Kunstfleisch

[zwirrlibatz]

massetierhaltig /= dä puur

[Tatsujin]

fleisch mahe, findsch na guet?

[Sephi]

Interessant - wieso nid wenns fein isch!

Synthetisches Kobe-Beef - ich würd!

[mousch]

Zimmlech chrank...vorallem das es so vil do inne no guet findet... :typej:

[kraut]

Zimmlech chrank...vorallem das es so vil do inne no guet findet... :typej:

scho, findsch nid so guet? aber jedes jahr milliarde tier ga töte isch nid so chrank, gäll? wott gar nid wüsse wie viel chüe allei für di fleischkonsum jedes jahr müesse stärbe. aber äbe, uuuhhh, die pösi pösi wüsseschaft, pöses pöses synthetischs fleisch.

[mousch]

bevor ich michs söd schlecht füehle wäg eme Rind, sölled alli Raubtier vo Afrike vegetarier wärde...

circle of life..kensch?

[Tatsujin]

bevor ich michs söd schlecht füehle wäg eme Rind, sölled alli Raubtier vo Afrike vegetarier wärde...

circle of life..kensch?

jaaa sicher, aber gasch den au s wild saelber ga jaegere?

[kraut]

bevor ich michs söd schlecht füehle wäg eme Rind, sölled alli Raubtier vo Afrike vegetarier wärde...

circle of life..kensch?

:typej:

i gloub du weisch sälber was de da grad für seich gschribe hesch.

[O_O]

wott gar nid wüsse wie viel chüe allei für di fleischkonsum jedes jahr müesse stärbe.

i wott gar nid wüsse wie viel chüe scho für dini andere produkt hei müesse stärbe

cow.jpg (105.22 KiB) 1323 mal betrachtet

[Sylvara]

yeah das argument verhet öppe eso sehr, wie das mitem 'puur'.
massetierhaltig gits us genau eim grund, billigs fleisch. das isch o historisch eso gwachse. dass mer nachher no alles mögliche süsch usem tier verwendet, isch nid gliichgsetzt mitem tötigsgrund. sehr vieles us dere liste wird o synthetisch hergstellt. mal abgseh dervo dass dr tüüfel weiss, wer imitation eggs gchauft rofl...millione vo tier werdet nur für das gschlachtet, jede tag.

bevor ich michs söd schlecht füehle wäg eme Rind, sölled alli Raubtier vo Afrike vegetarier wärde...

circle of life..kensch?

:typej:

i gloub du weisch sälber was de da grad für seich gschribe hesch.

lol unfassbar. schiinbar hei d'löwe in afrika glehrt ds internet benutze und poste jetz humbug in fore.
und i fragmi grad wo die ganze massetierhaltigs-aalage sind, wo für d'raubtier weltwiit fleisch produziere - die machet schliesslich ds gliiche, wir mir.

fleisch esse isch ja no eis - aber so lahmi usrede bringe, meine fresse. stah doch eifach derzue, dass es dich e schissdreck interessiert und du dis tierische protein ufem teller wettsch ha. merci. i dere gsellschaft wo mir da läbe, mues genau garniemert fleisch esse 'zum überlebe'. genau wege so iistellige, wird kunstfleisch denn überhaupt zum thema.

[kraut]

wott gar nid wüsse wie viel chüe allei für di fleischkonsum jedes jahr müesse stärbe.

i wott gar nid wüsse wie viel chüe scho für dini andere produkt hei müesse stärbe

mi satz het sich eigetlech uf mousch sin ussag bezoge, dass synthetischs fleisch chrank sig, aber merci gäll.

[Acid]

I minä Augä isch diä einzig sinnvoll Lösig dassmer eifach nid zvil Fleisch isst. Alles andere isch doch irgendwiä Humbug.

oder garnid. aber das isch nunmal utopisch, das chasch doch vergesse.
solang fleisch konsumiert wird isch tierhaltig es thema, und es wird immer die parteie ghä, wo meh zu billigere priis mache.
früener hei lüüt 80% vom budget fürs esse ussghä, hüt ischs irgendwo unter 20% odersowas, lächerlich.
aber die ganz entwicklig umkehre, und das uf dr ganze welt?

das mit de 'näbewürkige' und näbe-effekt vo synthetischem fleisch müesst mer natürlich aaluege, das weiss mer nonid.
aber grundsätzlich dergäge sii - mir esse scho jetz viel künstlichs. künstlich mues nid unbedingt schädlich sii.
es chunnt halt drufaa.

tatsach isch, dass wegcho vo (masse-)tierhaltig unendlich viel guets bewürkt, für alli. es isch schön und guet wenn schwiizer dervo rede, wie si ihres fleisch einisch ir wuche vom bio-puur hole: nur dass o bio-puure nid d'nachfraag vo dr ganze welt chöi abdecke und nie werde abdecke chönne (o nid nur einisch pro wuche).

