SLI und Games im Fänschtermode - nid möglich ?

[The Sheep]

Ich han es NVIDIA SLI System (2 Grafikcharte und 3 Monitore). Uf em mittlere Moni söll es Game laufe und uf em linke oder rächte möcht i zb surfe oder Video luege chönne. drmit ich d'Muus us em Game use uf die andere beide Monitore chann bewege, muess es im "Fänschtermode" oder im "Fullscreen Fänschtermode" laufe. Aber genau das schint nüm z'funktionere mit 2 Grafikcharte als SLI zämmeghängt. Sobald ich bi de Spiel öppis anders als Fullscreen ischtell, crashe sie.

Gits do e Lösig, oder isch das technisch irgendwie nid möglich ?

[geosnow]

hänksch mal zwei voodoos in SLI, viellicht gaht das.

[Asskicker]

Typisches MMORPG spieler problem

[boergi]

wahr

[The Sheep]

hänksch mal zwei voodoos in SLI, viellicht gaht das.

hä?

[geosnow]

hänksch mal zwei voodoos in SLI, viellicht gaht das.

hä?

Nvidia hät 3DFX überno, will diä s SLI Patent gah händ. 3DFX hät die erschte bruchbare 3D-Grakas für Games uf de Märt bracht. Voodoo hät de Chip geisse.

[The Sheep]

merci für dä umfangrichi Iblick in d'Gschicht vo de 3D Grafikcharte. Voodoo Charte hani sogar mol gha. so ca vor 20 Jahr ..
Aber was het das mit minere Frag ztue ?

[President Evil]

Probier mal de (Beta) Treiber: 270.51 driver

[meo]

hänksch mal zwei voodoos in SLI, viellicht gaht das.

hä?

Nvidia hät 3DFX überno, will diä s SLI Patent gah händ. 3DFX hät die erschte bruchbare 3D-Grakas für Games uf de Märt bracht. Voodoo hät de Chip geisse.

voodoo 2 SLi hani gha, hesch chönne unreal 1 in 1024 chönne spilä

SLI über es externs kabel

Vo de rage 128 uf die erscht voodoo2 und vo de erschte voodoo2 uf dieä zwoit. Aber intern hets gloub glich o no es kabel gha... Es riese gebaschtel, aber isch cool gsi

[Reinforced]

s externe isch dänkt nur en VGA schleiffe gsi zude Rage128. SLI hesch intern d voodoos mitenand verbunde.

[meo]

s externe isch dänkt nur en VGA schleiffe gsi zude Rage128. SLI hesch intern d voodoos mitenand verbunde.

ja eh. Aber wenns nit agschlosse hesch isch alles wo 2D isch gsi nit am bildschirm uftoucht... isch rächt gebaschtel gsi

[NERV]

Ich finds super, dass ihr über 20jährigi Grafikcharte redet anstatt dem arme Mensch ds hälfe.

[Tatsujin]

lol wer will scho gamen, pfilm luege und pr0n surfe alles gliichziitig?

[NERV]

lol wer will scho gamen, pfilm luege und pr0n surfe alles gliichziitig?

ich

[meo]

Ich finds super, dass ihr über 20jährigi Grafikcharte redet anstatt dem arme Mensch ds hälfe.

frühner isch alles besser gsi. I wot wieder e voodoo