Suppe-Rezept

[Sylvara]

Ich lieb Suppe, will eifach früsch gmacht und fein.
mis Kürbis-Suppe rezept exclusiv fürs G (zum glück isch saison...) :

Es bruucht:
- Suppegmües mix (zwiebel. knobli, rüebli, sellerie, wirz, lauch)
- halbe mini-kürbis (z.B. hokkaido, geit aber mit fast allem)
- fond
- 1 EL sourcream
- wenig Halbrahm oder Kokosnussmilch
- trockneti Chilli (chlii ghacket)
- Muskat, schwarze Pfeffer, gmahlni Koriandersahme
- (Salz, Rohrzucker)

Alli Gmües öppe viertle und zäme mit ca. 5-6dl Wasser und Fond in Speed-Chochtopf oder süsch normal choche bis weich sind. Denn alles Stabmixe.

E guete schuss Rahm/Kokosmilch derzue, 1 EL sourcream, wenig Chili, Muskat, schwarze Pfeffer, Koriandersame. Nomal wiiter mixe, bis es schön cremig isch.

Nahwürze mit Fond oder Salz falls nötig. Wenn süessi fehlt unds eher süürlich isch, miteme halbe TL Rohrzucker uusgliche. Es flöckli Butter chunnt o ganz guet.

Mit Sourcream und gröstete Kürbiskern garniere, fertig!
Es isch mega eifach - richtig würze isch alles!

[emP]

mis Kürbis-Suppe rezept

obacht, plagiatsjäger si momentan grad au no i andere Affäre uf dr Pirsch! Aber danke füre erscht sinnvoll Bitrag i dem Unterforum sit langem.

[Sylvara]

meinsch dich?
es git nid unendlich viel möglichkeite, logisch. das isch eifach so wie ich's mache und gern ha. i choche selte nach rezept und eher nach gusto und was allgemein passt.
vieli kürbis-suppe sind zudem bitzli fad. MINI isch derfür super

und ds 'grundgrüst' isch vo allne suppe so zimlich ds gliiche.

[Sylvara]

übrigens suech ich no es feins Borscht-Rezept, falls öpper grad eis weis

[Mastler(P)]

mis Kürbis-Suppe rezept exclusiv fürs G

ah die suppe hani grad daenkt wohni dae thread titel glaese ha. dangg!

[lakritz]

übrigens suech ich no es feins Borscht-Rezept, falls öpper grad eis weis

es heisst borschtsch. wichtig!

[Sylvara]

übrigens suech ich no es feins Borscht-Rezept, falls öpper grad eis weis

es heisst borschtsch. wichtig!

wahr.


O sehr feini Suppe:

- Tomatecreme
- Bärlauch
- Erbse

I mach glaub s0ppe das wucheend

[Mastler(P)]

das weeki gitz ungarisch gulasch suppe. liecht scharf.

min grossmami macht en super suppe mit gruene bohne und so. cremigi sach.
ich holl mer male den rezaept. glaubed mer, das woend er probiere.

[lakritz]

min grossmami macht en super suppe mit gruene bohne und so. cremigi sach.

macht sie au pasulj?

das isch übrigens e unfassbar geili "suppe".

[Mastler(P)]

logisch macht sie grah suppe. chunt grad knapp nachm obe erwaehnte sueppli uf platz 2.
so epis geils.

chani eigentlich au na grad mal en rezept inn stelle..

[Sylvara]

wie heisst nomal die fein thai suppe mit kokosmilch und lemongrass, tom ka gai oderso.

[Mastler(P)]

http://en.wikipedia.org/wiki/Tom_kha_gai

[Marco_in_motion]

Ich tuen mängisch versch. Gmües chli choche, dänn Püriere, fleisch-boullion drih und nochli chöcherle lah.
Jenachdem wiäni Lust han nochli rahm drih und natürlich würze mit salz, pfäffer, Muskat und so.

Chasch nix falsch mache und isch hueren guet.

[Sylvara]

Ich tuen mängisch versch. Gmües chli choche, dänn Püriere, fleisch-boullion drih und nochli chöcherle lah.
Jenachdem wiäni Lust han nochli rahm drih und natürlich würze mit salz, pfäffer, Muskat und so.

