[spiritualität] meditiere und eso züg

[Herr Rossi]

das vo hüt überall ufzwängte positive denke

du empfindsch das vilichtg so i dim umfeld, isch ja okay, aber bitte hör uuf mit dem gjammer

@vyse
super spruch

@astroboy
mini gedanke dezue.... soziali vereinsamig dank virtueller globalisierig. alles isch immer verfüegbar etc.
mer gid sich gar kei müeh meh de ander zverschtoh oder zumindescht zreschpektiere
familiepolitik fördere wär was, tabutheme nid is lächerliche zieh

wo gsesch du d ursache dezue?

[thaeye]

Diskussion gleich gjammer, ja also grad du wo amigs so globalisierigskritisch bisch und chli ufem freeman sinere siite umesurft, sött wüsse was Kritik heisst und wie meh demit sött umgah. de hellscht schinnsch mer nöd z siii und diskursfähig erst recht nöd. da chasch nah lang chli eine uf menschefründ mache, häsch s gfühl wenn alli indoktriniert sind vom "positiv" denke, gits mal irgendswo en änderig. ich gsehn de eso kack eher als Instrument zur glichschaltig.

übrigens lueg mal wievill Geld mit "positivem Denke" gmacht wird, eventuell au en ahaltspunkt für dich kritische Mitbürger.

[thaeye]

D Inflation vo psychische Erchrankige isch nid vo de Hand zwiise.

Und a was, diner Meinig nah, ligt das?

am negative denke!! logisch. sind nie die üüsere umständ schuld sondern du selber! häsch ja alles selber i de Hand ! wenn chli positiver bisch chunt alles besser, du verlüürsch nie din Job, beziehige blibet ewigs und au de Weltfriede isch grettet.

[Astroboy]

Bi Depressione hett me gueti Erfahrige gmacht, in dem me de Betroffne eifach jede Tag mitemne riesige Grinse im Gsicht seit, dass sie söue positiv dänke.

[thaeye]

ja depressivi lüüt sind aber au chrank. begriiife sött mehs.

[Astroboy]

Muesch eifach ds negative loslah, de hesch ke Depressione meh!

[Herr Rossi]

Diskussion gleich gjammer, ja also grad du wo amigs so globalisierigskritisch bisch und chli ufem freeman sinere siite umesurft, sött wüsse was Kritik heisst und wie meh demit sött umgah. de hellscht schinnsch mer nöd z siii und diskursfähig erst recht nöd. da chasch nah lang chli eine uf menschefründ mache, häsch s gfühl wenn alli indoktriniert sind vom "positiv" denke, gits mal irgendswo en änderig. ich gsehn de eso kack eher als Instrument zur glichschaltig.

übrigens lueg mal wievill Geld mit "positivem Denke" gmacht wird, eventuell au en ahaltspunkt für dich kritische Mitbürger.

leider isch mitere vorgfertigte meinig e diskussion gar nid möglich, drum wirkt dis verhalte da inn uf mich wie gjammer. negativs passiert sowiso jede tag, de mues mer sich das nid no künschtlich erschaffe.
ich cha mit esotherik au nüt afange obwohl mich s thema interessiert. für DICH isch positivs dänke offesichtlich mit öpis negativem verchnüpft, isch ja okay. aber nomol; UF MICH wirkts erbärmlich. es künschtlichs problem, vilicht es wohlschtandsproblem, aber du weisch das sicher vil besser bzw hesch der dini meinig dezue scho längscht i schtei gmeisslet.

[Herr Rossi]

Muesch eifach ds negative loslah, de hesch ke Depressione meh!

so isches. vergässe muesch es ja nid, nur nid s schwergwicht druf legge. chasch natürlich au ewigs dich am negative feschthebe.

aug; ich has gfühl mir beide meined haargenau s gliche, nur isch die definition "positiv denke" nid die glich

[thaeye]

namal ganz eifach:

Dunkelheit/licht
schwarz/wiis
en münze haet zwei siite
gnau so wie mir mensche, mir bestönd nöd nur us positivem.

aber ebe chasch mir au wörter is muul lege. natürli isch zwanghafts negativs denke schlecht, isch ja au en chrankheit.

und vowege vorgfertigte meinige, das haet jede. i wellere welt lebsch du, du häsch kei meinig ?isch sogar wichtig inere Diskussion das standpünkt ufenandprallet. aber ja angst vor konfrotation isch au es merkmal vom "zwanghafte" positive denke.

