Anes Konzärt gah...

[Vyse]

d
und wieder emal:

The Young Gods & Supporting Act

Kulturfabrik Wetzikon Samstag 04. Juni 2011 21:00Uhr

Hui, das wär was, da gahni
lol, dKulti, scho ewig nümm döt gsi.

[Gurgelhals]

dasch nöd schön. das isch fake plastik pathos für emotional aspruchslosi.

Sehr guet, de mues ich mir merke. Chan me no bi viel Bands vo däre Sorte bringe

Bezeichnend: Jenschti 'atypischi' Instrument uf de Bühni, aber es tönt trotzdem genau glich wie all de übrige Indiekrempel. Beliebig i de Musig, beliebig im Ufträtte und dadure total uniformiert

[zwirrlibatz]

das isch schön:


Quelle


Quelle

[thaeye]

DA BEST KONZERT ALLER ZIITE:

11.05.2011 20:00 h Plaza Zürich, Jamie Woon (UK), Plaza, Zürich

[Gurgelhals]

Am Samschtig:

The Human League
16.04.11
Komplex, Zürich



Ich gange
Wänn scho Plastik-Pop, dänn so

[zwirrlibatz]

putzisch dich aber au chli use, gäll.

[Gurgelhals]

putzisch dich aber au chli use, gäll.

Ich bin natürlich im Polyester-Aazug gange

Kein einzige Laptop uf de Bühni -> check.
Praktisch kei "Playback" ab Band oder Sequencer, sondern so guet wie alles (sowiit ich das han chöne beurteile) live mit Keyboards und elektronische Drums gspielt -> check.
En reguläre und total ironiefreie Isatz vo Keytars -> check.
En extrem guet gluunte Sänger, wo während em ganze Konzert wie es chliises Chind euphorisch uf de Bühni hin und her tigere mues-> check.
De Phil Oakey, wo sich am Schluss vom Empire State Human no e chlobigi, wahrschinlich tonneschwäri Moog Liberation umschwingt zum es dilettantisches "Synthi-Solo" ("düüüt" "döööt" "bwjuuuu" "quietsch") anezlegge -> check.
Die beide "Girls" wo inzwüsche zwar bald 50gi sind, aber mich glich geil gmacht händ -> check.
I de Videomontage zum letschte Song irgendwo no de Super Mario Bros. 3 drin gseh -> check.

Alles in allem: Es grossartigs Konzert. Und en Bewiis, dass au schamlose und ironiefreie hochglanz Hitparade-Pop chan super si, wänn en nume die richtige Lüüt mached.

Ah da, de Moog:

[zwirrlibatz]

:maug:

[thaeye]

Die beide "Girls" wo inzwüsche zwar bald 50gi sind, aber mich glich geil gmacht händ -> check.

bisch en sau.

[PacWoman]

http://www.thors-mc.ch/index.php?id=156

oooh yeah

[Vyse]

IAMX, has ebbe mal amne Open Air gseh und no für ok befunde.
Geschtr spontan sKonzert bsuecht. Hmmm, ha halt müesse feschtstelle, dass eigentli seinzig, wo mier würkli zuesait ah däre Band, Keyboarderin isch.

[zwirrlibatz]

30.6. rf zöri:


Quelle


Quelle


Quelle

[zwirrlibatz]

it's like a cocaine binge at mach 5 while having sex with a panther... IN SPACE!!!

[Vyse]

Irgend es Post Rock-Ambient-Gesäusel hüt i dä Boschbar, tönt no ganz gmüetlich.

http://www.myspace.com/wirwarenineno

[zwirrlibatz]

mich mached all genau die bands langsam aber sicher stinkehässig. ha grad husch es plattecover gmacht:

[Vyse]

Chönnti eigentli scho verstah, aber es macht kein Sinn sich desswäge uufzregge.

Wie au scho erwähnt, erwarte ich sälber bi Post Rock kei Inovation.
Die Art vo Musig hät miim Empfinde nah das Raunende vomne Urquäll, wo sich dänn evtl. zu Sturzfluete entfessled als Leitmotiv.
Zuegäh, me chönnt das Motiv sicher anderscht umsetze, aber es isch halt eifach eini, vo villne Forme.

Wänni Luscht uuf anderi Musig han, dänn losi halt anderi Musig und bsueche anderi Konzert.
Im beschte Fall verpflichtet me sich sowieso gar keinere Musigrichtig, Form oder Band sondern lauscht all däm,
wo en authäntischi Regig i eim erzüügt oder dSinn und dEmpfindige schaft uuszfülle.
Was kümmerts mich, obs dänn die tuusigscht Kopie isch oder sOrginal (egal, bi wällere Musigart).

