Blind Guardian - und ähnliches (meh Pagan!!)

[Buccaneer]

Hey lönnd das Töpic nid stärbe. Bruched da chli es Gägegwicht zu dem ganze Technogschmäus:

Im Februar usecho. Hans mir nonig kauft aber bin chli am inelose:


Weiss nonig was i devo söll halte. Gfallt mir irgendwie sehr guet, obwohl ich die alte besser gfunde han. Vorallem wenn d Frau singt bini nid so Fründ devo. Sie chan super singe, kei Frag. Aber möched witer so und ihr wärded als Nightwish-Cover abgstämpled. Nach wie vor gfalled mir die alte Instrument halt super. Fühl mich bim lose gad ine anderi Zyt versetzt.

Wie wärs wenn mir ab jetzt würded echli afa bewärte? Ähnlich wie im Movie-Topic?
Skala 1-5 oder 1-10?

Das Album bis jetzt:

4/5
8/10

[zwirrlibatz]

lieber em rafi ex-elüveitie sini neu gugge => http://www.youtube.com/watch?v=ykey2J5e0Lk" onclick="window.open(this.href);return false;

(würkt vilech chli gstelzt da, isch privat voll en feine)

[Buccaneer]

Country = überhaupt nid mis

Aber isch würkli no fräch. Wird mir hüt gad paar Lieder vo dene alose. Aber s Video wo posted hesch... naja

[evo]

Bruched da chli es Gägegwicht zu dem ganze Technogschmäus:

i fänds no frisch häts paar lüt wo au uf biz moderners technogschmüus stön

[Astroboy]

i fänds no frisch häts paar lüt wo au uf biz moderners technogschmüus stön

Was meinsch dermit?
Luke Abbot, Jon Hopkins, Legowelt, Ken Ishii, Fritz Kalkbrenner? Chume halt eher us dr ambient/dronige Site (Boratto, Basinski, Gas usw.) Bi no nid huere heimisch i dem Beriich was ds gezielte Lose vo 'herterem' Züg aageit, aber mir chöi üs, vilech imne angere Thread, gärn drüber ungerhalte.

[Buccaneer]

Bruched da chli es Gägegwicht zu dem ganze Technogschmäus:

i fänds no frisch häts paar lüt wo au uf biz moderners technogschmüus stön

kusch... denn mach din eignig Fred uf. Abfahre hie!
Hed doch viel Techno-Fründe da im Forum nid? Han scho s Gfühl wenn mi da chli durelise. Aber chans nid beurteile, das Genre kenn i sowas vo nid...

[evo]

ha het sicher viel technofründ da inn abber s sin ebbe alles fründ vo 19xx-1992 techno.

@astro: ja so öppe in die richtig. eifach grundsätzlich chli moderneri elektronischi musik in de bereich tech-/deep house, techno und minimal wobi s letschtere ja vielmehr e konzäpt als genre isch. ruig au hertere shit ala adam beyer, len faki, dvs1 etz. i mach glaub wirkli mol e topic uf.

[Buccaneer]

ha het sicher viel technofründ da inn abber s sin ebbe alles fründ vo 19xx-1992 techno.

@astro: ja so öppe in die richtig. eifach grundsätzlich chli moderneri elektronischi musik in de bereich tech-/deep house, techno und minimal wobi s letschtere ja vielmehr e konzäpt als genre isch. ruig au hertere shit ala adam beyer, len faki, dvs1 etz. i mach glaub wirkli mol e topic uf.

So da:
http://thegforum.ch/viewtopic.php?f=24& ... 23#p140123" onclick="window.open(this.href);return false;

und jetzt fahr ab mit dim Teggnogedöns!

[evo]

du bisch rächt hässig hütte. hesch zviel masseffect gspielt?

[Buccaneer]

du bisch rächt hässig hütte. hesch zviel masseffect gspielt?

Äbe nid! z Wenig! Entzug und vorgester hani müesse Troja luege Han jetzt mitem Mass Effectler 2 agfange und d Miranda nonig chönne bürschte! Maccht mi gad hässig. Nei isch chli en müehsame Tag bis jetzt . Aber abem Füfi wird wieder besser.

Hoffe aber, dass ich dir mit eme eigne Fred han chönne en Freud mache

[evo]

mittel freud. die zynisch formulierig und t droge sitehiib hätsch könne weg loh.

