[HD] A1 BluRays chaufe & abschpiele - wer machts?

[chind]

Chauft öppert vo eu A1 Region-Locked BluRays? Früener zu de DVD-Ziite häts ja au im europäische Ruum viel Lüüt gäh, wo R1-DVDs kauft händ und R2 völlig iñoriert händ. Vor allem wäg em PAL-Format und will R2-Versione oft weniger Extras gha händ oder gschnitte gsi sind. Damals hät me sich eifach en codefree DVD-Player gholt, fertig.

Was mached die Lüüt jetzt? Soviel ich weiss sind BluRay-Codefree-Standalone-Grät längscht nöd so verbreitet (gits es überhaupt?) wie DVD-Codefree Player.
Sinds die Lüüt uf Software-BluRay-Player umgschtige (die chammer ja glaubs easy unlocke) oder was?

Ich will mer äntli mal e chlini Filmsammlig alegge - BR aber au DVD. Ich will am liebschte sowohl all BluRay-Regione und all DVD-Regione chönne gseh. Was mahe?

[Acid]

Logisch. Ich chan alli Regions abloh, BR A, B und C und DVD sowieso alli. Dezuä cho bini miteme Codefree Umbau, wo sagähafti 250.- Stutz koschtet hed. Nid grad billig, aber ebä... Damals isches übrigens au so gsie, dass de Umbau nur bi Panasonic alli BR Zonä hed chönä freischaltä, Umbau für Sony oder diä anderä üblichä Markä sind zwar au möglich gsie, aber det isch nur DVD absolut Codefree gsi, und bi BR nur A und B, was natürlich au langed, wemer nüt usem asiatischä Rum will (ussert Japan), oder det nur diä nimmt wo eh kei Code händ. Ich han halt eifach alles welä, und öb jetzt Sony, Panasonic oder was weis ich ischmer eigentlich zimlich wurscht gsie. Öb das immer no so isch wüssti jetzt spontan nid grad.

LG grät werded glaub au no oft umbaut abotä... billiger sind diä aber au nid.

Bi de hütigä Prisä für BR Player wärs, wenn kei Platzmangel hesch, aber au en gueti Variantä eifach halt zwei Player zuezlegä, 1mol Europa, und eimol US z.B.
Will suscht gisch glich vil us (meh wiä 250.- choschtet en günschtigä jo glaub au nüm...), hesch aber nur ei Player, und bimene Wechsel oder Schadä, wärs besser hetisch zwei.

[Uriel]

Wenns über en PC willsch mache, denn gitz z.B. AnyDVD HD, mit dem Du d Regionalbindige chasch uflöse. Ich han au scho vo Freeware Programm ghört, wo das gliich chänd, aber no keis dervo uusprobiert.
E gutei Quelle für so Sache isch übrigens immer ds doom9 und ds rcp1 Forum.

Das Programm da isch eis vo Doom9

[chind]

merci acid, merci uriel.

de nerv hät au mehreri abschpielgrät - i dem fall isch das hüt au quasi-standard für lüüt wo platz händ, aight.
@uriel, ne, han scho e hardware-lösig gsuecht, ussert ich hett jetzt würkli erfahre, dass software-lösig hützutags die überwiegend mehrheit usmacht, was es anschinend nonig isch. jo und doom känni, han det 2003 min dvdplayer usgwählt, geili database händs yo.

[Acid]

Ja, wenn Platz hesch würdi eh mehreri Grät neh... es sei denn natürlich willsch irgendwiä High End Modell wo ein Player 2000 Stutz choschtet oder so, denn chämti das natürlich chli tür.


D Software Lösig dunktmi aber au no schick, grad wemer so wiä ich sowieso de besser Bildschirm am computer hed wiä de womer BR druf luegt. Villicht muesimer mol extra für das windows instaliere.
Will ich bruch de BR Player würklich nur will BR und codefree DVD id gönd ufem Mac.

[Vyse]

Dörfi churz hijacke?
Was wär dänn en empfehlenswerte Player so für 250.- (müesst nöd Codefree si)?

[ritschi]

http://www.toppreise.ch/index.php?varFr ... 7&a=211150" onclick="window.open(this.href);return false;

[Vyse]

wiiteri Vorschläg ?

[Acid]

D PS 3 isch i ihrem Prissegment eigentlich scho immer en guete BR Player gsie... am Afang ischsi sogar bi vilnä Tescht unter ähnlichtürä usägstochä. Vo dem her kei so dummä Hiwis vom ritschi. Allerdings bestohd bi derä keinerlei Möglichkeit für en Umbau uf Region Free... wenn das aber sowieso kei Option söll sie oder zumindescht blibä, denn isch das jo egal.

Ich würd jetzt mol behauptä, wobi ich absolut kei Technikfreak bin, und mir irgendwelichi Chlinikeitä i irgendwelchä Bereich relativ glich sind, dass i dem Prissegmänt eigentlich meh oder weniger alles vo de üblichä Markä chasch neh, und alles öpä glich guet isch... picksch de usä wo am sympathischtä isch, gisch schnäll bi Google i, zum luege öber kei für dich relevanti Nochteil hed (wiä z.B. nur analogä Stereousgang (wenns das jetzt no gid... minä hed das z.B., aber für mich egal, will ich sowieso Stereo über Chopfhörer inäziä), du aber es Surround System hesch wo kei Ton über HDMI unterstüzt), wenn das nid de Fall isch, chasch glaub öpä devo usgoh dass nid wahnsinnig öpis falsch machsch.