Anes Konzärt gah...

[thaeye]

hahah de PRINCE chunt widrmal!!! dasmal aber würkli nimm ich aa. hallestadion, 17.8. mal luege obs für tickets langet.

[BrainBug]

18:30

sehr guet.

gebäude9 isch ja riiiiiesig. aso für d'melvins. det hämer grugged vultures gseh, 7569078650875 lüüt im moshpit. die spinnen die deutschen.

pfoll riiiiesig indeed
gruggedvulturemoshpit

[zwirrlibatz]

pfoll riiiiesig indeed

woooops verwexelt mit dem palladium. das gebäudeneun ist ja der kuschlige motorpsycho stammklub in köln.

[zwirrlibatz]

dEUS
Und zwar am 27. August

USVERCHOUFT!!!!!

aber das macht nüt will mir dä sözel es ticket kauft hett!

[zwirrlibatz]

wobiiii... noii platte => noii tour aso chömeds wohl susch no uf en sprung verbii.

[Astroboy]

Git wiedermau paar gueti (und weniger gueti) Konzert im Herbscht:

September:
- health // 07.09 aarau
- buzzcocks // 10.09 aarau
- handsome furs // luzern treibhaus 28.09
- Primal Scream // @ docks
- Paul Kalkbrenner // @ zürich und bern
- Yuksek // @ zh und docks, lausanne

Oktober
- British Sea Power 12.10 abart

November
- Bill Callahan // 9.11 le romandie lausanne
- Stephen Malkmus and the Jicks // 18.11 abart
- Girls // 22.11 mascotte
- Digitalism // Zürich, Maag EventHall & Fribourg, fri-son - 11./15.11.2011

[zwirrlibatz]

dä malkmus isch en überlegig wärt. bin zwar nie würkli pavement fän xi aber sin solo sach kenn ich chuum.

[Astroboy]

Und dr Callahan und Primal Scream, nid verpasse! Ufe Malkmus fröii mi sehr, Pavement si riesig für mi.
Health chönntsch ou no guet finge, bi aber nid sicher.

[zwirrlibatz]

ahschpieltips für Callahan und Health?



(aargau )

[Astroboy]

Auso bim Callahan losisch am beschte mau i "Sometimes I Wish I Were An Eagle" ine,
es isch Songwriting-Musik chly wiene BP Billy, nur chly weniger düster. Er hett mit dr Band 'Smog' no ziemlech viu Züg gmacht,
woni aber no z'weni kenne, dört muesi de unbedingt mau ou no inelose. Würds würk nid verpasse, er isch ganz gross.
Los mau da - eis vo mine Lieblingslieder vo ihm.

Health isch när eifach chly Noise-Rock, auso Lärm mit Melodie und no chly elektronisches. I kenne se eher nur live,
dört houe si rächt ine. Aber cha ou sii dass di ihres Umfeld chly abschreckt.
Los mau da Oder da.

[zwirrlibatz]

Auso bim Callahan losisch am beschte mau i "Sometimes I Wish I Were An Eagle" ine,
es isch Songwriting-Musik chly wiene BP Billy, nur chly weniger düster. Er hett mit dr Band 'Smog' no ziemlech viu Züg gmacht,
woni aber no z'weni kenne, dört muesi de unbedingt mau ou no inelose. Würds würk nid verpasse, er isch ganz gross.
Los mau da - eis vo mine Lieblingslieder vo ihm.

Nach paar Songs: Ich weiss nöd genau wie säge.... er singt vorallem emal grotteschlecht und nervig. Nervig will ich s'Gfüehl han er macht das extra. So e Dischtanziertheit, emotionslos, abklärt kommentierend. Und das wo ich susch Emobrüller ja hasse, es sei denn sie singed für Hüsker Dü. D'Musig au schlimm, klischee Beat mit 08/15 Harmonie und am Soundarrangement/Instrumentierig au nöd gross umepröbelet. Es isch scho hübsch gmacht aber eifach zu gfällig.
ah die 2 sind bitz spannender: http://www.youtube.com/watch?v=RWl8Li1D ... re=related
http://www.youtube.com/watch?v=yYg6eIH7 ... re=related

aber hett kän Stich zu sägemer Neil Young, Tim und Jeff Buckley, Lou Reed, Jeffrey Lee Pierce, Grant Lee Buffalo, Howe Gelb/Giant Sand, Bob Mould, Nick Drake ( http://www.youtube.com/watch?v=vtyLL_BE-oo !!) ... da fählt s'Herz, de emotional Exzess und vom musikalische her au d'Klass überhaupt. Mir tuets amigs bitz leid wenn sich Lüüt mit so okayem, nätt z'losendem aber zweitklassigem Songwriterzüg zfriedegäbed. Und ich verstah's nöd. Vilech will me sich i Genrenische scho wohlfüehlt und gar nüme mag wiitersueche...