[Buccaneer]

mittel freud. die zynisch formulierig und t droge sitehiib hätsch könne weg loh.

Naja das sind so Vorurteil wo eifach de zue ghöred! Eine wo Reggea losst isch en Hippy und en Kiffer, eine wo Teggno lost schmeisst pille, eine wo Metall losst hockt de ganz Summer ime dunkle Zimmer...

Und ich finde zwei drü lieber vom Kalkbrenner würkli guet. Und wahrschindli gids no meh Teggno wo mir wür gfalle, han mi bis jetzt eifach nid demit usenandgsetzt.

nimmsch du Droge evo?

[evo]

nimmsch du Droge evo?

logisch. 24/7 bini druff

[Buccaneer]

nimmsch du Droge evo?

logisch. 24/7 bini druff

Gar nid guet so öppis. Gsesch Voruteil stimmed also doch. Nei Seich. Isch halt so mit de Vorurteil. Aber reded mer i DIM Topic witer.

[Pombaer]

S neue Elu Album fingi auso no rächt guet, paar igängigi Songs.

Dr Rafi Kirder hani letscht Friti mit sim Brüetsch zäme z Dietikon als Vorband für Fiddlers Green gseh. Red Shamrock. Cover vo Inis Mona heisi o gspielt. Halt sehr instrumental gsi, aber schöni musig

[Buccaneer]

hehe Red Shamrock findt mini Fründin huere guet. Nid schlächt gstuned hani.

[zwirrlibatz]

nimmsch du Droge evo?

logisch. 24/7 bini druff

[zwirrlibatz]

This is pagan, acoustic prog-folk, sounding more overwhelming than a black metal band, with the whimsical contrast between the angelic voice of Bobbie Watson and the exalted and guttural voice of Roger Wootton, and includes songs of death and bloody sacrifices to ancient gods, with cultured finishes of strings and horns.

http://www.comusmusic.co.uk/" onclick="window.open(this.href);return false;

pagan - metal + akustischi instrumänt = super

[Pombaer]

Vorletscht Samschti het ja Agalloch o z Dietikon gspielt. Verdammt geil isches gsi. Sogar meh oder weniger unplanmässigs 2 Stunde Set. Muesi umbedingt wieder ga luege wesi id Nöchi chume..

http://www.youtube.com/watch?v=iPzcE6CuHDs" onclick="window.open(this.href);return false;

[Buccaneer]

so guet:


Quelle

[Pombaer]

Dueni das Topic mau usem Grab hole.

Wie findeter ds neue Wintersun Album?

[Sephi]

Ischmer mittlerwile bitz zvil umegedüdel - aber überrascht hetsmi gliich positiv. Grad Sons of Winter and Stars het es paar unfassbar gueti Teile drinne wo am Albumtitel alli ehr mache. Er spilt mit Zit/Tempo/Takt wie chuum öpper anders i dem Genre - gar ken dumme ischer der Jari. Loses sicher no es paarmol düre - wenn das Album wie planet vor 6 Johr oder so wär usecho hätti warschinlech no uhuere Fröid dranne gha.

[Vyse]

Känns nöd, die wenigi mal, woni Wintersun glosed han, hani immer gfunde, dass rächt guet fäget.
btw. Insomnium hät au es neus! O_O

:edit: Summoning werchled au siit me Wiili amne wiitere.
Ich glaube das sind Olifante, wome glägentlich im Hindergrund mitröhre ghört.

Quelle

[Sephi]

De Mir Dautas Vras, hani früener es Zitli ir Playlist gha

Da s neue Wintersun-Gedüdel! Interessant wirds ab 3 Minute, no meh ab 4 Minute:


Quelle

[Pombaer]

Finde ds neue Wintersun Album persönlich no guet. Mir als Symphonisches-Zügs ala Nightwish Hasser fasch chli z vil, aber dennoch guet.

Letscht Wuche einigi Lieder (uA o ds obe) live gseh am Heidenfest. Live sisi also nomau idrücklecher. Gärn nomau und o gärn lenger

@Insomnium: E fantastischi Band. Chani immer wieder lose und findse geil. Leider verpasst letscht Winter ir Schwiz. Chöme hoffentlich bald wieder. Zurzyt sisi ja gloubi ufere Amerika Tour