Strassen Guck

[emP]

ich ha viel zverberge und drum findi ok wenn so wenig wie möglich überwacht wird, logisch

Street View überwacht nüt (viellecht de wage wo nebe bi WLNs ufzeichnet)

[zwirrlibatz]

Aber was mit Street-View passiert hät mit echtem Dateschutz nümm vill ztue. Da übertriibt mers es bitz. Facebook/Cumulus/iPhone-Problem wäred vill wichtiger aazgah.

au wenn die dänn irgendswohi is unkontrollierbare verschwindet, gäbed d'lüüt det ja freiwillig und wüssentlich alli ihri infos use. das isch dr punkt. öb dir öpper zueluegt chan wayne sii, aber öb du no d'wahl hesch öb dir öpper zueluegt find ich dänn nüme so wayne.

für mini unterhaltig fänd ich street view an sich ja au super. am pc in ächtziit dür schingschung-city flitze, immer gern. wrum dass nöd eifach alles und jede unkänntlich gmacht werde chan isch mir nöd so klar. chan das öpper erchläre?

[emP]

Aber was mit Street-View passiert hät mit echtem Dateschutz nümm vill ztue. Da übertriibt mers es bitz. Facebook/Cumulus/iPhone-Problem wäred vill wichtiger aazgah.

au wenn die dänn irgendswohi is unkontrollierbare verschwindet, gäbed d'lüüt det ja freiwillig und wüssentlich alli ihri infos use. das isch dr punkt. öb dir öpper zueluegt chan wayne sii, aber öb du no d'wahl hesch öb dir öpper zueluegt find ich dänn nüme so wayne.

für mini unterhaltig fänd ich street view an sich ja au super. am pc in ächtziit dür schingschung-city flitze, immer gern. wrum dass nöd eifach alles und jede unkänntlich gmacht werde chan isch mir nöd so klar. chan das öpper erchläre?

Eine vollständige und fehlerfreie Unkenntlichmachung sämtlicher Gesichter und Nummernschilder ist laut Fleischer schlicht nicht realisierbar. 99 Prozent seien automatisiert “verwischt” worden. Das restliche eine Prozent müsste gemäß den Forderungen des Verwaltungsgerichtes manuell unkenntlich gemacht werden, was bei vielen Millionen Fotos ein logistisch nicht zu stemmendes Unterfangen wäre, so Fleischer.

Der Datenschutzbeauftragte merkte auch an, dass die Fehlerquote von Menschen nicht unter der von Software liege. Selbst wenn Personen acht Stunden am Tag mit der Unkenntlichmachung von Details in Street View beschäftigt wären, würde so keine hundertprozentige Sicherheit bestehen, dass wirklich kein Gesicht und kein Nummernschild mehr bei dem Kartendienst identifiziert werden kann.

[evo]

ich ha viel zverberge und drum findi ok wenn so wenig wie möglich überwacht wird, logisch

Street View überwacht nüt (viellecht de wage wo nebe bi WLNs ufzeichnet)

ich has nit mol ufs streetview bezoge.

aber eigentli hani nur chli welle trolle

[zwirrlibatz]

aber eigentli hani nur chli welle trolle

ui obacht. nöd immer durschaubar.

[evo]

hallo mer sin im Gforum, mehr informatione geh isch wichtig

[zwirrlibatz]

ja du halt dich ja nöd zrugg. riiss eifach nöd wieder böim us.


müends grad nomal über de wald flüüge.

[feeshlee]

anstatt ganz abstelle chönteds eifach mitme bulk-job alli bilder blurre. immer no viel besser, als gar nüd.
warum isch dä strassguck vom schwiiz unscharf? weisch, dä fotilinse isch kurzsichtig gsi...

[Acid]

wrum dass nöd eifach alles und jede unkänntlich gmacht werde chan isch mir nöd so klar. chan das öpper erchläre?

Wills denn wahrschindlich öpä so wür usgseh:



Und für das bemüeht niemert de Streetview.
S Spannändä a derä Sach isch jo genau dasmer so vil erkännt.
Und mol ehrlich, wiä sehr hets öperem würklich ernschthaft witergholfä. Isch doch i dä meischtä Fäll eifach es befridigä vo Neugier, und i vilnä vo denä meischtä Fäll e Neugier, wo ohni Google Streetview gar niä bestandä hetti.

Zum Teil isches problematisch, zum Teil aber au eigentlich scheiss egal, zumindescht soferns eim nid sälber blöd trifft (und wahrschindlich trifft sältä öper würklich).


No zum oft wiederholtä dummä Spruch mitem Verbergä: Werum söt niemert s Rächt ha öpis z verbergä? Hed nid jedä öpis z verbergä? Wärs au ok wenn jedä jederzit d Gedankä vo jedem chönti läsä?

[geosnow]

ich find, google sött eifach e stür em staat zahle und ihm au d recht a allne bilder gäh. alles legal und guet.

[Acid]

Nei, es gohd jo nid um de Staat... S Rächt am eigene Bild het mitem Staat nüt ztuä, das isch es Recht wo jedä persöndlich hed.

[Tatsujin]

ich bin im google ärde virtuell de ganzi verdammt wyoming 24 & devils tower national monument road abe und ue gfahre. megen isch gsi

[Reinforced]

ich bin im google ärde virtuell de ganzi verdammt wyoming 24 & devils tower national monument road abe und ue gfahre. megen isch gsi

uf eire vo dere spill THE Hitcher ?!

