Rüehrei

[emP]

Tummi Frag viellecht, aber wie machsch?

Ig klassisch mit Ei & Chli Milch, nach em feschtige, Salz, Pfeffer und Muskat Nuss.

Was i ebe gern hätti, wär das es no chli sämiger wird. Chäs hani o scho probiert, isch aber nid ganz so cho wieni ha wölle. Rahm hani o scho gno, machts aber natürlich nid grad liechter.

[Sylvara]

eier mit milch verquirle
butter aaschmelze
eiermasse drii und lah aastocke, nid wild umerüehre
uflockere und dreihe
salz & pfeffer drüber, wegnäh bevor zu trocken


kolleg vo mir isch gourmet-chef in Züri und meint, es mues i die chalt pfanne und so langsam erwärme....

ganz schlimm ischs mit irgendwelche pflanzeöl anstatt butter, das geit garnid.

[emP]

eier mit milch verquirle
butter aaschmelze
eiermasse drii und lah aastocke, nid wild umerüehre
uflockere und dreihe
salz & pfeffer drüber, wegnäh bevor zu trocken


kolleg vo mir isch gourmet-chef in Züri und meint, es mues i die chalt pfanne und so langsam erwärme....

ganz schlimm ischs mit irgendwelche pflanzeöl anstatt butter, das geit garnid.

also chunt d Sämigkeit dadüre das alles wirld verrüre und so? Da isch es numme es mechanisches Problem?
Ig teschtes mal us. Flüssigkeit i die hhalti Pfanne. Ok. Er isch le Chef.

[h4xX0r]

ich zeigs der wie mers macht, so und nöd andersch:


Quelle

wenn eimal so gmacht häsch, machsch es niemeh anderscht.

[Sylvara]

dr Gordon, sehr guet. und er macht o alles zersch mit butter in dr chalte pfanne, also on/off schiinbar...

@emp
für d'konsistenz wettsch halt eifach es gliichmässigs gmisch, drum bruuch ich scho vorher e schneebäse.
me cha natürli o nonstop mit irgendwas drin umerüehre, wie dr Gordon - bi mine pfanne lahni das lieber und maches vo aafang aa. chunnt o nid schlecht so und ebe, achtung zviel hitz.

[Schummelschumi]

ich has rüärei am liäbschte wänns ei direkt id pfanne ghaue wird und denn au nid komplett verrüärt isch. so wirds nid e einfarbigi masse.

[emP]

Crème fraîche. Wieso nid?

Ja, glaubs das mittem langsam schint wichtig dsi. Was si das für Pilze, ig verstahs nid?

wenn eimal so gmacht häsch, machsch es niemeh anderscht.

Ich habe eben Deine Worte markiert....

[Sylvara]

wenns eso schön glänzt und uusgseht, bisch in dr regel goldrichtig
hans megagern so, nid alles total zum brei verüehrt.

[emP]

I fruss itz grad sone Teller.

[Tatsujin]

ich tuen amigs abröötlete späck oder au chliini salami stückli drinini rüehre, und na mit dünschtete zibbele gmischt au megen. isch bereits es ganzes menue. chönti grqd es kilo im topf devo vertrucke

[TypeJ]

lieber es geils omelett

[emP]

Gitts eigentlich au es Rezept mit 5g Oliveöll und Magerquark?

[O_O]

Ergebnisse für es rührei rezept mit füüf gramm olivenöl und magerquark
Keine Ergebnisse für es rüehrei rezept mit füüf gramm oliveöl und magerquark gefunden



chönt mer quickpost i dem forum au no aktiviere?

[zeromeier]

wenn eimal so gmacht häsch, machsch es niemeh anderscht.

es gsed irgendwie falsch us so

[emP]

Ergebnisse für es rührei rezept mit füüf gramm olivenöl und magerquark
Keine Ergebnisse für es rüehrei rezept mit füüf gramm oliveöl und magerquark gefunden



chönt mer quickpost i dem forum au no aktiviere?

no pain, no gain!

daher sicher nid!