Bzw. dä Mänsch will Melodie si, da isch mier alles rächt, wo die Metamorphose bewürke chann.

[zwirrlibatz]

Im beschte Fall verpflichtet me sich sowieso gar keinere Musigrichtig, Form oder Band sondern lauscht all däm,
wo en authäntischi Regig i eim erzüügt oder dSinn und dEmpfindige schaft uuszfülle.

Was kümmerts mich, obs dänn die tuusigscht Kopie isch oder sOrginal (egal, bi wällere Musigart).

Hä? Entweder ischs authentisch oder kopiert. Drum sind d'Stones hüt no origineller und authentischer und demzufolge für mich bewegender als die xbeliebigscht Kopierband usem xbeliebigschte Genre.

[zwirrlibatz]

und s'problem isch ja nödnume s'kopiere sondern ebe de "reduce und reuse". meischt wird vom original nur de asatz gnoh (oder gar verstande?) und de bis zum letschte usquetscht ohni irgendwas drus zmache. bi de postambientrocker zbsp wär das dänn 5min liislig intro über knapp drü akkörd, dänn wuauaualüüterundlüüter dröhn krabumm lärm und wieder usklinge. und dasch dänn alles wo passiert i die nöchschte 96574946565 lieder.

[Vyse]

sKopiere sött sowieso nöd als Problem gseh wärde und wird hoffentlich nur e vorübergehendi Phase vom Extremindividualismus als verwerflich betrachtet, ahgsträngt, einzigartigs müesse zproduziere.
Kopiere und e Veränderig/Ergänzig vornäh, nach eigenem Impuls oder eigene Idee, das isch öppis schöns und fruchtbars.

Zum reduce und reuse. Ja ok, ohni würkli verstande ha, was me macht, chamme au nöd guet kopiere und insofern passierts sicher schnäll, dass
Musig verschandlet wird.
Aber solang die 96574946565 Songs guet gspillt sind, dä Spannigsboge beachtet wird, dMusiker zspille wüssed, wird sich jede vo dänne Songs gnüsse lah,
solang me grad empfänglich für die Art vo Musig isch. Isch doch gliich, wänns uustuschbar sind.
Und wämme dOhre voll hät und sGmüet nach anderem verlangt, au guet.

Du verlangsch vl. eifach zstarch nach öppis neuem/revolutionärem. Klar, fändi guet und dörf sich jederziit ereigne, aber ich verbisse mich nöd drin inne.

[BrainBug]

weil mer grad beim thema sind


earth mittwoch in köln ( )
bischt auch da?

[zwirrlibatz]

Du verlangsch vl. eifach zstarch nach öppis neuem/revolutionärem.

nei. wenn ich das würd, hätt ich das gschriebe. du liesisch mir eifach die übliche neu vs. kopie ussage ine will nöd wiiter drüber nahdänke und lieber schöni wörter umewerfe willsch. ich han xeit dass mich imitation langwiilet. nöd jede muess immer überall was revolutionärs erfinde. au de millionscht bluesmusiker chan individuell und faszinierend sii. es hört dänn uf wemme eifach nach schablone musig macht. um bim biischpiel vom postrock zbliibe, nüt chunnt a tortoise, sea and cake, long fin kille, gybe, do make say think ane, will die suechendi gsi sind. musig isch tot wenn sie nüt suecht und sich eifach i de genremuschter dräiht.

@brainbug
logisch! löwenkopfhonig!

edit ah ebe: earth sind nämli guet. die sueched de klang, de usdruck, ihri eigeheit.

[PlanetHarrieR]

musig isch tot wenn sie nüt suecht und sich eifach i de genremuschter dräiht.

[Astroboy]

um bim biischpiel vom postrock zbliibe, nüt chunnt a tortoise, sea and cake, long fin kille, gybe, do make say think ane, will die suechendi gsi sind. musig isch tot wenn sie nüt suecht und sich eifach i de genremuschter dräiht.

Top Bands, jedi dervo. Essentiell. gybe würdi gärn mau live gseh. DMST letschts Jahr in Vevey si e Offebarig gsi.
Und ig Idiot bi Tortoise ir Mühli Hunzike nid ga lose .

[Astroboy]

17.05 (Zürich) + 18.05 (Bern): Black Crippled Phoenix
18.05 (Zürich): Metronomy
30.06 (Zürich): Boris + Russian Circles
06.07 (Zürich) + 07.07 (Düdingen): Two Gallants
15.07 (Zürich) Paul Simon

[zwirrlibatz]

Black Crippled Phoenix gang ich denn mal go luege wenns en neue sänger händ und Boris zimli sicher.