schaffe

[blackraini]

's KV ufem Touri-Büro het mir damals eigentli no recht gfalle... Sportgschäft isch au easy gsi aber meh als 4-5 Mönet am Stück sind imo gnuag, sus drüllsch dure (Detailhandel allgemein). Super isch Landschaftsgärtner gsi - ussert wenn's pisst het. Super gmüetlich und abwechsligsriich, sozäge a Buabetraum erfüllt (dr ganz Tag irgendwelchi Grätschafte im Garte bediene wo motorend ). Bau isch als 0815-Arbeitskraft füre Arsch - ussert em Vorteil, dass i damals 10kg Muskelmasse kah han, wo jetzt wieder weg sind resp. "ersetzt" worde sind Guat, mitem 20t Bagger oder 12 Raupekipper umefahre het Spass gmacht - aber 10h krüpple oder z.B. dr ganz Morge Wänd vo Hand abbreche für 4'800 > :typej:

Jetzt Student - recht gmüetlich

[evo]

Richtig schlimm isch nüt schaffe. Das weiss jede wo mal längeri Zit nöd gschaffet hät. Nöd wägem Gäld, sondern rein psychogisch

t usred vo dene wo nüt mit ihrem läbe azfo wüsse

[SinGinSmith]

Das isch falsch. Vill säget sie würdet am liebste nöd schaffe. Das sind aber jewils genau die wo no nie nüt gschaffet händ, sust würdets das gar nöd säge /dänke.

En Ziet lang mag das guet gah. Spötischtens nach 2 jahr fangsch langsam afa spinne. Lueg nur mal De Titan a die Lange und wirre Text woner schriebt.

[PlanetHarrieR]

Schaffe schaffe, Häusel baue
Butterbrot statt Schnitzel kaue!

[randy]

En Ziet lang mag das guet gah. Spötischtens nach 2 jahr fangsch langsam afa spinne. Lueg nur mal De Titan a die Lange und wirre Text woner schriebt.

de titan het dämfall no nie gschafft? frog mi immer no wie er sich all das züg chan leischte, evlt. het er jo im lotto gwunne oder het gerbt

[agestuffer]

de titan het dämfall no nie gschafft? frog mi immer no wie er sich all das züg chan leischte, evlt. het er jo im lotto gwunne oder het gerbt

Er frisst nüt, wohnt imänä Rattäloch wo nid gheizt isch, chauft sich kei Chleider, luegt nid uf dMund- und Körperhygiene, het kei tüüri Fründin/Frau, kei Chind, kei Huustier, zahlt kei Chrankäkassä etc. etc.. Denn chasch glaubs sogar vo de Sozialhilf no guet läbä...

Sorry Titan, das isch jetzt reini Fiktion, aber so stell ich mir das halt eifach vor!!! Bin halt en Bünzli

agestuffer

[Snatcher]

drum versuech ich uszwandere, aber das fucking visum brucht ewigkeite. muss mal öppis anders gseh und zwar komplet...

wohäre wosch?


i.

uf australie/melbourne

glaub nöd das ich ewigs dete wird bliebe, vermuetlich es paar jahr, aber meh weiss es ja nie so genau

[h4xX0r]

drum versuech ich uszwandere, aber das fucking visum brucht ewigkeite. muss mal öppis anders gseh und zwar komplet...

wohäre wosch?


i.

uf australie/melbourne

glaub nöd das ich ewigs dete wird bliebe, vermuetlich es paar jahr, aber meh weiss es ja nie so genau

Nachher familie, zack lifetime uf em gfängnisskontinent.

[Panther]

mich schiiits brutal ah leider sitt fasch 2 Jahr... aber wenni amigs ferie gha han gahts wieder für guet 1 monet.

dito

[Vyse]

Sobald ich zur Tüür uusgeahn Richtig Arbet, isch dä Tag gloffe.
Als Lohnsklav die Tortur müesse an Bildschirm gfessled täglich erliide,
Stunde, Minute und Sekunde, wo sich uusdehnet i unteräglichi Ewigkeite.

Und wänn am Morge mier so en sunnige,warme Früehligstag entgägelächle will, mich ah dä Hand näh und zum Wandere und Spaziere verfüehre möcht,
stiiged mier fascht Träne id Auge und es überchonnt mi so e Truurfluet und Abscheu, dass ich mich am liebschte wür wälle umbringe im Voruusblick, dassi verboge und broche, gfessled am Bildschirm en wiitere Tag gmartert, nutzlos verläbe wird.

