Fallout: New Vegas

[zwirrlibatz]

de Afang im 3 isch grossartig gsi, aber nach ca 7h ischs mir säb ja verleidet.

De New Vegas gfallt mir bis jetz besser - nach ca 5h und Vegas schiint immerno wiiiit wäg z'sii - und das vorallem wäg de Type, au wenns vo Setting und Atmosfäre her wieder kän Stich gäg de Stalker hett. Aber vo Vegas sälber han ich ja no nüt gseh. Bis jetz i de Mojave Wüeschti isch alles sehr gsetzt und ruhig. Mich erschtuunt, dass de und de Vorgänger bi de Lüüt so guet achömed. Ich bin ja ehner de Endless Ocean als de Bayonetter aber für mich dörfts gern meh Remmidemmi ha.
Radio han ich off. Aber no kän Custom Score. Muess wahrschiinli im Gägesatz zu anderene da d'Songs umbenamsle.

D'Jason Bright Quest findi rächt guet. Aber umnomal uf das RPG-Gewürfel zrugg cho, ich han en Typ nöd chöne überzüüge will nur 24/25 Barterpünkt gha. Hans sii lah und d'Quest anders glöst. Ich hätt aber au chöne völlig zämehangslos chöne go uflevle, Geckos kille oder wasimmer, zum mir so dä letscht Barterpunkt sälber zueteile und wieder zrugg ihn go "überzüüge" chöne. Komplett Gugus eigetli und gliich s'Herz vo so Spieli. Früehner zbsp bim Vampire han ich nödmal en Huuch vomne negative Gedanke drah verschwändet, türli au will schier Näbesach näb all dem Guete det. Aber jetz wägem Spector Interview im Maniac. Grrrrr.... Jedefalls schiint me da entweder de Skill zha oder nöd und das isch's dänn. Bin nonie gscheiteret trotz em Skill, drbii muess die "Gfahr" imne Dialogbaum doch latänt vorhande sii. Dass me sich verschnurre und sälber Müglichkeite versperre chan. Im Witcher gitts das glaubs wenn ich mich nöd grad tüüsch aber die ganze Hintergrundberächnige (kA was de Fachma/frau seit) brchumi det eh nöd mit bzw die bliebe ebe im Hintergrund.

Bugs etc han ich fasch nüt. Mal irgend e komischi Animation aber das ischs scho.

[zwirrlibatz]

The Good

* Incredibly huge and detailed world, loaded with stuff to do
* Side quests are mostly terrific and brimming with personality
* Faction reputation system leads to incredible flexibility
* Great atmosphere, in and out of the Vegas Strip
* Your choices have palpable consequences.

das dörft langsam mal afange.

[Moff]

es git enorm vieli nebequests und die sind au alli sehr guet underand vernetzt, so dassmer sie guet findet. das isch ja eine vo mine kritikpünkt am vorgänger gsi.
leider sind die gröschteteil ziemlich belanglos und teilweis sogar nedmal uf MMORPG niveau.
was ich bsunders schlimm finde, es git selte bis gar nie entscheidige zum treffe. ned ide main story und au ned ide sidequests. bioware het das doch so guet wie ibürgeret, dassmer jedi quest mit verschiedene konsequenze chan löse. au uf dialög womer verschiedeni positione chan ineh à la gothic trifftmer so guet wie gar nie. es isch gröschteteils es abhake vo gsprächoptione. s'einzige war new vegas da bütet isch dassmer en situation chan löse indem mer iets barter/speech/ oder science brucht zum was mache, und dasch eifach nur langwilig.
was bsunders schlimm isch, wennmer mal was chan uf verschiedeni arte löse isch alles enorm uf NCR usgleigt, NCR outposts hend en handvoll quests zum löse und LEGION outposts hend gröschteteils gar nüt womer chan mache sondern det chamer höchschtens eifach es quest anäh zum de ander NCR outpost kabutt mache. enorm enttüschend. zumal anschinend NCR eh überall ominpräsent isch und mer total de tubel isch wennmer sich für LEGION entscheidet. isch also ganz und gar ned durdacht und schlussendlich hetmer gar kei wahl als sich de langwilige NCR aschlüsse und gege legion kämpfe. us dem grund han ich iets mal uf sidequests verzichtet und mcahe eifach stur mainquest wiiter.

ich hoffe schwer da chunnt na was.