De Woven Hand isch zbsp rächt super und spielt hüt z'Züri
http://www.restaurant-viadukt.ch/
http://www.youtube.com/watch?v=ImvMxXY64EU
http://www.youtube.com/watch?v=m6Vw_REB ... re=related
da chunnt dä herz und seel und bluet und schweiss. als vorband leider d'Legendary Lightness wo Jünger vo dem vorher genannte Gfälligkeitskram sind.
[edit, das isch ja eh s'konzärttopic, lol)

jetz chöme mir grad no die in Sinn, will super und käne hett wele ghöre und sich drum glaubs wieder ufglöst händ:
http://www.youtube.com/watch?v=vX2Xzl6bylc
http://www.youtube.com/watch?v=AlMjvgY4 ... re=related
http://www.youtube.com/watch?v=f2v6PIJZ ... re=related

Health isch när eifach chly Noise-Rock, auso Lärm mit Melodie und no chly elektronisches. I kenne se eher nur live,
dört houe si rächt ine. Aber cha ou sii dass di ihres Umfeld chly abschreckt.
Los mau da Oder da.

iiiiek, digitali verzerrige! und krass zum wele krass sii, quasi s'ander ändi vom gähn.

sorry aber nö-öh.

[zwirrlibatz]

Nick Drake ( http://www.youtube.com/watch?v=vtyLL_BE-oo !!)

he, da deuchts mich grad dass de Robert Smith das au schomal ghört hett...

[zwirrlibatz]

au er weiss: http://www.youtube.com/watch?v=b7pOXUG7 ... re=related

[Astroboy]

Die ziehts haut scho zu de tragische, kantige Figure, hm?
Klar isch dr Callahan ke Drake oder Howe Gelb (-> btw: http://www.heartland.ch/ - chunnsch ou?),
aber ganz so schlächt wiedne machsch ischer auso überhoupt nid.

Dass dr Health nid pässle isch z'erwarte gsi, allzuviu chani ou nid mitne aafa. Ga se de vilech gliich ga live luege (weni scho gratis cha).

Woven Hand würdi gärn, cha aber nid. Und isch eh scho usverchouft.

[Gurgelhals]

Nach paar Songs: Ich weiss nöd genau wie säge.... er singt vorallem emal grotteschlecht und nervig. Nervig will ich s'Gfüehl han er macht das extra. So e Dischtanziertheit, emotionslos, abklärt kommentierend.

Ich würds als "kalkuliert-affektiert" bezeichne: Me wott zwar die grosse Gfühl, aber dänn ebe doch bitte nume so, dass immer au de nötigi Sicherheitsabstand gwahrt wird. Imho isch das "permanente Distanz Wahre" so chli de gmeinsami Nänner vo fascht allem, wo i de letschte paar Jahr so dur s'Popfeuilleton geischteret isch. I däre Mentalität underscheidet sich nämlich d'Kunststudente us de Grossstadt à la Interpol nöd vo de singende Bärt mit Holzfällerhämp us de amerikanische Wildnis, au wänn's üsserlich ganz anders dethär chömed.

Primal Scream sind live defür super. Vor öppe 2 Jahr mal live gseh. De Bobby Gillespie chan zwar erwartigsgemäss nöd sehr viel, aber sie mached en derartige Saukrach, wo dänn doch irgendwie no Groove hätt, dass es eifach geil isch.

[Astroboy]

Also bitte, das hett also ou stark mit der Haltig vo dir als Rezipient z'tüe. Das heisst ize nid dasi dr wott wiederspreche, im Gägeteil. I verstah sogar was du meinsch, aber das isch so sehr abhängig vo wie du säuber a Musik häregeisch und dervo, was du für Aasprüch hesch. So sehr, dass diner Pauschalisierige mitunter eher di beschränkt Approach (sorry, ischmer grad kes angers Wort i Sinn cho - "Heraaga" tönt doof) bedüte als dass das du Distanziertheit/Beliebigkeit eifach so ar gmachte Musik per se chasch vorwerfe. Was i wott aarisse: Diner Vorwürf hei stark mit dire Herangehenswiis (ize hani z'Wort gfunge) z'tüe, und dört muess e Usnangersetzig mit dir säuber stattfinde, wede was wosch verändere(t ha).