Logisch, "garnid" lauft natürlich au unter "nid zvil".
Öbs utopisch isch oder nid weissi nid. Klar, wemer Kapitalismus i somene Rahmä mitmacht, wird sich nüt ändärä. Spötischtens wenn denn alles zur Sau isch simmer aber fascht zwungä d Natur wieder echli meh so zneh wiä sie isch (nur ischsi denn wohl nüm so Toll, aber mer chan halt nid immer alles welä).

Natürlich isches en schwierigä Gedankägang sich vortschtellä dass sich das ganzä tatsächlich churzfrischtig chan in e aständigeri Richtig z verändärä, aber ich gseh schlicht kei anderi Möglichkeit, und wiä gseit, das Kunstfleisch gseht für mich im Moment au eifach danach us, wiä wilmer witerhin eifach probiere dä Mänschheit de Verzicht usztribä, und alles Verfüegbar z haltä, so dass sich witerhin niemert Gedankä drüber mues machä öb weniger vilicht nid echli meh wär. Und so chuntmer eifach niä uf de Grüen Zwig.

Und logisch chöntet Biopurä d Nachfraag abdeckä (wenns kei Massätierhaltigä meh gäbti, chöntet au me richtigi Purä überläbä...), will d Nachfrog nach guetem Fleisch isch automatisch sehr vil chliner, wiä diä nach billigem Fleisch womer jedi Wuchä Kilowis chan abädruckä.

Ich persöndlich gib verhältnismässig viel Gäld für d Nahrig us und chauf en Grossteil vo mim Züg im Lädeli, wos entweder Bio oder us de Umgebig isch, und wo au innerhalb vo dem Züg echli g achtet wird (Bio isch jo nid unbedingt automatisch guet, und nid Bio Schlächt). Somit hani vil natürlichi Produkt, und, so glaub ich zuminescht, nachhaltig und fair produzierti Nahrig, und ebä Wichtig, viles au Regional. Fleisch issi nid z vil,wenn denn meischtens in Form vo Sandwich (also paar Schibä Schinkä oder so... do chuntmer nid uf so grossi Mängänä), öpä diä mol es bitz Poulet, und vil sältener emol öpis anderes (meischtens weni noimed uf Bsuech bin, mol en Brotä oder so... gern hanis scho).

Das isch miner Meinig no öpä das was ich chan dezuä Biträgä, und es isch logischerwis win/win, will ich so nid nur gueti Nahrigsproduktion unterstütz, sondern au kei Schrott i mich inästopf.

Was anderi mached müends sälber wüssä, aber ebä, dasmer öpis guets tuet für d Wält mit dem Kunschtfleisch, das glaubi also no lang nid. Ich halts für en Irrwäg.

[mousch]

mümümü die arme Tierli...mümü..Massehaltig...

solang nid zu KFC gosch jede Tag gseni also kei Grund tumm ds tue, mir Mensche sind eifach Fleischfresser und fertig! Logisch chame sech au vegetarisch oder sogar vegan ( :typej: :typej: ) ernähre, i sege ja nid die sölled das nid, jedem sis Ding, aber bitte höred uf mit eune Moralpredigte bzgl. Fleischkonsum.

[Jones]

Muessi am mouschi zuestimme... d mönsche hei immer scho fleisch g ässe u wärdes o immer! Ohni fleisch wäre mir hüt nid das, womer si!
D entwicklig het dür das protein sicherlech provitiert!

U das "erlegsch du dis fleisch säuber" argumänt isch rächt dumm! Süsch müsst nämlech jede si strom säuber mache, siner chleider säuber produziere u sis hus säuber boue... :typej:

Dass meh als wohlhabende schwizer nid güggeli us ungarn oder brasilie chouft, versteit sich vo säuber! Bi mir chunnt o nume CH fleisch ufe teller!

[h4xX0r]

Das isch es guets biispiel, wieso mer nöd sött diskutiere. Wenns lüüt gitt wo massetierhaltig mit hüüslibaue gliichsetzed fehlt mir zumindest jedi basis für en unvorignone informationsuustusch.

[kraut]

+1 häxler

[Jones]

Das isch es guets biispiel, wieso mer nöd sött diskutiere. Wenns lüüt gitt wo massetierhaltig mit hüüslibaue gliichsetzed fehlt mir zumindest jedi basis für en unvorignone informationsuustusch.