[h4xX0r]

saudreck ich will legion werde

[Skeletor]

ich han scho 12stunde und finds wieder absolut mega

aber fairerwies muässi sägä, ich verstand diä meiste kritikpünkt völlig. aber uf dä konsole gits eifach für mich nix wo besser isch. han zwar au bitz meh erwartet, aber schlussendlich isch es eifach es fallout 3.1. jänu. mir machts enorm spass.

[Moff]

sobaldmer id nöchi vo vegas chunnt wirds immens besser, krass. mer wird überschwemmt vo nebequests wo teils enorm guet gschriebe sind. han sogar recht glachet teilwis
iets hoffi nur na mer chan sich richtig ufd site vode legion stelle und mit dene ga dörfer brandschatze, mit machete zivilischte abschlachte und a chrüz ufhänke und das spiel isch alles wonich mir devo erhofft han.
es schint amel enorm umfangrich z'si, fallout 3 het ja chum nebequest gha, und da sinds sicher hunderti, alli guet vertont und vor allem vollkomme ohni copy & paste leveldesign wie zB d'metro us fallout 3. bin recht gspannt iets, han eigentlich welle d'main story witer mache aber han iets so viel interessanti nebequests am laufe,dassi mindeschtens na ein tag demit beschäftigt bin.

[h4xX0r]

geil! ich mach en neue charakter (mit hacke lockpick und schüsse, melee isch ja voll für d'füchs und langwiilig) und spiele evil

[Moff]

han glese melee seig voll imba weg de owerpower attackene oder wie die heissed.
ich han guns gmacht aber sowit ich gsehne sind energy waffe s'beschte.
lockpick und science (zum hacke) würdi aber uf jede fall pushe.
und speech sowieso, das isch i jedem rpgs immer s'erschte woni maxe.

[Gurgelhals]

Ich bin nonig wiit, han 10 Stund gspielt bis zu de REPCONN-Facility und jetzt aber mit eme neue Charakter namal agfange, will de erschti chli farkig gsi isch (isch tümmer, im Hardcore-Modus z'spiele und dänn de Small Frame-trait z'wähle - d.h. me wird schnäller zum Chrüppel für en mickrige AGL-Bonuspunkt Usserdem han ich d'Skills nöd ganz optimal gwählt und au mini erste Perks sind chli verschisse...).

Aber: Ich finds jetzt scho klar besser als s'Fallout 3 und zwar schlicht und einfach deswäge, will d'Spielwelt irgendwie Sinn macht und nöd eifach e zämehangslosi Asammlig vo unpassende und unlogische Ideeä isch (sorry, aber ellei scho Megaton isch damals e Beleidigung für jede nöd komplett verblödeti Spieler gsi). S'Primm-Sheriff-Quest isch z.B. scho mal viel besser als so ziemlich jedes Fallout 3-Quest, wo höchstwahrschinlich de Schluss vom Spiel beiflusst. Bi de Katastrophedesigner vo Bethesda hett's da e klari gueti und e ebeso offesichtlichi bösi Entscheidig gä; bim Primm-Quest isch es völlig offe, welli Lösig sich als die "besseri" erwiise wird. Und das isch erst de Afang. So mues es si. Sprachusgab und Writing isch tatsächlich au besser, gwüssi NPCs händ würklich so öppis wie en glaubwürdige Charakter (die eint Karavanefrau i de Bar vom erschte NCR-Outpost isch es rächt guets Bispiel, wo scho relativ früeh im Spiel chunnt). Usserdem isch s'RPG-System wieder chli stränger, VATS isch nüme gleich Cheating, usw. Sehr guet.

Ich han zwar nach wie vor chli Müeh mit gwüssne Gameplay-Element, wo müehsam bzw. nöd durchdacht sind bzw. eifach irgendwie hiipfuschet würked. Aber ellei d'Tatsach, dass für d'Gstaltig vo de d'Spielwält und für s'Script-Writing ganz offesichtlich nüme totali Vollidiote zueständig gsi sind, macht das Spieli scho viel, viel besser als s'Fallout 3, wo i däre Bezeihig eifach e totali Verarschig gsi isch.