[Astroboy]

wo gsesch du d ursache dezue?

Weiss doch ou nid. Komplexi Aaglegheit. Was früecher normal isch gsi, isch hüt ufm autistische Spektrum, e Zwangsstörig oder e Psychose. I meine das nid primär wärtend, s'isch eifach nur so, dass i Regione wo es Chrankheitsbild e Name berchunnt (Guet ersichtlich a ADS/Autismus/Asperger), i de jewilige Gebiet i de nächste Jahre ou d'Diagnose massiv i d'Höchi schnelle. Si wäge dem d'Mönsche chranker/gsünder/gstörter/normaler worde als vorher? E differenzierti Ufschlüsselig und somit e quantitiativi Zuenahm vo verschiedene Diagnose und Chrankheitsbilder führt zwangsläufig ou zure Erhöhig vor Aawendig vom entsprechende Label, was imho e Grund fürne Zuenahm vo (Diagnosene!) vo psychische Chrankheite isch.
S'hett sech nid nur ds Verhalte vo de Lüt gänderet, sondern ou d'Kategorisierig (/Stigmatisierig) vo Zueständ und Verhaltenswiise. I würd also d'Ursache für dini "Inflation vo psychische Erchrankige" nid primär nur im sech Verändere vo de Lüt ufgrund externale Faktore us ihrem direkte Umfeld ga sueche, sondern das ganze chly imne grössere Kontext versueche z'gseh, äbe z.B. i dr Beschaffeheit vomne Gsundheitswäse/dr gsellschaftliche Iistellig gägenüber Diagnose/Verhalte.

Aber womüglech isch ja die bösi Globalisierig, ds Starre uf Handybiudschirm und ds Spiele vo Killergames schuld a allem Übel. Eifach(er) wärs.

[Mastler(P)]

das vo hüt überall ufzwängte positive denke

du empfindsch das vilichtg so i dim umfeld

genau. ich nimm das gar nöd so wahr, wie du das immer veralgemeinersch, aug.. guet ich kenn au kei eso wanna be indianer tantene..

aber geg das vo hüt überall ufzwängte positive denke, ja geg das wehr ich mich, will das d lüüt kritikresistent und au realiltätsfremd macht.

ich verstah wo du herchumsch, jedoch isch realiltätsfremdi epis wo du subjektiv als solchi abtuesch dur dis eigene bild vo dä realität
dini realität isch sowieso ganz eh anderi als zb. die vom ne junglebewohner.

da han ich au grad es guets zitat, wämmer grad chli mit gschiede wort wönd ume eus schlah:

2 x 3 macht 4, Widdewiddewitt und Drei macht Neune!! Ich mach' mir die Welt, Widdewidde wie sie mir gefällt.

[Herr Rossi]

gnau so wie mir mensche, mir bestönd nöd nur us positivem.

ja und das isch au guet so wils eim witerbringt wil mer mues reflektiere. ich säge nur das es eim nüt bringt ständig a dem feschtzhalte.
dini biträg chömed oft so übere (und ja ich weiss, mini mängisch au), ich scheue kei konfrontation. trotzdem ischs mer zschad um ziit mich mit lüüt zbeschäftige wo ständig negativ redet.
es isch reini zit- und energieverschwändig

[thaeye]

de mensch brucht negativi gedanke um sich de grenze au widrmal bewusst z sii, er muss wüsse daser au was z verlüre haet. positiv denke tuet erfahrige, Lernprozess oder Konfrontationen nöd ersetze. ich bin de meinig das en gsunde mensch au die siite muess erlebe und uslebe. verlüst muend ufgarbeitet werde.

gedanke sind frei und das isch au guet soo, das z unterdrücke ischs dümmst wott chasch mache.

