Welchen Film oder welche Serie hast du gerade gesehen?

[Master(G)]

Ich han grad house of the dragons s2e1 abgstellt nach 10min, unfassbar langwiilig.

schad, es wird ziemlich super!

[Master(G)]

Companion

nüt gwüsst über de film und denn positiv überrascht gsi. gueti twists. lustig. brutal.
nur die szene, wo sie dütsch spricht isch bitz fail gsi, will ja, äbe, no spoilers... aber suscht coole film gsi.

7/10

[President Evil]

Flight Risk (2025)

De Mark Wahlberg mal innere andere Rolle. Ganz unterhaltsam (7/10)

[The Sheep]

Flight Risk (7.5/10)

isch ganz ok gseh

[zeromeier]

Non-Stop mitm Liam Neeson, typische Neeson, i like, 7/10

[Master(G)]

1883 (Paramount+)

Prequel zu 1924 bzw. Yellowstone. Oregon-Trail und die erste Immigrante und ihri Reis nach Montana (wo dänn später de Dutton-Clan ihri Heimat gha hett). Holy moly was für en geili Serie. Gitt nur 1 Season. Wahnsinnig guet gschriebni Charaktere, mega emotional, melancholisch und mängisch fast scho depressiv. En wortwörtlich wilde Ritt ime untamed 'Murica. Historisch akkurat. So macht mer das übrigens, wenn mer en starche wiibliche Charakter will. Perfekt inszeniert das ganze. Gflennt hani es paar mal, krass.

9.5/10


1924 - Season 1 (Paramount+)

Fortzsetzig vo 1883 und Prequel zu Yellowstone. Mit em Harrison Ford und de Helen Mirren. Au senstationell, wenn au ned ganz so guet wie 1883. Aber super-spannend mit mehrere verbundene Story-Sträng. Wieso hani das ned scho vorher entdeckt ??

9/10

(Season 2 und Final-Season hett am 23. Februar agfange, freu mi ufs wiiterluege, warte allerdings no bis all Folge duss sind. Denn im Aschluss chömed die 5 Seasons Yellowstone dra)

[The Sheep]

Finde die ganz Franchise grandios. Schad isch 1883 nur e Miniserie. Han lang ghofft sie würdet no mehr drusmache.

[Master(G)]

Finde die ganz Franchise grandios. Schad isch 1883 nur e Miniserie. Han lang ghofft sie würdet no mehr drusmache.

würkli grandios. aber d'story vo de Elsa isch verzellt und warum und wieso die dutton-ranch dette staht wosi äbe staht. perfekts ändi. au wenni gärn no meh vo de Isabel May gseht hett. und em sam elliot! eifach en geile typ. die stimm!

[zeromeier]

Cassandra, netflix mini-serie, hed eus wunderbar underhalte. s'Ändi isch bitz dumm, aber susch voll empfehlenswert.

[Kretinou]

8/10

Scream style, pop-corn movie.

[Master(G)]

Borderline

Horror-Comedy mit em Sohn vom Jack Nickolson und de Samara Weaving
En Stalker-Psycho bricht is Huus vonere Hollywood-Diva und ihrem Pro-Sportler Fründ ih.
Paar Lacher sinds scho gsi. Brutal isch er aber nöd würkli gsi.

6/10



Apartement 7A

Prequel zu Rosmaries Baby mit de Julia Garner. Eigentlich es ziemlich perfekt Prequel wie ich finde. Sogar de Schluss händ perfekt gmacht mit em Übergang zum alte Film. Alles isch aber e bitz zu schnell gange. De Afang zu lang und de Schluss zu schnell. Aber isch guet gsi.

8/10

[turntablism]

The Killers Game
Ich find de Dave Bautista voll de geil Siech.
Muss wider mal de Stube luege.

[thaeye]

de netflix müll "state irgenwas". so vill geld für chli roboterchöpf.