Alles isch besser als Schaffe, jedi verschlafeni Minute, jedi Minute in Langwiil isch besser uufgwändet als sies jemals mitm Schafe wär.
Alles bi dä hütige Arbet, wie sie dä Mänsche uufzwunge wird, passiert in Unabhängigket vo dä reale, natürliche Bedürfnis vom Mänsch.
Es e isch Bestialität hinder däm Arbetskonzept, wo e reini Mänschverwertigslogik isch, wo dLüüt villicht erscht am Ändi vom Läbe erchänned werdet, wänns zerträte und vernichtet nomal Bilanz vo dä Fülli vo ihre Läbensziit werdet zieh.

Lässigs Tägli eu wünschend,

en gschundene Knächt

[Chäller]

en gschundene Knächt

Bisch du nöd Student?

[Skeletor]

ich weiss kei besseri alternative wo ich cha

usserdem gwöhnt mä sich ah s'lohnniveau. retour fahre isch nöd so eifach.

[Vyse]

en gschundene Knächt

Bisch du nöd Student?

Nö, ich bi no am zhdk Vorkurs (also Teilziit, Fr. Sa.),
weiss nöd, evtl. entscheid ich mich no für es Studium, ma schaun.

[Chäller]

was schaffsch dänn?

[Chäller]

bzw. welli Tätigkeit würd dich nöd aaschisse?

Bademeister wär sicher no cool. Oder am Grill inere Badi schaffe wär no besser.

[Vyse]

Ich schaffe mit kabutte Kompiuter oder Programm, wo nöd so rächt tüend.
PC Heni und Support halt, wahrschiinli wie en grossteil da inne, lol.
Und du?

Ja eh, oder Matratze-Teschter

[Chäller]

Ich schaffe mit kabutte Kompiuter oder Programm, wo nöd so rächt tüend.
PC Heni und Support halt, wahrschiinli wie en grossteil da inne, lol.
Und du?

Elektro-Ing.

Gits würklich gaaaaaaaaar nüüt wo dir au nur es Bitzeli chönnd Spass mache oder en Aasatz vonere Erfüllig würd geh? aso en Art Beruefig?

[lakritz]

de vyse sött me uf papua neuguinea schicke. zum de ganz tag nüt mache.

[evo]

ich glaub 40-60% schaffe wer für mich s optimum. gnueg zit für die eigene sache und dennoch e gwüssi, erzwungeni regelmässigkeit wo mir hälfe würd gwüssi sache nit komplett zfersiffe. rächt frisch wärs

[Vyse]

Elektro-Ing.

Gits würklich gaaaaaaaaar nüüt wo dir au nur es Bitzeli chönnd Spass mache oder en Aasatz vonere Erfüllig würd geh? aso en Art Beruefig?

Mol, jez grad isch mier was in Sinn cho.
Ich möcht Schwiizer-Wanderwäg Teschter werde, das wär was Guets.

[Schummelschumi]

ich glaub 40-60% schaffe wer für mich s optimum. gnueg zit für die eigene sache und dennoch e gwüssi, erzwungeni regelmässigkeit wo mir hälfe würd gwüssi sache nit komplett zfersiffe. rächt frisch wärs

so ungefähr wärs glaub au ideal für mich

[Vyse]

Stimmed eifach all fürs bedingigslose Grundiikomme, falls mal sowiit chämmt.
Dänn chönnt nacher all individuell ihres Stellepensum wähle, je nach eigenem Wohlstandahspruch.
Das wär voll dä Güt, dänn hätsch sovill Gäld und sovill Ziit wied bruuchsch.

[emP]

i würd lieber öpis anders mache. am beschte jede tag öpis anders: am mäntig pöschteler, am zischtig gärtner, am mittwuch koch und ab donnsti wuchenänd.

Das tönt guet. denn no 12k pro Monet und super wär.

Im summer *Achtung intimes Geständnis* wäri gern Meihdröscherfahrer.

[evo]

Stimmed eifach all fürs bedingigslose Grundiikomme, falls mal sowiit chämmt.
Dänn chönnt nacher all individuell ihres Stellepensum wähle, je nach eigenem Wohlstandahspruch.
Das wär voll dä Güt, dänn hätsch sovill Gäld und sovill Ziit wied bruuchsch.

fucking awesom wärs. mi wohlstandsahspruch isch sehr gring

[Chäller]

Stimmed eifach all fürs bedingigslose Grundiikomme, falls mal sowiit chämmt.
Dänn chönnt nacher all individuell ihres Stellepensum wähle, je nach eigenem Wohlstandahspruch.
Das wär voll dä Güt, dänn hätsch sovill Gäld und sovill Ziit wied bruuchsch.

fucking awesom wärs. mi wohlstandsahspruch isch sehr gring

LOL! Huere Egoistisch wärs. Ihr würdet eues Läbe uf Chöste vo eusne Nachkomme gnüsse. Finanziell gaht das eifach nöd uf. Sust muesch uf Nordkorea oder Kuba uswandere.