E Frächheit isch lediglich wiederum die totali Chrüppelengine, wo am Laufmeter Glitches und Scripting-Bugs produziert, offebar pro Siedlig nöd meh als 6 Bewohner chan rendere, nach wie vor Gsichter und Animatione us de tüüfschte Tüüfe vo de Höll produziert und es Interface zum Devolaufe hätt. Es chan ja würklich nöd si, dass me bi usnahmslos jedem Bethesda-Spieli z'erscht mues mindestens es halbs Dutzend Mods installiere, zum immerhin es paar vo dene technische Mängel z'behebe.

Item. Rächt guet bis jetzt und de Möff seit ja, es wird dänn spöter erst richtig guet. Chan also nöd klage. Isch natürlich keis Fallout 1 oder 2, aber immerhin wieder en grosse Sprung i die richtig Richtig. Fallout 4 wird dänn wahrschinlich wieder e Katastrophe, will bi dem ja wieder Bethesda am Hebel isch. Aber ich freu mich dänn halt wieder uf s'Obsidian-Sidequel, wo dänn wohl wieder s'richtige Fallout 4 wird, wie au s'New Vegas offebar s'richtige Fallout 3 isch.

[h4xX0r]

han glese melee seig voll imba weg de owerpower attackene oder wie die heissed.
ich han guns gmacht aber sowit ich gsehne sind energy waffe s'beschte.
lockpick und science (zum hacke) würdi aber uf jede fall pushe.
und speech sowieso, das isch i jedem rpgs immer s'erschte woni maxe.

im 3 sind sie paralyzing strikes scho voll de exploit gsi. häsch am gröschte nuttesohn chöne 2 füscht inedrucke umd ernisch zämeklapped.

[zwirrlibatz]

Ich han zwar nach wie vor chli Müeh mit gwüssne Gameplay-Element, wo müehsam bzw. nöd durchdacht sind bzw. eifach irgendwie hiipfuschet würked. Aber ellei d'Tatsach, dass für d'Gstaltig vo de d'Spielwält und für s'Script-Writing ganz offesichtlich nüme totali Vollidiote zueständig gsi sind, macht das Spieli scho viel, viel besser als s'Fallout 3, wo i däre Bezeihig eifach e totali Verarschig gsi isch.

Müglich isch halt au, dass d'Marktforschabteilig em Zielpublikum nüt zuetraut bzw de Pengpenghueregeilmöngel hätt wele abhole.

E Frächheit isch lediglich wiederum die totali Chrüppelengine, wo am Laufmeter Glitches und Scripting-Bugs produziert, offebar pro Siedlig nöd meh als 6 Bewohner chan rendere, nach wie vor Gsichter und Animatione us de tüüfschte Tüüfe vo de Höll produziert und es Interface zum Devolaufe hätt. Es chan ja würklich nöd si, dass me bi usnahmslos jedem Bethesda-Spieli z'erscht mues mindestens es halbs Dutzend Mods installiere, zum immerhin es paar vo dene technische Mängel z'behebe.

Hud & Interface sind müehsam. Mod daher! Ich bin jetz aber in Freespace oder -town o.ä. e Agglo um Vegas proper, det hetts doch paar meh Lüüt ume.

[Master(G)]

ich spieles nöd. zu gross dem spiel. fallout 3 hani au nie fertig gmacht.

[zeromeier]

ich spieles nöd. zu gross dem spiel. fallout 3 hani au nie fertig gmacht.

en fehler, isch super spiel.

[Master(G)]

ich spiele lieber castlevania... oder vanquish no es zweits mal... ich chan nüme 3-4 wuche am gliiche spiel hocke, das langwiilt mich.
aber ich glaub scho, dass es es super spiel isch!

[Gurgelhals]

...bzw de Pengpenghueregeilmöngel hätt wele abhole.

ich spieles nöd. zu gross dem spiel. fallout 3 hani au nie fertig gmacht.

Das hätt offesichtlich nöd funktioniert

[Master(G)]

[sidusson]

vegas, super spili isches, vom friti a bis am di wirds abgah

[Skeletor]

all mögliche schund games spiele, aber wenns dänn mal würklich es guäts hät, dänn spielt ers nöd, wills z'gross isch

[Moff]

Ich freu mich, hüt zobe gangi paar vaults ga usräuchere.
Hend im 3 d'companions au so viel dialogha und eigeni quests? Gfalltmer guet in new vegas, es paar sind aber völlig overpowered

[zeromeier]

Ich freu mich, hüt zobe gangi paar vaults ga usräuchere.
Hend im 3 d'companions au so viel dialogha und eigeni quests? Gfalltmer guet in new vegas, es paar sind aber völlig overpowered

hüt abig spielt bayern.

