Deus Ex Human Revolution

[derinderinderinderin]

Was mich am meischte beidruckt isch die detailverliebtheit, schier ungloublich.

[Reinforced]

s'düecht mich gseht viel besser us als im leak. evtl hett det de dx11 nöd gfunzt oder ich han no en iidruck vo vor mim grafikchartewächsel aber wie au immer

was isch dein din Graka vorher nachher?

[Moff]

vom gameplay her ischs wahnsinnig guets, komplexes, mehrschichtiges leveldesign womer jederzit die verschiedene möglichkeite vorgfüehrt bechunnt ohni dass sie aber ufgsetzt würked. mer gaht sin weg dure und chan spiele wiemer will ohni sich igschränkt oder ufere bahn zfüehle, wahnsinnig guet.

ich zB han 7 sekunder unsichtbarkeit und en voll usgrüschteti silencer pistole und bin schon unbesiegbar, megen.

[zeromeier]

d'städt wirked bitz tod, das isch schad. und grafisch (gsichter) isches fasch scho retro.

susch hervorragend, logisch.

[Moff]

Vode story, dialög und charaktere her bini also alles andere als begeisteret bisher. Da het de erschtling halt scho bedütend meh.erinnerigswürdigs botte. Sglich gilt fürd locations.

[h4xX0r]

ich finds steril, chalt und emotionslos.

[Moff]

Ja guet das ghört chli zu deus ex, i dem na viel meh. Da bisch schliesslich meh maschine als mensch, was wiederum es hauptthema vode präsentierte konflikt isch.

[Master(G)]

grad welle säge, das muess so si...

[Moff]

Bisch scho wit master? Ischs lang? Gits na paar hübschi locations und twists ide story? Bis iets bestätiged sich scho mini befürchtige dass mer sich i paar gelbe lagerhallene dur en lahmi story durekämpft

[derinderinderinderin]

Truurigscht Moment bis jitze (Nachdem me der eigete Wohnig d'Mails glese hett)

sie hei mir der Hund igschläferet

[Master(G)]

ich spiele jetzt scho knapp 12. bin grad am hafe von hengshua und versueche ufs schiff zcho. 2 vo dene 3 bösewichter hani scho umglah. ich glaub das gaht scho no es wiili. sind ja sicher nomal 2 bossfights. grafisch veränderet sich aber nöd würkli meh viel. es sind scho hauptsächlich die 2-3 city-hubs und suscht eher lagerhalle, labor und sewers und so. die bonus-mission vode CE hani no gmacht, im noodle-shop.

langwiilig findis jetzt aber nöd. bloss dstory hett en wändig gno, woni bitz lächerlich find. aber easy.

[h4xX0r]

Ja guet das ghört chli zu deus ex, i dem na viel meh. Da bisch schliesslich meh maschine als mensch, was wiederum es hauptthema vode präsentierte konflikt isch.

will ich e maschine bin sind alli rund um mich ume au maschine, händ animatione usem letschte jahrhundert, redet wie buchrednerpuppe und händ ganz "lebendigi" Dialög?

[zwirrlibatz]

dialogbaum:

- cold
- sympathize
- empathize
- confront
- charm



=> emotionslos. okey.

[h4xX0r]

denn söttets es viellicht au no umsetze. oder muess ich's ächt uf dütsch spiele?
überall lieged kartonschachtle ume. tonnewiis kartonschachtle. händ die kei abfuehr? alles isch gäl, alles isch voll kartonschachtle. und jedes gländer ebstaht us chugelsicherem glaas. da chönnt mer meine, die chönntet sich mal es butzfrau leischte.
technik us em 2006. schad.

[derinderinderinderin]

denn söttets es viellicht au no umsetze. oder muess ich's ächt uf dütsch spiele?
überall lieged kartonschachtle ume. tonnewiis kartonschachtle. händ die kei abfuehr? alles isch gäl, alles isch voll kartonschachtle. und jedes gländer ebstaht us chugelsicherem glaas. da chönnt mer meine, die chönntet sich mal es butzfrau leischte.
technik us em 2006. schad.

