Underschätzti Läbesmittel

[Gurgelhals]

Es gitt so einigi. Zum Bispiel die da:



Ich mach maximal 2x im Jahr eini, wänn nöd sogar weniger. Und jedes mal frög ich mich, werum eigentlich nume so wenig. Kein einzige Grund gitt's nämlich. Sie sind unbestritte super und d'Zuebereitig chönnt nöd eifacher si. E WOrscht wo s'Fett regelrächt usesprützt, wänn me sie verschniidet! Viel besser gaht's gar nöd!

Was gitt's no? Säg!

[zwirrlibatz]

Mängisch gitts nüt Bessers. Früschs, warms, chnuschprigs, chüschtigs Brot. Tuusig Arte gitts. Vollchorn, Zopf, Goldkorn, Siebeschrotchorn, Roggebrot, Olivebrot, Früchtebrot, Laugebrot, Nussbrot, Härdöpfubrot...

Zum Zmorge, als Biilag, als Crouton, als Dessert http://www.schweizerbrot.ch/de/brotgenuss/desserts.html und überhaupt gitts keis Ässe wo e bitz Brot nöd drzueghört. Ohne Brot näbem Täller isch jedes Mönü für nüt.

[zwirrlibatz]

FIGUGEGU!

[emP]

Suppe mit Gmües drin. und dadermit meini e selber zuebereitete Pot au feu. Use ir Chälti gah spaziere/wandere, duss am Für e Pot auf feu mache. E Moment im Läbe!

[evo]

mi vatter macht filicht die bescht minestrone ufem planet

[emP]

- Wurscht/Chässalat! guetgmacht extrem guet. Genau wie Härdöpfelsalat wenner guet gmacht isch, es Feschtesse cha si.

[emP]

- Wurscht/Chässalat! guetgmacht extrem guet. Genau wie Härdöpfelsalat wenner guet gmacht isch, es Feschtesse cha si.

Mousch ubass in Gastronomie. Dert woner günschtig isch, bechunnsch meischtens dicker gschnittnä
Lyoner als Wurscht verchouft statt zb vor Cervelat.

Mit Gruyère findnä am beschtä

wurscht chässalat chasch au guet selber mache. mit Greerzer, logisch. und Cornichon!

[putzfrau]

pot au feu chasch no abrunde miteme guete südfleisch drin. sehr fein isches

[lakritz]

[Sephi]

Sojasauce isch sehr ungerschätzt - me cha ganz vil guets demit mache!

[Chäller]

En eifache, früsche grüene Salat mit ere guete selbergmacht Salatsauce.

[zeromeier]

En eifache, früsche grüene Salat mit ere guete selbergmacht Salatsauce.

Wahr, megen. De kolleg macht die bescht salatsauce vom eus bekannte universum

[Acid]

Wenn schön Frisch und Saftig

[mousch]

Pferdefleisch!!

Sehr wenig ässeds. Debi gids fasch nüt bessers.

es Pferde Entrecôte, inne no schön Rot mit ere schöne Chrüterbutter...

[ritschi]

limette

[BrainBug]

schlange, alligator

[emP]

alligator

eher elefant, würdi säge!

[Chäller]

- Röslichöhl
Isch das nur bi mir im Umfeld so, oder händ das vill Lüüt tatsächlich nöd gern?
Röslichöhl isch soooo mega. Unfassbar geil. Zum Glück isch grad Saison

[Astroboy]

Kenne praktisch niemer wo das gärn hett; fasch aui mache e wite Boge drum.
Aber chunnt scho druf aa wieme's zuebereitet, chürzlech hani im Rahme vomne Wild-Menü durchuus gniessbare Röselichööli gässe,
aber bi däm vom Grosi hett's mi aube schier glüpft.

[evo]

s problem vom röslichöl ishc dasser viiiiiiel schlimmer in dr nase schmeckt als nacher im muul. schreckt enorm ab.

[emP]

eis vo de wenige gmües woni würklich fasch muess chörble.

[derinderinderinderin]

Jedes Gmües im Universum > Fenchel

[Chäller]

Shit...Gits öppis bessers als Röslichöhl aadämpft mit chli Zwieble und Speck?

[putzfrau]

röslichööl isch sehr super. mini frau häts aber nid gern...

[emP]

Shit...Gits öppis bessers als Röslichöhl aadämpft mit chli Zwieble und Speck?

ja, fasch alles andere wo essbar isch.