I ha eher müeh mit lüt z diskutiere, wo nid chöi läse oder eim absichtlech d wort im muu umdräie! I ha das (massetierhaltig/hus boue) niene glichgsetzt sondern das dumme "metzg dis fleisch säuber argument" agsproche. I bi o gäge legebatterie etc u genau darum choufi o bio züg...

Wär dä ungerschied nid erkennt, sött würklech nid diskutiere... :typej:

[TypeJ]

huere guät. dä nahrigsreplikator hämmer bald, aber d'enterprise isch nonig so wiit

wahr! unfassbar super!
logischerwies würd ich au probiere

[h4xX0r]

Das isch es guets biispiel, wieso mer nöd sött diskutiere. Wenns lüüt gitt wo massetierhaltig mit hüüslibaue gliichsetzed fehlt mir zumindest jedi basis für en unvorignone informationsuustusch.

I ha eher müeh mit lüt z diskutiere, wo nid chöi läse oder eim absichtlech d wort im muu umdräie! I ha das (massetierhaltig/hus boue) niene glichgsetzt sondern das dumme "metzg dis fleisch säuber argument" agsproche. I bi o gäge legebatterie etc u genau darum choufi o bio züg...

Wär dä ungerschied nid erkennt, sött würklech nid diskutiere... :typej:

Nur no gschnell: würsch für de dsiistig aabig e chue schlachte, will luscht uf fleisch häsch?
Würsch dir es dach überem chopf baue, wenns müsstisch selbermache?
Tipp: mazlov

[TypeJ]

massetierhaltig isch total scheisse, weiss jetzt jede

das argument "mensche sind fleischfresser darum isches normal" isch bullshit!
weisch wieviel vom tier hüt eifach im chübel landed nur will mir dank eusem wohlstand so verwöhnt sind? ich weisses nid aber i kenes us erschter hand vo de fründin wo ziemlech arm ime land ufgwachse isch wos wenns mal fleisch geh het, denn isches es eigets hoftier gsi wos gschlachted hend und denn hends ALLES verwertet wot irgendwie chasch verwerte
hüt will jede nume na filet, entrecote und selte mal na es kotelett, luxus halt, ich schlüss mich do au gar nid us...aber go verzelle es sigi normal und voll ok isch aso scho echli
mir si total verwöhnt, darum isches für tier glaubs nümm so lässig wie früecher...i hoffe BIO isch e chli en bietrag das es tier bits besser hend..darum zahli au gern es bits meh..mit em nebedeffekt das s'fleisch oft au na besser schmöckt

[TypeJ]

Tipp: mazlov

i weiss das du mi hassisch, trotzdem: guets argument..
die meischte würded ine höhli renne und beeri fresse

[Sylvara]

mümümü, fleisch heimer scho immer gässe ...was für es tumms, gäbigs argument zum sich um jeglichi verantwortig drücke. :typej:
hey, mer het o paar jahrtuusig lang faustrecht und sklavehaltig als "normal" aagluegt - das heisst nid, dass mer sich nie darf wiiterentwicklige und ufem stand höhlemensch bliibe mues. mal ganz abgseh dervo, dass mir hüt mit de tier sehr viel schlimmer umghö, als es irgendwer je zuvor hätt chönne. gliichzytig 'bruuche' mir fleisch weniger denn je - dr mensch het nonie soviel nahrigsmittel zur verfüegig gha, wie hüt. me cha also genauso guet öpfel und birre vergliiche.

fleischkonsum =/ massetierhaltig
fleischkonsum =/ möglichst billigs fleisch
fleischkonsum =/ nümme alles vom fleisch verwerte
fleischkonsum =/ jede tag fleisch konsumiere

das isch immerno ds grösste problem und das isch "früener" überhaupt nid eso gsii. das isch ersch im 20. Jahrhundert losgange.


übrigens, es paar hier hei glaub dr sinn vo dem topic missverstande. es geit um kunstfleisch als fleischersatz und nid drum, ob dr einzeln söll fleisch esse oder vegetarier werde. mer mues allerdings dermit rechne antwort ds becho, wenn me so komplett unreflektierte seich uselaht.

[mousch]

Bonusinfo: Gester Barbecue gha bim Vater:

1 Pferdefilet (Nautrafarm)
2 Rindshamburger (Bio)
1 BBQ Steak (schwein)

[Schummelschumi]

... (Nautrafarm)
... (Bio)
... (schwein)

das chame jetzt verschtah wiäme wet

[Sylvara]

damit isch ihm dr platz im himmel sicher