[zwirrlibatz]

Die ziehts haut scho zu de tragische, kantige Figure, hm?
Klar isch dr Callahan ke Drake oder Howe Gelb (-> btw: http://www.heartland.ch/ - chunnsch ou?),
aber ganz so schlächt wiedne machsch ischer auso überhoupt nid.

ich mach en nöd schlächt. ich beschrieb was ich ghör und vergliichs mit vergliichbarem viel besserem. wie findsch dänn de neil young jeffrey lee pierce nick drake usw? und vorallem, d'lift to experience?

heartland sind mir zviel bands wo ich nöd kenn (und aber drfür wahrschiinli z'ähnlich, sprich ermüedend) zwiit ewäg.

Woven Hand würdi gärn, cha aber nid. Und isch eh scho usverchouft.

ah dräck. passiert mir ir letschti zviel gopfertami.

de gurgel hett übrigens rächt. und ebegrad hett's mit em rezipiänt sii tatsächlich was ztue! nämlich mit wieviel musig me so lost und dadedrum chan relativiere was wert hett und was nöd. als vielquerbeethörer schuelt me sich ja überhaupt und dänn schtiigt halt de aschpruch. isch ja logisch eigetli.
die kalkülierti dischtanziertheit springt mir au is ohr. ok vilech chan de callahan au nöd anders und macht limonade us zitrone, was türli es völlig tadellos okayes kalkül isch. aber als hörer und beurteiler ebe siehe vorher, da gitts für eim eifach bessers spannenders intensivers im agebot.

Primal Scream, da chönnt ich gah, grosse lärm mit pepp.

[zwirrlibatz]

"kalkuliert-affektiert"

siehe de postrock topic. es isch nüme zum ushalte was eim da um d'ohre ghaue wird.

[Astroboy]

I bi halt eifach e Popsau. Für mi isch d'Melodie im Vordergrund, Sperrigkeit überwindi nur schwer, ömu im Moment. Pop heisst für mi übrigens aber überhoupt nid Aaspruchslosigkeit, bzw. Eifachheit - im Gägeteil.

Du wärsch dumm, wede nid az Heartlands chiemsch. Ke Band wie die angeri (isch letschts Jahr ou scho so gsi. Qualitativ sehr homogen, nämlech uf uhuere höchem Niveu, aber Stilmässig sehr wit usnang zT) und z'Setting und d'Soundqualität isch schwiizwit i de Top 5 vo mine Konzerterlebnis. S'isch imne alte Casino/Konzertsaal grad näbm See, mir hei z'Hostel 10m näbedran scho buechet .

Lueg, Heartland 2010:

D'Vorhäng wäre rot und dr ganz Saal isch henne schön. Es isch so super, grad Kilbi-Level sogar.

[zwirrlibatz]

I bi halt eifach e Popsau. Für mi isch d'Melodie im Vordergrund, Sperrigkeit überwindi nur schwer, ömu im Moment. Pop heisst für mi übrigens aber überhoupt nid Aaspruchslosigkeit, bzw. Eifachheit - im Gägeteil.

Zämehang? Jetz bringsch alles durenand. Hett doch niemert vo eifach vs sperrig gredt. Ich han klippundklar vo Passion und Usdruck gschriebe.

Eifachheit heisst überhaupt nöd langwiilig. Aber ebe det isch ebe d'Cleverness und Meischterhaftigkeit vom Songwriting zfinde. Sind teilwiis minimschti Detail. Pop isch kei Freibrief für Eifachheit. Unterschätze Musiker wie Hörer ständig. Drum isch Zweitklassigs mit sire Eifachheit z'"entschuldige" en Dänkfähler. Es gitt eifachschti Musig wo brillant isch und anderi plätschert banal und vor sich hii, beides mit de gliiche drü Akkörd. Chunnt druf ah was me us dene macht. Pixies zbsp, super. Oder Pavement wo mer's grad gha händ drvo. Damon Albarn, the Cure, de Beck, de Bowie, de Lanegan, de Pierce, Flaming Lips, Motorpsycho, the Clash... De Neil Young macht mit 5 Lagerfüürakkörd 30 fantastischi Albe. Oder Pink Floyd wo millionemal bombastischer klingt als es i sire kompositorische Struktur tatsächlich isch. Au en Art Genius. Ich bin absolut Popsau und grad will für mich d'Melodie im Vordergrund staht, langwiile mich wilds Gitarregewidelidüdel genauso wie die tuusigscht alliminiäntli Melodie.

