Es Fisch Topic bruchts!!

[mousch]

Und wie! Han mr für Neujahr vorgno jedei Wuche 1mal Fisch ds ässe, han vorher soguet wie nie Fisch gässe, jedefalls nie selber kauft (Usnahm: räucher Lachs & Dose Thon). Han aber usegfunde das Fisch gar nid so übel isch, es ligt nid so schwer im Mage uf und isch vorallem "gsünder".

Jedefalls hani iz die letschte 3 Wuche immer Seelachs gässe. Gmacht hanen immer ir Pfanne uf tüfer Stufe brötlet, drüber gströit hani immer Würz Mix ( :typej: ) will ich de typisch Fisch Gschmack nid unbedingt gern ha, bzw. ebe nur mit eme feine Gwürtli.

Gid iz aber sicher besser Gwürz für Fisch, oder? Min Vater hed immer Dill druf to, das chaufi mr morn..hed öber besseri Vorschläg?

Ajo und was für Fisch isch au no guet? Muess möglechscht eifach und nid zu teuer si. Bis iz hani nur so Seelachs und Pangasius gse...Egli und Talipa sige schiins au no fren...

[Acid]

Ich müest eigentlich au wiedermol probiere... mol luege öbs immer no Brechreiz uslöst. Als chliners Chind hani das Züg gfrässä wiä Blöd (und au alles anderä usem mehr... hed ruhig drfä schleimig und schluderig sie, und durchus au mol roh). Doch irgendwenn hanis nüm vertreit, sit denn nümä gha (Usnahmä sind Thon und Sardellä).
Aber irgendwiä hani s Gfühl dasis jetzt evtl. wieder verträgä würd...

Gsünder chasch durchus in Chlamerä setzä... aber so paar Süesswasser Fischli sind sicher nid übel.

Wasi würd vermiidä sind au Zuchtviecher... vor allem au Zuchtlachs.

[Mastler(P)]

fisch isch super. mini muetter haet jede fritig gmacht. huet choent ich das eher schaetze.

iss immerno oeppe glich vill bis chli meh fisch. aber choch en bis etz leider nie wuekli saelber.
chauf fuer dihei nur sache won ich grad verzehre chan oder nur in backofe tue muess.
dfisch fillet vo findus bim coop sind herrlich! sind fuer 2 persone, also perfekt fuer dich!
dazue no chli bilage und scho haesch super mahlziit mit fein gwurtztem fisch ohni graete.

susch hani huet grad es thai curry mit pangasius gha. passt super und isch sicher noed zu schwer zum mache.
aber ebe, cha der leider noed gross was vo fisch sorte und so verzelle. :/
vilicht ih dae neggschte jahre.

barsch und zander hani glaub scho sitt jahre nuem gha, soetted aber beidi fren sie. und dorsch. die haend zum teil wuekli geili naeme. dorsch.

[zwirrlibatz]

fisch isch sehr gsund. so ca 1-2kg pro wuche würd ich mal apeile.

[Tatsujin]

Han aber usegfunde das Fisch gar nid so übel isch, es ligt nid so schwer im Mage uf und isch vorallem "gsünder".
...

[Schummelschumi]

fisch isch sehr gsund. so ca 1-2kg pro wuche würd ich mal apeile.

[PacWoman]

also ich han da no es fischrezäpt wo i ächt lecker find - FISCHRAGOUT

1 EL Öl
1 Bund Frühlingszwiebel (normali gönd au)
2 chlini Rüebli
600 gr Fischfilet (am beste e Fischsorte wo chli dick isch wie Kabeljau)
2 EL Zitronensaft
300 ml Bouillon
200 gr Crème fraiche
Salz, Pfeffer, Zitronenpfeffer
1 Bund Dill
1 KL Maizena (oder anders Bindemittel)

Öl erwärme, Zwiebeli putze (bi Früehligszwiebeli s'grüene uf d'Siite lege), Rüebli schäle und i fini Ringli schniide - s'vorbereitete Gmües ca. 3 Min. adünste

Fischfilet i mundgrächti Stuck schniide, mit Zitronensaft beträufle, mit Salz Pfäffer und Zitronenpfäffer kräftig würze

Fisch, Bouillon und Crème fraiche id Pfanne geh und guet 15 min gare (nid voll koche!)