Chasch nix falsch mache und isch hueren guet.

so isches.

[derinderinderinderin]

nid pürierti Suppene > pürierti Suppene

Suppe

Ig bi gloubs e richtige Suppechaschper

[zwirrlibatz]

http://www.chefkoch.de/rezepte/32635111 ... Suppe.html

[Sylvara]

es isch wieder chürbis-zyt, wiuwiu!!!

schiints wird d'suppe mit Butternut o sehr guet, anstatt Hokkaido. machi die wuche grad.

[emP]

chürzlich hett mini frou en geili chürbiss0ppe gmacht. Ig sueche mal ds rezäpt. So mit es Bitzeli scharf. isch würklich no öppis guets.

[Sylvara]

ich tuen immer bitz chilli drii, isch mehrbesser.
o d'balance zwüsche süüri, süess und salzig isch bi chürbis-suppe enorm wichtig. drum ebe, guet würze und abschmecke

Koriandersame passe o extrem guet drii und maches e bitz raffinierter. i ha e zweiti pfeffermühli für das.
und muskat o immer ab dr nuss drii-raffle!

[zwirrlibatz]

kokossoppene: http://www.chefkoch.de/rs/s0/kokossuppen/Rezepte.html" onclick="window.open(this.href);return false;

[Sylvara]

kokosmilch isch ebe scho unglaublich mega

[zwirrlibatz]

it's da teist of pärädäis.

[Sylvara]

also, feedback vom Butternut -

es isch 'okay' gsi. negst mal nimmi aber wieder dr Hokkaido, ganz klar.
Butternut isch sehr viel sähmiger und süesser, ha also schomal garnüt süesses süsch driitah (rüebli uusglah); trotzdem ischs sehr süess gsi und het o süüri gfehlt.
ha sehr viel nachegsalze und zitronesaft müesse inerüehre. süsch wirds eifach ds schwär.
isch denn aber gliich nid so dr hammer, wenn jenstes muesch nahwürze und dünner mache.

isch sicher e super chürbis für desserts / chueche und het keis kernghüüs.
aber für d'konsistenz vo dr gmüessuppe, salz/süüri-ghalt isch Hokkaido besser!

[Acid]

Ich mach no öpä Suppä mit Butternut, au wener wahrschindlich oft nid für e Suppä dänkt wäri. Ich hans gern.
Allerdings tuen ich den au nid anöhernd so viel anderi Sachä dri wiä du, es isch denn scho vor allem eifach Chürbis.

Mini letscht Chürbis Suppä hed z.B. so usgseh:
-Butternut, jenschtes -> zerschnäzlät
-es paar Süesskartofflä (händ diä sach natürlich au nid grad weniger Süess gmacht) ->zerschnätzlät
-e schalottä ->zerschnätzlät
-zwei drü tröchneti Chilischotä
Und denn eifach i Wasser köchelet bis d Konsistenz okay gsie isch, nid gmixt und nüt. Gwürzt nur mit Salz, Pfeffer, Muskatnuss.
Irgendwo hani glaub no chli Fett dri do, weiss aber nümm gnau, und vor allem nid öb Butter oder Oliväöl.

Aber s ander hani natürlich scho au gern, mit andernä Sachä und gmixt und Rahm und so witer.

Finds uf jedä Fall toll gits so viel verschiedeni Chürbis, denn chamer oft Chürbis ässä, und es isch glich immer chli andersch. Und zudem gsehd e so e Harrass mit verschiedenschtä Chürbis eifach super us. Butternut und Hokkaido sind do jo no ehnder diä langwiligerä was usgseh betrifft.

[Sephi]

E gueti Chürbiscrèmesuppe isch scho öppis tolls.

Aber paar vo de feinschte Suppe woni bis jetz gha ha si Thai gsi. Ebe Tom Kha Gai oder Tom Yum Goong züüx - möchti nöchschtens mal probiere säuber z mache.

E ganz eifachi Miso-Suppe isch natürlech ou nid z verachte, sofärn si guet zuebereitet isch. En guete Indikator dassme im richtige Japan-Restaurant glandet isch wenn d Miso stimmt