Hellblade 2

[Jones]

Dazu kommt noch ein audiovisuelles Spektakel, das seines Gleichen sucht

chönnti nid meh zuestimme!

3080er het z'tüe...
spiele in 3440x1440 uf high mit DLSS uf balanced und bi so bi 45-55 fps im schnitt... eigentlech usreichend füre so langsame titel...

[thaeye]

isch glaubs nix, ninja theory haet glaubs 5 jahr gschlafe und s geld vo microsoft verpulveret.

kämpf seget trivialer als im 1, d rätsel au, de endkampf eine vo de dümmste wos je geh haets, gits. und spiel gat irgendswie 5 stund obwohls mal 8 ageh haend

8 stund haet din tester gha? haeter chli umegluegt und isch eis go heble waehrend em spiele?

[Master(G)]

weiss ned

ich hans erst geschter chöne spiele, wie jede ander au. ha agfange ohni grossi erwartige und ha denn bis um mitternacht ohni zigi-pause gspielt, das heisst was hett mi also scho gfesslet. das wäred jetzt 4 stund gsi und ich denk, ich bin so ca. 3/4 fertig, wemmer die "collectables" aluegt... schätze es isch ned länger als 6 stund, wemmer e bitz suecht für de sammelkram evtl. nomal 1 stund länger. es isch aber au i mine auge es riese spektakel und optisch/sound isch abartig guet. es ächt erläbnis. cha sini wertig scho nahvollzieh.

es isch aber eigentlich gnau gliich wie de ersti teil. also wenn das scho ned guet gfunde hesch, muesch es logischerwiis ned spiele.

[Master(G)]

so, bin jetzt dure. ich han 8.5 stund gha. collectables hani ned alli gfunde, obwohl ich eigentlich immer bitz umeglueget han. isch scho es fantastischs erläbnis, au wenns im grund nur en glorifizierte walking simulator isch. künstlerisch und inszenatorisch isches uf allerhöchschtem niveau. island isch en wunderschöni umgäbig und die paar boss-fights sind es highlight, au wenn sich die vom gameplay her identisch agfühlt händ. nur de schluss-kampf hett mich bitz enttüscht. de 2. letscht boss isch es vielfachs idrücklicher gsi. finde d'längi gnau ideal. gnau so "chlini" games dörfts i mine auge wieder viel meh gäh.

ich gibem es 8.5

[Buccaneer]

Walkthrough uf Youtube gaht 5.5 Stund ca 3h devo sind cutscenes... lol Stimmt das?

[Master(G)]

sind viel cutscenes. säb stimmt. mich störts ned. isch alles realtime. chasch jederziit de fotomode inetue und umezoome.

aber 5.5 stund isch ja scho fast en speed-run. da muesch würkli gnau wüsse wo dure und straight ohni abschweife durelaufe... vermuetlich ned sin erste durchgang grad uf yt gstellt.

teil 1 isch ned länger gsi. sind beid öppe gliich lang. weiss ned, was dlüüt erwartet händ.

[Buccaneer]

Bö kei Ahnig. Ha mi nie mit dene Spiel befasst. Tönt eifach chli churz. Usser es chost nur 40.- oder so, denn isch es sicher fair.

[Master(G)]

es isch im gamepass oder 59.-

[Buccaneer]

Gamepass fair. 59 krass.

[Master(G)]

vermuetlich extra bitz höcher agsetzt, zum paar neui gamepass abos zgeneriere

[Vyse]

lol, die Lüüt da inne. Es isch ja gar keis Videogame im eigentliche Sinn. Versteht das Spiel nicht
Wänns so isch, wie dä erscht Teil, dänn ischs meh es Kunstwerch im Gwand vomene Videospiel.

[Buccaneer]

Ja schön. Han ja gschriebe, das mi nid viel demit beschäftigt han.
Aber voll ok wenn du wettsch 60 Flocke locker mache für 2 - 3 h Spielspass und s dir hilft, das Game als Kunstwärch z gseh. Da gids nüt degäge izwände.

[Master(G)]

es sind 7-8 stund

länger als en call of duty kampagne

es muess ned immer en 100 stund open world schinke si

[rebornkid]

Für mich isch das gnau es Game, wo sich vom ganze Einheitsbrei krass abhebt. Da tausch inne völlig anderi Welt i und Gschicht wird grandios verzellt. Teil 1 het mi scho total umghaue...

[Buccaneer]

Hey voll ok. Zum Glück gizz verschiedeni Game für verschiedeni Lüt. Voll divers und so!

[Master(G)]

Voll divers und so!

tubl

[Buccaneer]

Haha aber i dem Kontext stimmts aber scho. Finds guet gitts huere viel verschiedni Games... und das isch ez halt eis, wo überhaupt nid für mich isch. Aber ich freu mit eu, für eu, etc. pp.

[Jones]

es sind 7-8 stund

länger als en call of duty kampagne

es muess ned immer en 100 stund open world schinke si

bi mir zeigts 14h spielzyt a...
aber für mi hets absolut gstumme eso...
audiovisuell gits nüt geilers! d'atmoshpäre hani scho im 1. teil sensationell gfunde.

i chami nur aschliesse. es muess nid immer es 100h+ openworld game si!
dr endboss hani zwar nid eso schwär gfunde aber derfür eifach sensationell insziniert!

jede vo dene 35.-- wert gsi woni zahlt ha!

[Master(G)]

[grappagott]

barrierefrei!

[sidusson]

läck mir isch das e dräck, null gameplay u nume füredrücke u es unendlichs geplappere, durchgehend.. hätte gschidr e fium drusgmacht.. d kämpf si ou komplett eidimensional, 2x uswiche, press x to win... u ja nid ds früeh schlah, schüsch registrierts gar nüt me

u visuel isches jetz ou nid gad ds beste wos je hets gits.. null interaktion mit dr umgäbig, nidemau übernes grössers steinli chasi loufe.. i finges würklech absolut für gar nüt..

[Jones]

u visuel isches jetz ou nid gad ds beste wos je hets gits..

weles gseht besser us?

[sidusson]

u visuel isches jetz ou nid gad ds beste wos je hets gits..

weles gseht besser us?

mario bros 1 zb

[Jones]

Immerhin bisch dir treu...

[Master(G)]

Hellblade II Enhanced im Summer für PS5 mit "aufregenden neuen Features":
https://www.thegnet.org/post/senua-s-sa ... er-auf-ps5