Gits das? (Egoshooter mau angers)

[Astroboy]

Hamer grad überleit,
dass ja vili vo de Egoshooter, wo ir letschti si usecho, dr Spiler als Elite-Soldat (öb ize real oder futuristisch) i d'Schlacht schicke.
Hamer när überleit, dass es eigentlech no geil wär, e Shooter z'spile, wome sech vo ganz unge aafaht ufekämpfe.
Also zB i de Favelas mitere Knarre/emne Mässer aafaht und sech när ufearbeitet bis zum Profikiller. Mau chly was anderes als das "for the government/specialops/wevstheworld"-Setting.

Gits das? Es wär scho explizit dr Wunsch nach "Egoshooter", und nid Adventure oder so.

[Uriel]

Ds Kingpin: Life of Crime isch damals i die Richtig gange.

[Gurgelhals]

Früehner sind doch die meischte Egoshooter i däre Art ufbaut gsi. Also weniger storytechnisch aber im Bezug ufs Gameplay: Me fangt mit ere Pistole und eme Mässer a, dänn gitt's dänn mal en Schrotflinte und es liechts Maschinegwehr und die grössere & stärchere Gschütz chömed erst spat im Spiel. Also de klassischi PC-Egoshooter - Doom, Quake, Wolfenstein, Marathon, Half-Life, Unreal, SiN, usw. Isch halt im Ziitalter vo "maximal zwei Waffe im Inventar" und "press X to win" nüme so gfrögt... Aktuell erfüllt wohl am ehnschte no de STALKER die Aforderige, bi dem isch me am Afang e Null, es killt eim so ziemlich alles und d'Usrüschtig isch miserabel und am Schluss isch me de Messias vo de Zone.

Ah ja, weniger bekannt aber i däre Beziehig au no guet sind s'Requiem: Avening Angel und s'Wheel of Time gsi.

Und s'andere sind dänn halt die Ego-Shooter, wo RPG-Element ibauded und so de Ufstieg vom Spielercharakter entsprächend stärcher zur Gältig chunnt. Jedi Knight isch da sicher es Paradebispiel und dänn natürlich System Shock und Deus Ex, wobi die dänn eigentlich scho meh RPG als Shooter sind.

[zwirrlibatz]

Die Mongientwicklig gseht me am Turok. I de erschte beide Spieli fangsch mit Schlotterchnü und Mässer und Pfiilboge ah bis die beschte Waffe vom Universum findsch und denn au immer verfüegbar hesch (!!!), will d'Gägner immer krass0r werded.


Quelle

De letschti Teil büütet grad vo Afang ah de 2 Waffe ufsmal elite söldner mucki idiote schrott. Drum spiel ich usserem Duke kei nöii Egoshooters meh.

Metroid nöd vergässe!

[zwirrlibatz]

ah aber em astroboi sim favelas setting chämted de Stalker und de Half Life nööcher. und dä Metro 2033 vilech no, han ich aber nöd bsunders wiit gspielt. und de Bioshock, da bisch ja au irgendsen heini wo ine unpässlichi situation gratet.

[damian]

gta?

[Reinforced]

angers man früener isch alles besser gsi bi egoshooter. =/richtig

[Astroboy]

Danke öich für d'Vorschleg. Ha leider so Grusel/Schock-Shooter nid gärn,
aber luege sicher mau i z'einte oder angere Game ine.

[zwirrlibatz]

dä half-life kännsch aber?

[Astroboy]

Klar, hani aagfange dermit. Ha voremne Zytli ds ganze Package kouft,
sött mau das wieder fürenäh.

[derinderinderinderin]

Ig würd dir no No one lives forever as Herz lege.

[geosnow]

Sin isch au no luschtig. Soldiers of Fortune gaht au no.

[zwirrlibatz]

Klar, hani aagfange dermit. Ha voremne Zytli ds ganze Package kouft,
sött mau das wieder fürenäh.

din neu avatar >>>>>>>>>>>>>>>>>>>>> din alt avatar

[Astroboy]

Isch dr Typ gsi us 'The Breakfast Club', eine vo mine Lieblingsfiume ;(.
Aber gäge d'Hendricks hett halt fasch nüt e Chance..

[zwirrlibatz]

Isch dr Typ gsi us 'The Breakfast Club', eine vo mine Lieblingsfiume ;(.

ich weiss, bin au mal jung gsi. wie sie aber d'ally sheedy am schluss "verbessered", hett dä film für mich kabuttgmacht.

[Astroboy]

Wahr, das stört mi ou hüt no weni ne wiedermau luege.
Aber trotzdem ischer, näbm Bueller, öppis vom Grösschte für mi, was Genre+Dekade aageit.