Spoiler: Unter jeder gfüehlte 20schte Schachtle isch öppis versteckt.

[Moff]

Achso du meinsch animatione, ja das stimmt scho. De wo sowas suecht isch da eh falsch, teil 1 het bin release au scheisse usgseh

[Master(G)]

aso scheisse usgseh tuets jetzt sicher nöd....

[O_O]

aso scheisse usgseh tuets jetzt sicher nöd....

du spilsches uf de xbox, es muess scheisse usgseh

[Master(G)]

[zwirrlibatz]

bis jetz (bin immerno z'detroit) machts für mich nüt schlechter als de erschti teil. eigetli genau alles gliich sowiit. d'stadt isch wieder chli und nöd sehr beläbt und es gitt kei tag und überall litt halt grümpel ume. letschters ghört sich halt so i dä dystopische wält. sogar i de eigete wohnig liged kartongs sinnfrei ume. als hud erinneret d'spielwält sehr a vampire bloodlines und dasch gar nüt tumms. ich hätt gern en GTA konkurrierende sprawl aber drfür gahts dänn no i anderi städt, was denn am änd vilech öppe die gliich gross spielwält ergitt. oder au nöd. näbesach.

s'dureschliiche find ich bitz z'eifach mit de augs. dänn aber entscheidet me sich grad drum für die augs. im gamedesign da e stringänti aber gliich useforderndi balance zfinde isch nöd eifach.

grafik uf pc mit max (sowiit mine gaht) isch solang me nöd ufe luegt. de modestil isch super. mit dene paisley iilage a de schultere. vili oberfläche sind rächt featurelos aber grafik isch für mich nie es pixelzähle gsi. ah ja @Reinforced, vorher 8800GT und jetz GTX 550ti, nix überhi-end aber s'tuet wunderbra.

[h4xX0r]

scho so. ich finds halt chli schad, dass d'grafik so iifaltslos isch. bis jetzt häts kei moods. alles isch gliich uusglüchtet. Nix isch bedrückend und nix isch spannend. ich tuen immer schliche, bis mich entdecked und denn bring ich alli um. h4xxle tuen i au jede computer. isch no fönni und gitt exp und cash, nervt aber sicher bald.
tja ich weiss halt au nöd, ich finds eifach z'leblos. da hät das düdelidüdeli 16bit hacknslash-RPG wo ich uf em iPad spiele no meh pepp.

wie spieled ihrs? uf Deus Ex, Challange oder uf Enjoy the Experience?
ah ja d'gegner sind UHUERE dumm. öppe Bulletstorm-Level.

[zwirrlibatz]

ich tuen immer schliche, bis mich entdecked und denn bring ich alli um.

das isch ebe dumm. so wirsch em spili nöd grächt. mach entweder/oder, das konsequänt und spezialisier dich uf din stil. das isch ja dr gäg. kei wunder bliibts blass für dich.

[Master(G)]

ich spiele uf Challenge (aso Normal), die goldeni mitti halt.
leider gitts keis game plus, ich hätt so gern nomal mit allne upgrades vo vore agfange

edit: ich mache voll uf ninja. wenns mi gsehnd, schiissts mich alligs so ah, dassi de letscht save nomal lade.

[Asskicker]

has geschter fertig gspillt - story hui, grafik pfui.
Wobi, ganz so schlimm isch es scho nöd. Was aber ganz ganz schlächt isch, sind die low res filmli uf PC und vorallem wänn irgend wo aneflügsch - d hüser gsehnd us wie schwarz agmaleti ufsteller

s game a sich: 8/10
d grafik: 6/10

[Buccaneer]

Mer chan ja Missione mehrmals mache. Chan mer denn au wenn mer z.B. Mission 7 gmacht hed nomal Mission 1 mache mit dene Upgrades und Augs wo mer scho gholt hed? Das wär no fönny und würs s Spielerläbnis extrem erwitere.

Oder chönnt i am Afang eifach Mission 1 tusig mal Spiele um meh upgrades und augs zbecho?