HP Deathly Hallows I & II

[Sylvara]

Ich weiss, i bi e bitzli spät aber - whoa, dä 5min trickfilm gege schluss vom film isch !!
unglaublich mega, ha grad mehrmals müesse luege. sehr unerwarteti umsetzig.

Dr film an sich isch o besser, als alles vorher dagewesene, findi. freumi ufe letzt.

[Sylvara]

http://www.cartoonbrew.com/feature-film ... llows.html

Ben Hibon. I mues grad luege, waser alles gmacht het. schiinbar recht viel im anime bereich.

[Sylvara]

huiiii, dr letzt teil chunnt scho im Juli - http://www.20min.ch/videotv/?vid=198600&cid=7

mega wirds

[Sylvara]

Deathly Hallows part 2, ich hanen gseh -wer süsch

er isch guet gsi, aber irgendwie o recht gedrängt.... dr üblich charme isch ds churz cho und halt sehr viel flashbacks und uflösige, so dass zT. d'spanning bitz unterbroche gsi isch. ds grande finale, also dr battle vo dr schuel und o die einzelne duell sind bitz flach usecho, findi (und wie es paar gstorbe sind hends fast ganz unterschlage). also rundum het mi 6i besser dünkt. vilicht bini bitz zu kritisch.

[feeshlee]

muess no luege... bisher hani dä viert teil als film dä schlächtischt gfunde.

[Guave]

Ha der SChluss geschter gseh. Ich find der Film grandios. Hätt nie dänkt das mir HP mal so wird gfalle.
Aber Du hesch recht. Me kriegt e huffe gar nid mit. Nur in dere kurze "Lazaret"-Szene vor em Schluss schnell.

[Sylvara]

Ha der SChluss geschter gseh. Ich find der Film grandios. Hätt nie dänkt das mir HP mal so wird gfalle.
Aber Du hesch recht. Me kriegt e huffe gar nid mit. Nur in dere kurze "Lazaret"-Szene vor em Schluss schnell.

mer hätt locker nomal 2 film chönne druus mache
i ha mi ebe zimli uf die finale usenandersetzige gfreut - ds "duell" zwüsche Molly un Bellatrix isch also nid grad gwaltig gsi (wenn mer bedenkt wieviel weg ihre gstorbe sind), denn McGonagall, die ganz sach mit Lupin&Nymphadora (und dass dr Harry dr godfather wird vom sohn), dr Snape stirbt o zimli sang und klanglos und sogar die letzt begegnig zwüsche Harry und Voldemort isch bitzli 'naja', wie er sich eifach uflöst.

defür sehr viel story und unterbrüch; isch scho klar. irgendwie hei sie die ganze twists müesse em publikum erkläre. aber d'spanning liidet e bitz und dr üblich charme i de details isch nid da. was aber o irgendwie zur 'endzyt' passt.
sehr super isch dr drache gsi am afang.

[Trunks]

Gester au dä zweiti letschti Teil gseh und er hät mehr würklich sehr guät gfalle. Bi mir isch es aber au scho 2 Jahr her oder fascht 3 wo ich s'Buäch gläse han und ich han mega viel gar nümä gwüsst und drum wohl au nöd vermisst.

Aber mir isch bewusst werde, was da diä Dame für es unglaublich guäts Werk gschriibe hät und wiä schaad das es isch, dass jetzt ändgültig alles fertig isch.
Wird lang gah, bis wieder so öppis grosses, zämehängends, schöns.. wieder in Buächform wird cho.

[zwirrlibatz]

mich hett er verhältnismässig unspektakulär dunkt. ehner wie en epilog zum ganze karsumpel. aber 2h pauselos bombascht hätt ich ja au nöd wele. guete popkorn. meh chan ich nöd säge will ich nonie ei einzigi ziile härrypotter gläse han.

btw hetts im vorfeld nöd gheisse gha, ein hauptcharakter schterbi am schluss? wär das dämfall "nur" de severus gsi?

[Sylvara]

btw hetts im vorfeld nöd gheisse gha, ein hauptcharakter schterbi am schluss? wär das dämfall "nur" de severus gsi?

Es sterbe 3 vo de 'guete', also nebst ihm. Wird aber ìm film ebe leidr chuum zeigt, also nur wo's bereits tot sind ganz churz. Am wichtigste da sicher Fred und lupin , aber o d'tonks isch i de büecher wichtiger gsi.

[Trunks]

Dä Lupin und Tonks...

[zwirrlibatz]

Wird aber ìm film ebe leidr chuum zeigt,

ah ja dä Lupin, um ihn ischs aso würkli schad gsi. und brchunnt nödmal en aständige abgang.

[Supersonic]

Mega sind beidi gsi!
Dumm das d'Film vom dritte bis zum 5te ziemliche Shit sind...