Arcade Cabs

[sam]

es par arcade frage!

pcb bootleg und original -> gits da underschied?
gits en guete shop für pcbs? (ich kenn arcadebay.de)
gits en shop wo ich panels & marquee holders (e3) chan bstelle?
suicide batterie? (cps1/2)

[mastercello]

pcb bootleg und original -> gits da underschied?

Definitiv - frog de hanf, de hed sini ganz bootleg Sammlig verkauft oder entsorgt!
Lass d'Finger vo bootleg Platine...investiersch besser es paar Franke meh und kaufsch es Original!

gits en guete shop für pcbs? (ich kenn arcadebay.de)

Es ged paar Hongkong und Japan Dealer - söscht halt ricardo/ebay/yahoo japan

gits en shop wo ich panels & marquee holders (e3) chan bstelle?

Panels ged bim akihabarashop.jp - marque holder macht eine uf arcadeotaku.com rächt gueti Kopie vo allne mögleche Type Cabs.

suicide batterie? (cps1/2)

Ja...cps3 hed au - den no div. anderi System resp. Plattformene.

[sam]

wie erkenn ich ob bootleg oder original?

ja und ebe suicide batterie. was isch das? han gseh das au games ohni chasch chaufe?

[turntablism]

suicide/selbstmörder-batterie = e batterie wenn si leer isch ischs spiel unbruchbar. cps 2 het sone batterie, es gibt leute wo die chönd ersetze, denn lauft s board no es paar jahr länger. kei suicide batterie het z.b. : sega st-v, atomiswave, mvs, ...
einigi motherboards wie z.b s`st-v hend e batterie, die isch aber nur zum highscores speichere.

[Marco_in_motion]

he??? lis ich richtig?

Wänn diä Batterie leer isch chasch d'platine eifach schwänke? das heisst du chaufsch es espgaluda1 für 300-400.- und nach es paar jahr isch diä Batterie leer und du chasches eifach nurno in Chübel rüehre?

[geosnow]

ja so isch es, aber nöd bi cave shooters.

[Marco_in_motion]

Ja und wiä Lang isch sone durchschnittlichi läbensduur?

Hey das hani voll nöd gwüsst jetzt schiissts mi grad u huere a

[turntablism]

glaub darum het mer mit mame agfange.... sterne siech

[Marco_in_motion]

ich mues lerne wiämer das Replace chan.

[mastercello]

Es ged paar Platine resp. Platinefamilie met Suicide Batterie.
Luegid mol do send die meiste z'gfinde: http://www.arcadecollecting.com/dead/dead.html
Den send Capcom CPS2 und CPS3 au betroffe.

Die meiste devo chamer aber umbaue oder wederbeläbe!
Fortrühre muesch sie no lang ned wäge dem.

Unterschied bootleg oder original esch öppis womer met de Zit weiss wemmer e Platine i de Händ hed.
Original hend emmer irgendwo de Herstellername droff.
Bootleg hend meistens de "Jamma-Key" (Pin 7) ned usegschnitte.

Wenn es Foti hesch vo enere Platine - ech chans der meistens grad säge öb bootleg oder original.

[Marco_in_motion]

Es ged paar Platine resp. Platinefamilie met Suicide Batterie.
Luegid mol do send die meiste z'gfinde: http://www.arcadecollecting.com/dead/dead.html
Den send Capcom CPS2 und CPS3 au betroffe.

Die meiste devo chamer aber umbaue oder wederbeläbe!
Fortrühre muesch sie no lang ned wäge dem.

Unterschied bootleg oder original esch öppis womer met de Zit weiss wemmer e Platine i de Händ hed.
Original hend emmer irgendwo de Herstellername droff.
Bootleg hend meistens de "Jamma-Key" (Pin 7) ned usegschnitte.

Wenn es Foti hesch vo enere Platine - ech chans der meistens grad säge öb bootleg oder original.

Merci

[turntablism]

hey, han de plausch a eu
arcade isch eifach geil

[Fade]

…das Topic god ab!
Arcade is the real thing!

[Marco_in_motion]

Und ich han Freud a eu geile Sieche wo geduldig mini Noobfrage beantwortet

[turntablism]

gib eus meh...

[Marco_in_motion]

Ja eh (lol) chamer en sony pvm 2950 QM Monitor i sones cab verbaue?

[Avenger]

Heeeeeeeeeeeee, das macht me sicher nid so öppis!

[mastercello]

Chamer secher, aber macht kei Sinn und es heure Gebaschtel esch es secherlech au!

[damian]

ja, macht überhaupt kein sinn. lohnt sich nur wänn es ghüüs ohni monitor häsch

[boergi]

wenn d'röhre passt wiso ned. s'ergäbnis mues steme.
i ha letschti d'sanwa monitore e mim initial d3 gäge nanao's tuscht. jetzt hani es hammer böud.

es paar stund arbet aber es het sech uf jede fau glohnt.

[damian]

aber nöd en sony pvm wo 15khz only isch....

[boergi]

15kHz FTW
I be haut ned fan vu hi-rez games..

[sam]

darum gits ja jetzt dä slg3000

[Marco_in_motion]

huere super ha ebe glaub e Buude gfunde wo diä cha bsorge i dä Schwiiz mues es aber no abkläre, falls ja gibi eu gern d'Adrässe dure.

[sam]

chönt gah aber isch doch es huere gebaschtel! chan mal öpert mass vo dem ding düregeh?

edit: gfunde (L 687 x H 538 x P 529 mm Poids 52 Kg )

also....mass vom bezel inne gmesse isch 558x416. tüüfi nach hinde (obe gmesse) isch max 460.
1. mega gebaschtel am bezel.
2. dä monitor isch einiges ztüüf.

vergiss dini idee!

und bisch nervös?