vorschtelligsgschpröch bi IT-firma: jeans+tshirt oder jeans+

[chind]

jeans + tshirt oder jeans + hämp?

d'chefe träged jeans + tshirt und d'mitarbeiter au. aber de unterschied zw. mir und ihne isch: sie händ de job scho, ich nonig.
de personalleiter mit dem ichs gschpröch han, bi ihm weiss ich leider nöd, ob er au numme jeans+tshirt treit.
sölli trotzdem i jeans+hämp gah, also ganz ganz liecht overdressed zum zeige wie wichtigs mir isch? was meinsch?

ich bin uf de job agwiese & bruch en unbedingt.

[thaeye]

lieber overdressed als underdressed. löli. isch aber eh alles nur schauspiel

[Tatsujin]

logisch ghat mer im aazug & krawat

[Lowerman]

Also ich wörd generell en Azug für es Vorstelligsgspröch alegge, au wenn im alltag keine muesch alegee. Aber isch nöd mini Branche.

[thaeye]

meistens isch s 1. gspröch ja mit Hr und ohni linievorgsetzte. die sind meistens eh overdressed. also chasch nix falsch mache. sind eh alles hurene.

[Vyse]

Hey Biescht, chomm nächscht Woche au ahd GN.

Schwarzi Hose + Hämp evtl. nöd grad Turnschueh, aber sicher kei Lackschüeli mit Ahzug und Kravatte.

[Tatsujin]

:typej:

[derinderinderinderin]

Bim IT-Job wo ig jitze ha bini in Jeans und Polo (1st) und Jeans und Pulli (2nd) mi ga vorstelle. Wichtig isch vor allem, dass du no aständig usgsehsch und dich i de Kleider wohl fühlsch.

[SinGinSmith]

Sehr gueti Frag und sehr schwierig z beantworte.

Es git miner Erfahrig nah kei allgemein gültigi Vorgehenswis.

Ich bin mi letzschtin uf ere Bank (IT) ga vorstelle, und bin mit Hemd und Krawatte völlig overdressed gsi, würd i im Nachhinein bi DERE Position sicher nüme mache. Bi andere Banke wiederum luegeds di schräg ah ohni Krawatte. Isch sehr situationsabängig vo dem / dere / dene wo di interviewet.

Was d Sach no verzwickter macht: Die einte säget so, die andere so. Aso Hemd unbedingt, die andere säget T-Shirt langet vorig.

[feeshlee]

ich schaffe in jeans und t-shirt. wer sich für dä job bewirbt, woni mache, chunt im aazug, frischer rasiert mit frischer friise.
wänn er dä job hät, chaner mit jeans und t-shirt, drütage-bart und helm-friise cho. mich kratzt das nöd und sin chef gsehts nöd.

[Vyse]

So en Chabis mit dänne Ahzüg, nei würkli. Guet, es isch keis Gheimnis, dass me im Business-Hampelma-Koschtüm sich binere Bank gaht go vorstelle, aber für dä gröscht Teil vo anderne Jobs sött doch eifach es pflägts Erschiinigsbild lange. Miini Nerve, es sött vor allem dPerson im Mittelpunkt stah, siini Art und siini Befähigung bzw. Motivation für en Job (evtl. au siini Not) und de Arbetgäber sött eme guete Bewerber (gliichgütlig wie er Ahzogge isch) wenigschtens Chance gäh, sich zbewähre. (wie ekelhaft ich das au persönlich finde, also generell sSchaffe und Leischtig zdemonschtriere).

[feeshlee]

tja, es isch aber nöd so wies sii sött.

[Vyse]

Ich glaube, immerhin es ganz es bitzeli scho.
Chann mier nöd vorstelle, dass die meischte Personallüütlis würkli derart borniert sind, dass en fählende Ahzug bim Bewerber siini Chance grad uuf 0 sinke laht.
Vill Lüüt händ nöd mal en Ahzug und ich bin überzügt devo, dass es vörig langed halbwägs elegant und gepflägt uufzträtte, sUrteil über en Bewerber ereignet sich bi Personalverantwortliche doch au hauptsächlich im Gspröch.
Sowiit ich weiss, sind Personallüütlis au Mànsche, wo Sympathie chönnt entstah lah usw.

[geosnow]

So en Chabis mit dänne Ahzüg, nei würkli. Guet, es isch keis Gheimnis, dass me im Business-Hampelma-Koschtüm sich binere Bank gaht go vorstelle, aber für dä gröscht Teil vo anderne Jobs sött doch eifach es pflägts Erschiinigsbild lange. Miini Nerve, es sött vor allem dPerson im Mittelpunkt stah, siini Art und siini Befähigung bzw. Motivation für en Job (evtl. au siini Not) und de Arbetgäber sött eme guete Bewerber (gliichgütlig wie er Ahzogge isch) wenigschtens Chance gäh, sich zbewähre. (wie ekelhaft ich das au persönlich finde, also generell sSchaffe und Leischtig zdemonschtriere).

Alles Vorurteil.

[evo]

Ich glaube, immerhin es ganz es bitzeli scho.
Chann mier nöd vorstelle, dass die meischte Personallüütlis würkli derart borniert sind, dass en fählende Ahzug bim Bewerber siini Chance grad uuf 0 sinke laht.
Vill Lüüt händ nöd mal en Ahzug und ich bin überzügt devo, dass es vörig langed halbwägs elegant und gepflägt uufzträtte, sUrteil über en Bewerber ereignet sich bi Personalverantwortliche doch au hauptsächlich im Gspröch.
Sowiit ich weiss, sind Personallüütlis au Mànsche, wo Sympathie chönnt entstah lah usw.

ich ha in mim ganze läbe no nie e azug, ja nit mol e krawatte, a'gha und goht mer prächtig

[O_O]

ich han vorletscht wuche s erschte mal eini ane gha. isch na easy.

[Skeletor]

ich schaffe in jeans und t-shirt. wer sich für dä job bewirbt, woni mache, chunt im aazug, frischer rasiert mit frischer friise.
wänn er dä job hät, chaner mit jeans und t-shirt, drütage-bart und helm-friise cho. mich kratzt das nöd und sin chef gsehts nöd.

genau so isch es. nur han ich kei helm-friise, logisch!

[emP]

Ich ha immer Azug angah bi Bewerbige, logisch.

[NERV]

logisch ghat mer im aazug & krawat

So öppis bsitz ich nöd mal.

[derinderinderinderin]

Profi-tipp: Huet isch e schlechti Idee

[emP]

Profi-tipp: Huet isch e schlechti Idee

ah, en Insider

[Sylvara]

lol ich ha mir für mis letzte bewerbigsgspräch extra e zweiteiler gchauft - jetzt trägis fast niemeh

grundsätzlich bisch mit business casual (örks..) guet unterwegs; krawatte find ich jetzt nid nötig, je nach bude - aber aaständigi hose und hemd sött scho sii. mit jeans würdi ersch nachher cho.

[Avenger]

Jede het mindestens einisch i sim Lebe e Krawatt treit, sofern er is Militär gange isch.

[evo]

sofern er is Militär gange isch.

militär

[Vyse]

ich ha in mim ganze läbe no nie e azug, ja nit mol e krawatte, a'gha und goht mer prächtig

Au nöd, und ha Jobs gha (und ha no eine) i rächt höch ahgsehene Firmene/Institutione.
dSylvara bringts uuf dä Punkt: Für Vorstelligsgspröch Business Casual Wear und guet isch.