Checkmate 19" IPS Retro Monitor

[rebornkid]

Kennt öper die Displays?

Finds no geil:

https://checkmate1500plus.com

Isch au en Ex Amiga Mitarbeiter debi...

[FarCry]

https://www.youtube.com/watch?v=28CCNh4YYIk
Grad das Video gesehen. Sieht wirklich noch cool aus... allerdings bleibe ich meinen CRTs treu. =)

[rebornkid]

Finde au, es gseht sehr guet us.

[Kretinou]

Hummm , follow

[turntablism]

mal luege wenn en überchume...

[rebornkid]

Hesch jetzt grad bstellt oder scho laenger? Bini aso au mega gspannt.

[rebornkid]

Funktioniert uf dem Lightgun Games? Wohl au nöd, nimmt mal a...

[turntablism]

han en grad vorher direkt vo dim erste post-link / vom hersteller bstellt.
bim dragonbox isch er einiges türer.

[sirarthur]

isch eifach en LCD Screen imene Retroghüüs mit eme Scaler verbaut. 19 Zoll find ich e chli z'chli....die bringet (evtl. irgendwänn) grösseri 4:3 Monitore use, wo dänn au chönntet CRT i Cabs erstetze: https://www.arcooda.com/buy/Arcade-Parts/monitors

[sadoanarcho]

ich bhalt s checkmate display mitem arcooda monitor (trisync) im aug

[sadoanarcho]

han es paar Reviews gluegd. De Bildschirm isch hauptsächlich as Ersatz für Homecomputer - Röhremonitore dänkt, chan aber für ziemli alles brucht werde. 'S Spezielle dra isch s Ghüs, wo uf de Computer druf einigermasse guet usgseht, und die viele, modulare Aschlussmöglichkeite.

d Bildquali und de Input-Lag sind innerhalb vode LCD-Limitierige optimiert. Ich hoff aber no uf es paar Optimierige id Richtig zumene flexible Arcade-Monitor.

[sirarthur]

also ich wär skeptisch...s'Ghüs gseht cool us, so Retro PC Bildschirm halt. De Scaler wo verbaut isch, ich wies im Video säge en GBS-C, dä isch guet für de Priis von ca. 60-80 Chf uf alixpress, meh aber au nöd. Bi de Screens chönnt sichs au um Refurbished PC Monitore handle...alles ok, aber 499 Pounds isch dänn doch en rächte Priis...

[turntablism]

Ich find er gseht retromässig geil us.
Vilicht han i bald meh platz uf em gametisch wenn de neu Checkmate ihzieht

Oder no weniger platz

[turntablism]

Das Wochenende kann kommen !

[rebornkid]

Bin echt gspannt uf dini Rückmeldig! Gisch bitte gli mal es ersts Feedback ab.

[turntablism]

wirdi mache. aber es git ja scho gnueg reviews und die säged scho alles.
er isch relativ schnell mit dhl cho und verzollig und mwst hät no 46.70 kostet.

[rebornkid]

Scho klar, aber ich wot es Review us em Forum use. Am glaubwürdigste...

[turntablism]

chaufed de monitor wenn er vorigs geld und no kein scaler hend.
wenn platz hesch, denn lieber es paar crt's uftische.

ha gmeint es isch eifach en plug and play monitor, aso eifach alles ihstecke und denn mit de fernbedienig umschalte und bild apassige mache..
dem isch nöd ganz so. bin chli überforderet gsi und bis jetzt no zwenig chöne umepröble. han lediglich de amiga und de dreamcast mit ere vga box tschäddere lah und mit dene bini eigentlich positiv überrascht.

es luschtigs feature isch das gbscontrol. mer chan sich zum bispiel mit em handy mit em scaler im monitor verbinde und denn bildahpassige mache. bim amiga hani denn mit de scanlines umepröblet und han s bild recht lässig gfunde. dreamcast vga isch au nice.

ha no churz de super nintendo mit av kabel drahghänkt und das hät verschisse usgseh.

ganz schlecht isch dass powerschalter falsch montiert sind. position on isch off und umgekehrt
denn s chline display vorne mit em drehregler macht au bitz problem, wenn ich nach abe scrolle, springts mängisch wider ufe.

ich bruche no viell ziit mit em checkmate...

[rebornkid]

Aso verstahni dich richtig, dass mer eigentlich für jedi Konsole es Setting macht und denn speicheret?

[turntablism]

ich glaubs ja. aso das chasch zumindest mit em gbscontrol mache.

Quelle

[turntablism]

Pcengine mit em Super HD System3 PRO mit hdmi kabel. Gseht chnusprig us. Castlevania ohni und gradius mit scanlines us em hd system3 pro

[rebornkid]

Gseht doch super us.

Hesch de SNES mit AV mal no besser anebracht?

[turntablism]

nö, di alte konsole mit em av (cinchkabel) muss i no teste.
bim snes bini mi am schlau mache.
de snes isch ja scho rgb oder ? han en mit me rgb scart kabel agschlosse gha aber s bild gseht kacke us. vilicht lits am kabel.
weiss nöd ob ich söll es gamecube kabel näh und kondensatore drus uslöte und am SNES verwende...(irgend sowas hani mal gläse).

es isch ziemlich müehsam mit dene alte konsole und kabel - leidi gschicht.
de ossc zum bispiel chan ja mit av au nüt afange.

für alti konsole ala atari 2600, colecovision etc. isch en crt wohl würklich di besseri wahl.

[rebornkid]

Ja ich sueche halt e Lösig, dassi

MS1
MD1
Saturn
Dreamcast

chan aschlüsse. Han für alli RGB-Kabel.

[turntablism]

wenn alles original konsole willsch über ein monitor laufe isch halt chli kacke. mer hät ja nöd am bildschirm zig scart aschlüss. den müsstisch en switch derzwüsched mache und ob dä denn guet oder schlächti iwürkig uf lag oder bildqualität hät isch denn au no d'frag.

wenn all in one wilsch denn müsstisch fascht zum bispiel dä checkmate monitor und en emulator oder mister fpga zäme verwende.

uf jede fall hani momentan de plausch mit em checkmate. da chani immer was teste und umeprobiere