Dill abbrause, troche tupfe und fiin schniide - s'Grüen vo de Früehligszwiebeli i fini Ringli schniide

Maizena (oder Mehl) mit Wasser verquirle und zum abbinde id Pfanne geh - nomal guet 2 Min gare. Zum Schluss de Dill und s'Grüen vo de Zwieble dezue geh.

-----------------------------
abgändereti Version isch;

Zwieble, Knoblauch adämpfe - Gmües wo mer gern hät dezue geh (Mundgrächti Stuck)
Fisch dezue geh (Fisch nöd mit Zitrone behandle - nume mit Salz und Pfäffer)
mit Curry würze
Mit Kokosmilch ablösche

feiiiiiiiin
und dänn je nach Gschmack scharf dezue, meh Curry, Kokosmilch mit Rahm verfiinere


en guete

[PacWoman]

Zitronen - Kräuter - Forelle (gaht jedi Forelleart, git au günstigi)

4 EL ghackte Dill
2 EL ghackte Rosmarin
4 EL glatte Peterli grobghackt
2 EL Thymian
6 TL grob zerstosseni grüeni Pfäfferkörner
80 ml Zitronensaft
Salz und Pfäffer nach Gschmack
2 Zitrone
4 Frischi ganzi Forellen
80 ml trockne Wiisswii

Backofe vorheize (gaht au ufemene Grill)
4 grossi Stuck doppelti Alufolie (oder e dicki Folie) liecht iifette
Krüter, Pfefferkörner, Saft, Salz und Pfäffer innere Schüssle guet mische - jedi Zitrone i 8 Schnitz schniide und d'Schnitz halbiere
Je 2 Stück is inneri vo jedem Fisch stecke und Krütermischig dezue geh

De Fisch uf d'Folie lege - mit je 1 EL Wii beträufle - De Fisch guet und Dicht i de Folie iipacke
De Fisch 10-15 min bi 240 Grad in Backofe (oder uf de Grill lege)
Nachher 5 min de Fisch ruhe lah

en guete

[Marco_in_motion]

Ey Päckfrau... chochsch mir das mal?

Ahja : willkomme im Forum als Member Nr.300

[PacWoman]

2 sache bruchts defür

a) muesch de wäg finde
b) du gahsch go poschte

hani jetzt irgend en priis gwunne?

[Sylvara]

fisch mag gsund sii, aber ebe...es wär schön, wenn mer würd druuf achte us nachhaltige quelle fisch ds chaufe und generell was für fisch und vorallem vo wo. also wenn scho fleisch/fisch, denn mit bewusstsii - es sind ja all gschiidi lüüt hier.

sehr guete und übersichtliche ratgeber zu was ok isch und was no-go's sind:
http://www.wwf.ch/de/tun/tipps_fur_den_ ... schfuhrer/

gits sogar als app.

[PacWoman]

@Sylvara
grundsätzlich isch das richtig
chaufe au kei billigfleisch/fisch in D usem aldi
aber mängisch isches au e priisfrag

[Marco_in_motion]

2 sache bruchts defür

a) muesch de wäg finde
b) du gahsch go poschte

hani jetzt irgend en priis gwunne?

wändt seisch dasi ein guete Mänsch bin bin nimmi en priis mit


hey... jetzt simmer 300! Wriese Sparta

[PacWoman]

das sägeder ja sch all andere
mer wänd ja nöd am erste tag übertriibe

[Marco_in_motion]

chaufe au kei billigfleisch/fisch in D usem aldi

weischno? "schowider kein Zollmöngel ume, haha win!"

[PacWoman]

das glück währt den dummen

[Marco_in_motion]

das glück gewährt den dummen freifahrt durch den Zoll

[Tatsujin]

lol, was lauft den da ine?

[PacWoman]

das glück gewährt den dummen freifahrt durch den Zoll

kluuuuugscheisserli!

[PacWoman]

lol, was lauft den da ine?

kei ahnig Tatsujin

de bewegt marco isch schuld!

[Tatsujin]

btw. kännsch Ms. Pacman? findsch na guet?

[PacWoman]

ja ich lieb so "löli" spieli

[Skeletor]

es meitli

[Tatsujin]

ischs äch es härzigs?

[Skeletor]

früehner hämmer amigs no meitli gha, wo ufreizendi föteli is forum ghebet händ.