[zwirrlibatz]

...bzw de Pengpenghueregeilmöngel hätt wele abhole.

ich spieles nöd. zu gross dem spiel. fallout 3 hani au nie fertig gmacht.

Das hätt offesichtlich nöd funktioniert

Mich erschtuunt, dass de und de Vorgänger bi de Lüüt so guet achömed. Ich bin ja ehner de Endless Ocean als de Bayonetter aber für mich dörfts gern meh Remmidemmi ha.

[Gurgelhals]

Ich mach mal en chlini Lischte mit unverzichtbare Mods:

• MTUI: Macht s'Interface echli erträglicher. Sind "nume" liechti Verbesserige für s'Standard-Interface, also nöd bahnbrächend, aber immerhin en erste Schritt: http://www.newvegasnexus.com/downloads/ ... p?id=34902
• D3D9 Performance Fix: Bringt massivi Performanceverbesserige und behebt au no es paar chlinneri Grafikfehler. Und zwar ohni Ibuessige bi de Grafik, will die offizielli Direct3D-dll offebar schlicht und eifach verbuggt isch (:roll:). Nvidia-Version: http://www.newvegasnexus.com/downloads/ ... p?id=34778 / Ati-Version: http://www.newvegasnexus.com/downloads/ ... p?id=34970
• Realistic Lighting and Color: Ersetzt die "erwachseni" bruun-gääl/urinfarbigi Fargebig dur es natürlichers Belüchtigsmodell, so dass d'Wüeschti Nevada au würklich wie en Wüeschti usgseht: http://www.newvegasnexus.com/downloads/ ... p?id=34831
• Centered 3rd Person Camera: Ersetzt die beschissnigi "über d'Schultere"-3rd Person Kamera dur e zentrierti Kamera, wo me au viel wiiter usezoome chan, so dass s'3rd Person-Feature endlich au bruchbar isch: http://www.newvegasnexus.com/downloads/ ... p?id=34744
• Better Binoculars: Gitt am Feldstächer en grössere Zoom, was ihn nüme komplett nutzlos macht: http://www.newvegasnexus.com/downloads/ ... p?id=34715
• Unlimited Companions: Für wänn me meh als nume eis Partymitglied will ha (weischno, wie im Fallout 1 und 2): http://www.newvegasnexus.com/downloads/ ... p?id=34870
• Inventory Sorters: Sortiert d'Gägeständ im Inventar nach Typ (Büecher, Heftli, Food, Chems, usw.). Absolut unverzichtbar! http://www.newvegasnexus.com/downloads/ ... p?id=34950
• No Karma loss when you steal: Chlaue ohni Karmaverlust. Theoretisch en Cheat, aber es gitt so viel Stelle im Spiel, wo Gägeständ rot markiert sind, obwohl's überhaupt kein Sinn macht (z.B. bi de Powder Gangers wänn me de Fraktion feindlich gsinnt isch), drum eigentlich au notwendig: http://www.newvegasnexus.com/downloads/ ... p?id=34929
• Brighter Pip-Boy Light: Besseri Taschelampe. Au unverzichtbar! http://www.newvegasnexus.com/downloads/ ... p?id=34776
• Bottle That Water: Für Hardcore Modus-Spieler. Wasser trinke gitt e lääri Fläsche im Inventar und die lääre Fläsche chönd dänn a Wasserquelle wieder ufgfüllt wärde (verstrahlti Wasserquelle gitt logischerwiis Dirty Water, suubere Wasserquälle Purified Water und es wärded automatisch alli Dirty Water dur suuberi ersetzt): http://www.newvegasnexus.com/downloads/ ... p?id=34840

Das wär's mal für de Afang. Zum Glück gitt's Mods. Sie mached s'Spieli grad viel besser

[zwirrlibatz]

TexasFöze +100

[Master(G)]

ich has hütt mittag gliich kauft :typej:

aber erscht muenis phenomenale castlevania dure ha...

[zwirrlibatz]

ich has hütt mittag gliich kauft :typej:

super, und dänn hebsch grad am gurgel sini mods drüber.