid. mit interviews mit soldate us beide parteie und sogar em somali kamera-mah, wo vieles uf VHS festghalte hett, wie z.b. de gfangni us heli pilot.

8/10

grad lust becho wieder mal de film zluege. eine vode beschte anit-war-movies of all times.

edit: nöchscht wuche chunt delta force black hawk down kampagne remake use. passt ja grad

[abyss]

Hmmm, sgeit. Gitt besseri Antikriegsfilme.