[Herr Rossi]

de mensch brucht negativi gedanke um sich de grenze au widrmal bewusst z sii, er muss wüsse daser au was z verlüre haet. positiv denke tuet erfahrige, Lernprozess oder Konfrontationen nöd ersetze. ich bin de meinig das en gsunde mensch au die siite muess erlebe und uslebe. verlüst muend ufgarbeitet werde.

bini absolut dinere meinig. mer mues das ufarbeite zum alles negativ empfunde i positivs umzwandle. drum schtimmt ja au d ussag:

To be of any use, negative emotional energy must be transformed into positive after the truth they accompany has been acknowledged.

bischpil; d fründin macht vo hüt uf morn schluss, d gründ sind bekannt.
mer fühlt sich schlecht, hed es manko, isch vilicht sogar hässig. egal; es herrsched negativi gfühl, wo am afang sehr präsent sind.
nach paar wuche, mönet oder jahr empfindisch vilicht immer no negativi gfühl wenn a sii dänksch. ABER es mues nid sii, wenn de positive aschpekt us dere beziehig meh gwicht gisch. isch ja egal wie lang de prozess duret, ahuptsach machsch es. es bringt absolut nüt nach jahre noch negativi gfühl zha wäg ire, wenns doch hesch denn hesch ebe de verluscht nid ufgarbeitet, oder mit ANDERE wort; negativi gfühl nid i positivi umgwandlet.

d seel unterscheidet nid öb positiv oder negativ, si wett nur bewegt wärde. drum halted mer zu gärn au a negative gfühl fescht. es isch vertraut, mer fühlt sich sicher drinn obwohls eim kabutt macht.
de weg cha esokacke sii, isch ja egal. es mues ja nid di wäg sii

[thaeye]

nei ich transformier gar kei gfühl, das isch ebe de fehler, ich lahs zue und setz mich demit usenand. isch chli en underschied, s ander isch verdränge. eifach chli anderst usdruckt. du chasch nix negativs eifach so is positive transformiere, aber du chasch lerne us de erfahrig und a dir schaffe. das isch was du meinsch, transformiere isch aber chli es schlechts wort. sogar gänzlich unpassend.

dis wahre wese wirsch erst begriffe waennd alli facette zuelasch und du dich mit dene usenandsetzisch und nix transformiersch.

[Herr Rossi]

lerne us de erfahrig und a dir schaffe.

das isch ja gmeint mit gfühl transformiere. es isch de prozäss an sich. gopfertami

edit @transformiere: ja, ich kenns problem vo unpassende usdrück; mini fründin isch amerikanerin. mängisch redsch vom gliche aber doch gits missverständnis

[thaeye]

Transformation=Umformung

und nei ich form mini negative gedanke nöd i positive um, ich lahs zue und schaff a mir. usefinde wieso und weshalb und den gats wiiiter, natürli chas länger gah je nach erlebtem.

lueg mini fründin chunt au chli usem eso egge, sie isch anerkennti Homöopathin. ich han mit ihre so vill diskussione weg gnau sötige gedankegäng. und es tuet guet mir und ihre. ich find Meditation z.b super oder au alternativi heilmethode. mir haend vill diskussione au wegem positivem denke oder negativem. es isch super wie mir ois beid so wiiterentwicklet, ich nimm aspekt vo ihre uuf won ich mit mir chan veribare oder wo beleit sind und sie chunt mängisch us ihrere wolkewelt au chli obenabe. ich bin also tagtäglich mit sötige Sache konfrontiert und kein Gegner per se.

[Herr Rossi]

äbe, formsch die negative gedanke ja glich um, eifach nid bewusst.

ich sitz ja nid äne und säge mir: so, jetz tüemer luege dass de belaschtendi gedanke huschhusch öpis guets i mi chopf zauberet.
es passiert wenn mer a sich und mit sich schaffet.

shit, eso züüg. mich schtellt die diskussion uuf.

[thaeye]

nei es entstönd dur de Prozess kei Positivi gedanke, sondern empfehlige wien ich d ursach vo dene negative gedanke besser chan bewältige oder halt eifach en lösig für das han. ich wandle mini negativ "Energie" nöd i positivi um will das i mine auge nöd möglich isch, sondern ich probier us de negative gedanke öpis z lerne. Lernprozess. ja. Transformation nein.

[Herr Rossi]

okay, denn funktioniered mir eifach nid glich

[thaeye]

s schlimme isch eifach waemme die negative gedanke völlig verdrängt und sich iredt alles isch positiv oder alles negativi haet au positivs etc. etc. das macht dich langfristig zum Zombie. nur usenandsetze bringt dich wiiter. alles anderi isch verdränge oder sich selber tüüsche. namal ich red da vo "gsunde" lüüt, nöd vo depressionsplagte oder schizos. und das isch au nöd wertend gmeint.