[Chäller]

wenn eimal so gmacht häsch, machsch es niemeh anderscht.

es gsed irgendwie falsch us so

Das liit primär dadrah, dass de Choch en Engländer isch. Mer muess sich bitz überwinde...aber de Gordon isch eine vo de Guete.

[zeromeier]

wenn eimal so gmacht häsch, machsch es niemeh anderscht.

es gsed irgendwie falsch us so

Das liit primär dadrah, dass de Choch en Engländer isch. Mer muess sich bitz überwinde...aber de Gordon isch eine vo de Guete.

grad i dere sekundä hani hunger becho, warschiinlich willi a ässe dänkt han

[kraut]

Ja, glaubs das mittem langsam schint wichtig dsi. Was si das für Pilze, ig verstahs nid?

är seit "fat cap mushrooms". i würd mau säge das isch ke bestimmti sorte, sondern äbe eifach settigi mit grossem huet.

aber shit, superigs rezäpt. pilzli, creme fraiche und schnittlouch!

Gitts eigentlich au es Rezept mit 5g Oliveöll und Magerquark?

[emP]

Ja, glaubs das mittem langsam schint wichtig dsi. Was si das für Pilze, ig verstahs nid?

är seit "fat cap mushrooms". i würd mau säge das isch ke bestimmti sorte, sondern äbe eifach settigi mit grossem huet.

aber shit, superigs rezäpt. pilzli, creme fraiche und schnittlouch!

Gitts eigentlich au es Rezept mit 5g Oliveöll und Magerquark?

Sorry btw. D Frag müesst lute 5g Oliveöl ODER Magerquark. Alles andere wär dekadenti Völlerei.

Ig mache das am Sunntig. Es geils zmorge würdi meine.

[Mastler(P)]

ich zeigs der wie mers macht, so und nöd andersch:

edel. mal probiere.

[Tatsujin]

[emP]

Am Häxx sis Rezept gmacht und für guet befunde. Sehr sogar.

Allerdings gitts irgenden variante mit Chäs drin woni mau gah wo also au sehr fein isch gsi. Blibe am Ball!

[Sylvara]

@Tatsu

Bier-perle-consultant?

[mousch]

Rüerei machi au gern, und ja es gid en Diät Version, vor grad verdrückt:

250ml Eiklar
1-2 normali Eier
nach beliebe Würze

Finito!

Durs Fett vom Eigelb bruchsch au kei zuseätzlechs Öl me. Und wenn de EMP würklech mit Olive Öl tuet brötle, ghört er sowiso inne Mülltonne!!

Richtigs Rüerei machi natürlich mit Butter, oder no besser, Späck abröttle, ner wenner schön knackig isch us dr Pfanne nä, ds Fett wo sech abgsonderet hed aber dinne lo, und denn mit dem d Eier brötle.

Sache wosech übrgiens super eigne imne Rüerei:

Pilz
Schnittlauch
Tomate

Letschters isch zwar nid so min Fall, das unger Umständ wässerig chönnt wärde, gschmacklech harmonierts aber ebe no guet.

Zwible ghört für mich irgendwie nid ines Rüeri inne, zu dominant, macht de Gschmack vom geile Ei kabutt.

Ajo no zur Konsitzenz: Ar Sylvara ires Bild isch öbe perfekt, es darf nid grad ganz flüssig si, aber ja nid zu troche, chli füecht und saucig, demit me am Schluss no mit eme Stück Vollkornbrot chan durrefahre ums ganz fertig ds mache...

[emP]

. Und wenn de EMP würklech mit Olive Öl tuet brötle, ghört er sowiso inne Mülltonne!!

OLOLOL

Grad dopplet tumm. Hesches halt scho eher i de Arme und nid im chopf, gäll?