Sperrigs mag ich nöd us Prinzip aber drfür sicher Einiges wo anderi als sperrig empfinde. Polvo, Tar, Don Caballero etc solangs nöd de bekloppt Mathrock isch. Will umgekehrt isch "aspruchsvolli" Musig nämli nöd es Chrüsimüsi vo tonal abentüürliche Skale über 11/16 Beats. Dream Theater etc gäääääääähn, will das isch zwar schwer z'spiele aber als Konzept plumpschtlächerlich eifach. Im Gägesatz drzue Melvins, Tool und King Crimson, wo zum spielerische Handwerk ebe au no wüssed was es guets Lied isch und mit em Schnäbi und öppe au mit em Lulz spieled. Oder dänn grad Hella oder Flimmer, die sind eifach luschtigi Chaote.

Heartland nö, ich trau dim Urteil langsam nüme so.

[Astroboy]

Bisch e Clown - als hättsch ihm jemals trout .
Bezüglech Pop simer üs einig, das isch schön z'gseh und du schribsch da ire Klarheit Sache, woni eigch gärn säuber so ha wöue usdrücke, sehr super. I ha nur mängisch chly dr Iidruck, nur wöu öppis halt nid so aaspruchsvoll isch, dass es vo teune als per se schlächt aagseh wird. Aber mi Brüetsch isch es Musik-Talent (Gitarre + Klavier) und ghört us Songs Züg use, woni so niemals feststelle, äbe wöu är das technische Wüsse ou hett. Dört geit mr e Dimension abhande, wo sicherlech ou no öppis usmacht. Er fröit sech aube immer no, we e Band es Riff übernimmt, wo zwar scho tuusigfach gspiut isch worde, aber ihm huere gfaut. I bi da äbe nid viu angers, dir anschiinend aber ou nid, wasi guet finge. Cha mr ou vorsteue, dass sech das bi mir über die witere Jahre graduell ou wird ändere und d'Rezeption bezüglech Handwerk und, nenne mrs eso, Passion, e angeri Bedütig berchunnt. Ömu sehr e spannendi Usnangersetzig mit öich, wie ig finge.

[zwirrlibatz]

Handwerk naja.... Die einte Tumme lueged Musig als schlächt ah wo spieltechnisch nöd aspruchsvoll isch und die andere Tumme lehned spieltechnisch Hochstehends prinzipiell ab. Drbii sötts eifach kän Rugel spiele. Pfrag isch öb d'Musig en Charakter hett. Und mit de gliiche Elle löhnd sich verschiedeni musikalischi Absichte eh nöd mässe. Drum säg ich nöd, dass zbsp Tool besser sind als de Callahan. So Müll würded jetz Dream Theater Fans verzapfe. Mir als Musiker muess au niemert öppis vom Mr Superinstrumentalischt mit dene wahnsinnige Soli verzelle. Respäkt für d'Disziplin bim Erlerne, aber schlussendli... was söll das? Wenns nöd würkli en eigne Charakter hett wie sägemer es Drumsolo vomne Neil Peart oder es Implentiere vonere Übertechnik im Bandzämespiel als kompositorisch neugierig suechends Prinzip wie bi Tool, Rush oder King Crimson, dänn ischs eifach billigs Showing Off.
Mir fählt bim Callahan was ich bi vergliichbare Künschtler ghör, nöd zletscht ebe es Verlah vo de naheliegendschte Grooves und de obligate Slidegitarre i normalschte Moll-Melodieli und dänn no es truurigs Trompeteli det und es lottrigs Piano da. Das isch nöd z'eifach an sich, sondern es sich z'eifach Mache. Drum Buckley, Beck, Drake, Young, Pollard u.a.

Als alleroberschts schätz ich die kompositorisch "Technik". Bzw bi de einte isch es analytisch, anderi macheds physisch zum Buuch use. Au das wieder en schlussendlich irrelevante Unterschied. Ich erwarte in keinschter Wiis, dass mit jedem Stuck s'Rad neu erfunde wird. Wenn Black Mountain es Riff vo Black Sabbath klaue = geil! Wennscho chlaue, dänn mit Stil. D'Young Gods bediene sich fröhlichscht bi de Pink Floyd und Motorpsycho bauet e 20jährigi Karriere uf genaudäm.

[zwirrlibatz]

ZÖRI ABART 15.8.2011

S

E

B

A

de lou wird immer meh zum neil young. soppr gsi.

[thaeye]

morn de prince. erwarte bombast (mit glitterrege bi purple rain, *we love you geste* und allem wueste ) vom feinste. hoff mal er isch einigermasse guet gluunt, den spielt er uf dere tour au gern mal es 3stündigs konzert. haet abr au sötigi geh woner nachere halb stund weg schlechter tontechnik widr abghaue isch.

[zwirrlibatz]

3 öbe nachenander xeh gha. a 2 für gäld, a 1 für froid.