[Herr Rossi]

s schlimme isch eifach waemme die negative gedanke völlig verdrängt und sich iredt alles isch positiv oder alles negativi haet au positivs etc. etc. das macht dich langfristig zum Zombie. nur usenandsetze bringt dich wiiter. alles anderi isch verdränge oder sich selber tüüsche. namal ich red da vo "gsunde" lüüt, nöd vo depressionsplagte oder schizos. und das isch au nöd wertend gmeint.

niemert redt devo, negativi gedanke zverdränge. es isch au nid ganz eifach "gsundi" lüüt vo depris oder schizos z underscheide. miner meinig nah isch die gränze sehr verschwumme. nid jede isch glich belaschtbar und brucht meh oder weniger ziit zum verarbeite. kei mönsch cha gsund sii indem er sich iredt alles isch guet.

wie scho gseit; mir redet vom gliche aber empfindet andersch. dür das gömmer ganz andersch demit um.

[Acid]

gedanke sind frei und das isch au guet soo, das z unterdrücke ischs dümmst wott chasch mache.

Ja eh... Je nach dem chundmer denn aber ebä zumene Punkt wos drum god wiä viel vo siner Energie und Zit und sim Bewusstsii dassmer bestimmtä Gedankä widmet und inwiefern mer diä Gedankä so wit in Vordergrund rückt, dass sie ebä Ifluss uf anderi Teil vom Läbä händ, wie sehr mer den Gedankä verchnüpft, wo eigentlich nid zwingend mitenand münd zämähängä etc. pp.


Und do chamer denn halt durch Impuls au gwüssi Sachä echli Beiflussä... nid nur was mer denn Dänkt, sondern au wasmer macht, unabhängig vo de Gedankä.

Negativi Erläbnis füehred zu negativä Bilder und Überzügigä, weli wiederum d Wahrschindlichkeit uf witeri negativi Erläbnis erhöhed oder überhaupt scho neui Erläbnis verhinderet (indem mer öpis eifach gar nid erscht macht, willmer s Gfühl hed es chund e nüt usä, oder mer Angscht hed voreme witere negativä Erlebnis, und evtl. demit verbundeni Schmerzä).
Positivi Erläbnis füehred zu positivä Bilder und Überzügigä, weli wiederum d Wahrschindlichkeit uf witeri positivi Erläbnis erhöhed, und ehnder überhaupt neui Erläbnis hed.
Das isch imene gwüssä Rahmä jo au es natürlichs Phänomen wo zum Teil durchus au Sinn macht. Nur chan das natürlich in vilnä Aspekt ufträttä, wos üs ebä erheblichi Problem chan bereitä, will mir halt doch echli e komplexeri Gedankäwält händ, mit viel Phantasie und allem, was üs chan Strossä Bauä, aber ebä au Barriere.

Und wemer das Konstrukt so gsehd chamer denn ebä sägä: Moment, das ergid überhaupt kei Sinn dass ich i dem und dem Aspekt Negativ dänk, willi e so nur chan verlürä. Also probiere ebä diä Sach echli andersch azgo.
Das Bedütet denn aber ebä nid dass ich das au denn söll machä wenns um d Beurteilig god öb ich chan en Gump vomene Hochhuus chan überläbä oder nid (ussert ich han kei Wahl will s Hochhus brännt und ich wenn ich nid gump en halbi Minutä spöter Cholä wär...denn chamers immerhin mol versueche, wer weiss.).



Aber natürlich muess das so oder so alles en Prozess si, und du hesch sicher Rächt, es chan ziemlich ein ufem schmale Grat sii.
Mer chans ebä au so aluege, dass mir alli sehr viel Usbländet diä ganz Zit, d Frog isch denn meh was. Ich glaub allerdings au dassmer Züg mues verarbeitä. Allerdings ebä au dassmer i dem Prozess chan lernä nid nur für disses sondern ebä au für s nöchscht mol.

Und natürlich chamer sich au uf diä Tuur irgendöpis Ibildä.

s schlimme isch eifach waemme die negative gedanke völlig verdrängt und sich iredt alles isch positiv oder alles negativi haet au positivs etc. etc. das macht dich langfristig zum Zombie. nur usenandsetze bringt dich wiiter. alles anderi isch verdränge oder sich selber tüüsche.

Aber vorher hesch doch gseit alles heig zwei Sitä... wieso den nid s negativi au?

[thaeye]

natürli das au, niemert hebt sich chrampfhaft a negative gedanke uusert er isch chrank, wievill mal muess ich das nah wiederhole.

[Acid]

So oft bis mer verstönd was demit willsch sägä...