Subnautica 2

[Vyse]

Eis vo miine absolute Liebnlingsspiel, innerhalb chürzischte Ziit ischs bi mier id Top drüü ever uufgstiege.
Hoffentli macheds es guet. Kei NPCs: nur du und und dä Alienplanet. Nöd zviel Land über Wasser, defüür wiiti und grosszügigi Biom zum erforsche (nöd so iiängend, wie Below Zero) und langsams Tempo, Zen-Game ebbe.
Ich bin skeptisch. Ich glaube kein Momänt drah, dass es dMagie vom erschte Teil jemals wird erreiche aber hoffentli wirds wenigschtens besser als Below Zero.


Quelle

[Buccaneer]

Oh schön.
Subnautica isch mis erste game gsi, woni uf pc gwächsled han. Muss i glaubs mal wieder inehaue.
Leider spiel i so games nie fertig. Verbringe x stunde mit farme, baue, etc u de mag i de irgendwenn nüm.

[Master(G)]

und ich spiel de early access und denn verleidets mir scho so wäg de viele bugs und fehlende inhält, dass ich denn de final release gar nüm alueg. ich weiss ned, early access isch so überhaupt ned mis. no schlimmer als unfertigi spiel ufe markt schmeisse... aber muess sich ja rentiere für die...

[Buccaneer]

Early access findi nid so schlimm, wenns guet gmacht wird und ordeli kommuniziered.
Aber ja, au scho viel zyt im ea verballered und bim release nüm interessiert gsi.

[Vyse]

Han sGlück gha, Subnautica nie uuf early Access gspielt zha, sondern rel. spaht nach em Release imene super Zuestand. Entsprächend wird ich mich hüete vor em early Access im zweite Teil.

Oh schön.
Subnautica isch mis erste game gsi, woni uf pc gwächsled han. Muss i glaubs mal wieder inehaue.
Leider spiel i so games nie fertig. Verbringe x stunde mit farme, baue, etc u de mag i de irgendwenn nüm.

Es isch ebbe nöd "so" es Game. Es isch derart meisterhaft umgsetzt, dass edit: NIE dä Iidruck uufchonnt, dä Hauptbestandteil vom Game säg sFarme. Farming isch derart immersiv und perfäkt integriert, dass es eim i däm Spiel nie verleidet. Du muesch ebbe diin Geischt öffne (Kuato) und dä Fokus uuf dSpielwält legge.
Alles ah däm Spiel isch sooo guet. Es isch mega zen aber wänn natürli es höchers Spieltempo bruuchsch, dänn seihts dier nöd zu.
Und dänn no das Sounddesign im Spiel

[Buccaneer]

Ja, s farme, explore etc isch huere geil gsi. Äbe so geil, das mi d story und s witercho inkl de planet verlah nid interessiert hed. Han x stunde crafted etc... Geil gsi.


Geist und Herzeli voll göffnet gha

[Vyse]

Ebbe, mach sHerzli ganz wiit

Ich han eifach dPrämisse mega guet gfunde.

Einzig läbendig Mänsch inere unbekannte, riesige Alienwält ohni äre einzige, mänschliche NPC-Interaktion. Ha das so gnosse. Jedi einzeln, mänschlich Stimm isch nüüt anders gsi, als e Audiouufnahm vonere Person, wo scho lang vergange isch und niemert isch me übrig, ussert du und inere sältsame Wält.

[Vyse]

Bitte nöd versaue, bitte nöd!
Bitte kei mänschlichi NPCs, kei mega Ambitione und Innovatione, eifach nur es Subnautica im Stil vom erschte Teil. Bitti, bitti
Apropos Disskussione zu UE5, dass immer gliich uusgäch. Das isch au UE5, muesch halt eifach en guete Entwickler ha, wo en Ahnig vo Grafik-Design hät.

Quelle