[Master(G)]

de netflix müll "state irgenwas". so vill geld für chli roboterchöpf.

ich ha de mal uf mini lischte tah... warum wird de so verisse? und warum sind wärtige vo dene wone gseh händ besser als die vo all dene "kritiker" ?

bi mal gspannt. anschienend wänds ja scho teil 2 mache.

[The Sheep]

Adolescence (9.5/10)

4-teiligi britischi Netflix Miniserie über en 13Jährige wo verhaftet wird wäge Mordverdacht. Unglaublich dicht und emotionell, obwohl nur wenig tatsächlich passiert. Mega. Das isch wahri Filmkunscht für mi.

[Vyse]

Cool, chönnt no was si. Kännsch "The night of"? Isch au zimli guet.

So, wie dUK-Polizei sHuus stürmt im Trailer, so gsehts bald uus in Ängland, wänn öppis falsches uuf social media posted häsch.

[Master(G)]

jedi folg isch anschienend en 1-take ganz ohni cuts gsi

[Kretinou]

Demon City 8/10

https://youtu.be/q-djvN7i5us?si=N6NuSNahl3rKQRqd

[The Sheep]

So, wie dUK-Polizei sHuus stürmt im Trailer, so gsehts bald uus in Ängland, wänn öppis falsches uuf social media posted häsch.

ich weiss. han sone Fall uf x gseh. Aber darum gohts hie nit. Ich möcht nüt spoilere. Mi het eifach fasziniert, wie ungwöhnlich die Serie ufbaut isch. Dass sie eim ohni wirklichi Story die Situation emotionell so ans Härz chan lo go und eim am Schluss trotzdäm klar wird, was passiert isch und worum.
Story writing stammt vom Stephen Graham (Boardwalk Empire), dä wo dr Vater vo ihm spielt.

The Night Of hani gseh, aber das isch so lang här, dassi mi nüm chann erinnere um was es gange isch

jedi folg isch anschienend en 1-take ganz ohni cuts gsi

Das chani mir guet vorstelle. Die Serie het e Doku Charakter, und mer chann jedi Folg in es Thema ufteile. Jedes Thema zeigt en eigete Blickwinkel

[Master(G)]

The Electric State (Netflix)

zum Glück nöd ufe Hate im Netz glosed und eifach mal gluegt. Mini Frau und ich händen also no unterhaltsam gfunde. Guete Sunntig Namittag Family Movie. Paar Lacher, gueti Action, netti CGI-Effekt. Tiptop eigentlich.

6/10

[Kretinou]

The Monkey : 7/10

[Master(G)]

SAS Rogue Heroes - Season 1

verzellt dGschicht wie d'britsch SAS entstande isch. rächt ok gsi. au wenn die spezialeffekt wie explosione bitz sub-par usgseh händ. ich glaub sogar smündigsfüür vode knarrene isch CGI gsi. episode 1-3 sind rächt lahm gsi, charakterentwicklig und so. aber die leschte 3 episode sind no guet inecho, wenns denn äntli nazis agriffed und flugis spränget und so. natürli voll mit pathos, klar, aber ja, chriegsfilm halt.

season 2 isch scho in produktion.

gibe season one 6/10

season 2 - episode 1-4 sind scho viel besser als die ganz season 1 findi. jetzt wäg vo nordafrika und uf sizilie in 1943, die erste agriff uf nazi-europa. fühlt sich bitz wie band of brothers ah, wenn au ned ganz mit dem production-value. sind 8 episode, mäld mi de wieder, wenni all gluegt han.

[Kretinou]

The Bondsman (s01) mit de Kevin . Was für ein sch.... 3/10

[Master(G)]

Mickey 17

super idee mit dem human-printing. guete afang, langwiilige mitteilteil und schlächts ändi.
vom regisseur hätti meh erwartet. und de humor mängisch, huere cringe.

5/10

[abyss]

Ja, sehr schaad! Koreaner mache süsch geili Filme eigentlich. Grad am Weekend öpis gseh! Hett mi meggen dünkt.