zwirrlibatz hat geschrieben:swordfish hat geschrieben:... und mached vielleicht d erfahrig, dass under dene au söttigi gid, wo durchus meh und länger unterhaltig bietet, als vieli für 69 stutz - oder
wenns mal en fehlgriff machid, sind 2.30 nid allzuschlimm... 69 stutz vertubbled z ha, isch denn öppis anders.
aha. und das isch en grund zum i lade stah und finde, dä bättelfield(*) sig viel ztüür.
wahrschiinli nötige edit für s'verständnis:
ersetze (*) dur irgendes beliebigs hochwert spieli wo me sich nöd drüber imformiert hett aber mit em finger druuf zeigt.
Wenn es Gräät we z.B. en iPod Touch mit Fifa druff gsehsch und e PSP mit Fifa druff und die gsehnd gliich uus, denn hesch es Problem der Uufpriis ds rächtfertige. Dänn zeiged d Lüüt we Du beschriibsch mitem Finger uf ds Spiel und säged: "Warum zahl ich 69 Stutz fürs gliiche?"
Nei. Min Punkt gaht ine anderi Richtig.
Jahrelang het mer der Priis für Games eifach zahlt, will Games jetzt halt mal so und so viel choschtet. Die Ziit isch definitiv verbii: der Priis für Games uf de Konsolene und Handhelds mues sich neu rechtfertige, genau wes der Iwata ja au gmacht hät (und mit der Qualität argumentiert het: öppis, wo für Nintendo Games verhebed, aber sicher nüd für Ponyland 3234).
Sony het i dere Hinsicht nu genau gar nüüt gmacht. Im Gegeteil sind Sony ja au a der Priiserhöhig für d PS3 Games (vo 79-89 uf 99 -109)beteiliget gsii.
Ebeso hends jetzt bi der PSVita kes Wort daderzue verlore, we tüür d Games sind und v.a. wie sich der Priis wird rächtfertige laa.
Sie ziehnd überall mit und orientiered sich z.B. am App Store, was d Downloadable Games betrifft. Und genau det hend sie sich i de letschte Monate einigi komischi Sache erlaubt: Plants vs. Zombies und Fieldrunners sind z.B. 2 Games, wos im App Store für d hälfti vom Priis git.
Oder anderscht gseid:
Game Priise sind hüt öppis, wo müend grächtfertigt wärde. Nintendo macht das mit der Qualität und au dadurch, dass sie sich bewusst vom Tablet/Smartphone Bereich fernhaltet. Sony macht mit der Vita ds Gägeteil und übernimmt Konzept vo der Tablet/Smartphone Wält: das einzig, was d Lüüt beidruckend findet, isch d Grafik. Und genau die het das heikelschti Verfallsdatum.
Ich säg nüd, dass sich kes Schwein e Vita wird zuelegge. Ich säg nur, dass der Markt en andere isch, und sich deshalb d Vita wird weniger Verchaufe als d PSP. Ussert, sie setzed brutal uf Exclusives, aber vo wem? 3rd Parties we z.B. Rockstar werded sicher nüd numal das gliich mache und es GTA für en Handheld usedsbringe, nur um denn ds gmerke, dass d Verchäuf schlächt sind und sie ds Game numal müend ufd Heimkonsole portiere.
In my dream, I am the president.
When I awake, I am the beggar of the world.
jetzt muesch höre! 