[BrainBug]

wer nüt z'verberge het muess au kei angscht ha

de moff, zuestimme tue ich

[geosnow]

Nei, es gohd jo nid um de Staat... S Rächt am eigene Bild het mitem Staat nüt ztuä, das isch es Recht wo jedä persöndlich hed.

de staat chan sich aber nomeh recht verschaffe und stüre alles mögliche isacke. warum nöd au uf streetview? d strasse ghöred idR au em Staat oder matterhorn.

ich weiss, d logic fählt echli, aber das isch mir egal.

[zwirrlibatz]

es isch aso für google mit verträtbarem ufwand machbar dä hinderscht mongolisch grashalm in HD uf min monitor z'zieh aber d'gsichter z'verschlirgge nöd...

[Tatsujin]

ds gsicht verschirge macht en software automatisch, leider isch si halt wie jedi anderi software uf dem planet nöd 100% fehlerfrei.
müesstets halt na sbaar chineese ahstelle, wo jedes bild i jedem winkel namal vo händsche überprüefed und gegäbenefalls namal nachbearbeitet.

[zwirrlibatz]

das wär ja en verträtbare ufwand.

[Acid]

Nei, es gohd jo nid um de Staat... S Rächt am eigene Bild het mitem Staat nüt ztuä, das isch es Recht wo jedä persöndlich hed.

de staat chan sich aber nomeh recht verschaffe und stüre alles mögliche isacke. warum nöd au uf streetview? d strasse ghöred idR au em Staat oder matterhorn.

ich weiss, d logic fählt echli, aber das isch mir egal.

Ja fehlt scho bitz öpis... einersits cha sich de Staat zum Guete Glück nid eifach so nomeh Recht verschaffä... si müend immerno tricksä, klapt zwar au, aber nid ganz so schnell und unkompliziert, wiä wenses eifach so würed machä.
Und solang niemert so blödi Ideä tatsächlich will in Tat umsetzä, isches rächtlich ehnder so wiäs ebä au isch. So sind d Strossä no lang nid idR am Staat, sondern chönd idR genau so am Kanton, de Gmeind, oder sogar amene Privatä si (allerdings z.B. möglicherwis au mit de Pflicht si de Öffentlichkeit zur verfüegig z haltä und z wartä, mit dementsprechender Entschädigung natürlich, somit also trotzdem absolut de Öffentlichkeit zuägänglich).
Und wär jo no besser, wenns jetzt eifach würed Stürä druf erhebä... denn müestisch für jedi Foti wo irgendwo usserhalb vomene Privatä Berich machsch Stürä Zahlä. Und will das nid z kontrolliärä wär jedi Foti einzeln z bestürä, wird jedä Bürger Pauschal bestürt, oder will irgendwer meint das wär unfair, will er jo gar kei Fotis würd machä, zumindescht jedä wo irgendes Grät hed, wo theoretisch i de Lag wär Fotinä z machä, also grundet öpä 99%, und mer müest es Privats Unternähmä irichtä wo zum gröschtä Teil Arschlöcher schaffed wo de ganz Tag lang cholä verbruched zum d Lüt z nervä, willsi so wänd Gäld itribä für de Staat.
Wiäs jetzt isch, dörf eigentlich jedä überall e Foti machä, solanger sich uf öffentlichem Grund befindet (git natürlich scho Usnahmä), werum also Google nid? Logisch Google au. Wenn Google nid, werum denn alli anderä?

Es anders Thema isch aber s Rächt am eigene Bild, und drum dörf ich nid vo dir e Foti machä (au wenn uf öffentlichem Grund bisch), und denn en Werbekampaniä mit dim Gsicht machä und 300 000 000 Millionä Milliardä demit verdiänä, ohni dich au nur gfrögt zha öb das OK isch, wenn du vo jetzt a Mr. FrauäimStringbesaberermitStänderidäHosä bisch, will ich uf em Plakat das us dir gmacht han, und das alli gsehnd.

Es sind alles ganz verschiedeni Themä wo du do duränand mischisch, soviel isch schomol klar...


Und was d Gsichter verschlirgge betrifft: Werum nid eifach grad d Mänschä usschnnidä? Für de eigentlich Zweck vom Streetview wärs jo kei Unterschied, öb det wissi oder farbigi Siluetä sind oder Mänschä.
Ich vermuete mer machts nid, will en grossä Teil ebä nid wägäm eigentlichä Zweck uf Streetview god, sondern ebä z.B. zum Mänschä azluege.

[geosnow]

@acid

Merci für dini Pünkt. Ich lalle da au nur chli umme und chumme uf sonderbar ideä, wo chli zämehangslos sind. Da machi aber au, zum d diskussion ahtriebe. S gueti isch, dass grad dini Anwort au öpis hergit.

[emP]

Ich vermuete mer machts nid, will en grossä Teil ebä nid wägäm eigentlichä Zweck uf Streetview god, sondern ebä z.B. zum Mänschä azluege.

son seich

[emP]

das wär ja en verträtbare ufwand.

jetzt hesches immer no nid checket. schad.

[O_O]

http://www.sevilla111.com/default_en.htm


bald fötelet jedes handy so. oder au nid.

[emP]

http://www.sevilla111.com/default_en.htm


bald fötelet jedes handy so. oder au nid.

recht geil.

aber d lüt sie au hie unkenntlich gmacht. Findsch die zwöi?

[O_O]

gfunde